Salmos 94:16 - Chuj San Sebastian Bible

¹⁶ Mamin, ¿mach wal junc in wul colnc 'el 'a yol sc'ab' eb' maysch'olnil cha, mto 'a eb' tu snab'en 'a in patquil?

Chuj San Mateo Bible

¹⁶ Mamin ¿mach tzin colan d'a yol sc'ab' eb' ixtum anima yed' eb' sc'ulan tas malaj svach'il?

Salmos 94:16 Referans Kwoze

Jueces 5:23

Ax jun yángel Jehová xaln 'ixtic: Jaw cab' scatb' Jehová 'a yib'n̈ chon̈b' Meroz, yet' 'a yib'n̈ smasnil eb' 'anma cajn 'a 'a, yujto ma'ix 'och eb' yet' Jehová yic xya'n owal, 'icha xyac' jun tzo'n̈ xo eb' soldado ma'ix xiwi, xchi.

3 Jn 1:8

Yuj cha, qui cuentaec qui colwj 'a eb'. Toto 'ixta', locn on̈c wan qui munlj pax yet' eb', yic tz'ec' yalnc 'el eb' jun cuynb'il caw yel.

Mt 12:30

A mach man̈ 'ayc 'och wet'oc, 'ajc'ojl yajch 'ayin. Ax mach matz molb'tzan eb' 'anma wet'oc, a tz'a'n sactzic eb'.

Ez 22:30

'Ix cob' in sayc' 'a scal eb', lemb'il 'ay junc mach tztew to 'ayn yuj jun chon̈b' cha, sec matz in satli, palta may junc x'ilchj wu'uj.

Jeremías 5:1

Xyaln Jehová 'ayn 'ixtic: B'eyn̈ 'ec' 'a scayeal Jerusalén, tza maclni wal el si'mb'il. Tz'ec' a saync el 'a 'aj 'ay smasnil chon̈, tzelni toto 'ay mach caw tojl tas tzb'o'o, caw yeln̈j tas tzyala. Toto tz'ilchj junc o'oj, to 'ixta', 'oj wac' niwnc'ojlal 'a Jerusalén.

Is 63:5

In cob' 'ec' q'uel-loc, may xon mach 'ix colwj jac wet'oc; yuj cha, caw 'ix sat in c'ojl wiln jun tic, yujto may xon mach x'och wet'oc. Yuj wal yowl in c'ojol, x'och wip, atn yuj cha, sta'n in coln in chon̈ab'.

Is 59:16

Caw wal tzsat sc'ojl yiln tz'aj eb' 'anma yixtxi, yujto man̈x 'a mach wach' scoln eb'. Yuj cha, xya'n 'och sb'a scoln eb' yet' spoder, xya'n ganar scoln 'el eb' 'a stojlal.

Salmos 59:2

Coln 'el 'a eb' tzb'on maysch'olnil yet' 'a eb' milm cham 'anma'.

Salmos 17:13

Mamin Jehová cotan̈, mac sjaw eb' 'ajc'ojl yajch 'ayin, 'ac' telwc 'ejm eb'. Coln 'el yet' a poder 'a yol sc'ab' eb' maysch'olnil snab'en.

Nehemías 5:7

Xlajw cha, xin nan wal si'mb'il 'a yib'an̈. Xin tench wan eb' niwc winac, yet' eb' yajal, yuj sc'ann 'el eb' yune stumin. Yuj cha, xwawtn smasnil eb' 'anma 'a jun c'umjb'a yuj jun paxti cha.

A Ch'an̈ Schab'il Libro Yic Yab'ixal Eb' Rey 10:15

A yic x'atx Jehú ta', schan sb'a yet' Jonadab, yunnal Recab, a yic tox xlajw yajx stzatzl sc'ojol, 'ix yaln Jehú 'a 'ixtic. —¿Wach' am ya'n a nab'en 'ayin, 'icha swach'l ya'n in nab'en 'ayach? xchi 'a winac. —N', wach', xchi Jonadab. —Toto 'ixta', 'a' cot a c'ab' 'ayin, xchi Jehú. 'Ix ya'n 'at Jonadab sc'ab' 'a 'a, 'ix sto'n q'ue Jehú yet' 'a yol scaruaje,

A Ch'an̈ Schab'il Libro Yic Yab'ixal Eb' Rey 9:32

'Ix q'ue q'ueln Jehú 'a jun ventnu cha, 'ix yaln q'ue 'ixtic: —¿Mach 'aych wet'oc? xchi winac. 'Ay chawn̈ 'oxwn̈ eb' 'ay yopiso 'a yatut 'ix, 'ix 'elt t'an̈n eb',

Nm 10:35

A yic tz'ijx b'ey te caxa cha, tzyaln Moisés 'ixtic: ¡Cotn̈ mu'c Mamin Jehová! ¡Sactzic cab' eb' 'ajc'ojl yajch 'ayach! A yic tzach yiln eb' matz ach nib'ni, 'at cab' eb' 'elc 'a ojltac, xchi.

Salmos 118:6

A 'ayc' wet'oc, yuj cha, matz in xiw yuj tas tzin yutj eb' wit 'anma'il.