Salmos 92:4 - Chuj San Sebastian Bible

⁴ Mamin Jehová, ach 'ix ac' in tzaljc'ojlal yet' smasnil tas b'ob'il o'oj. A jun tzo'n̈ a b'ob'en tic, a eb' tzin 'a'n 'och 'a tzaljc'ojlal.

Chuj San Mateo Bible

⁴ Mamin Jehová, a ach ix in ac'och d'a tzalajc'olal yuj tas b'ob'il uuj. Tzin b'itan d'a tzalajc'olal yuj tas ix a c'ulej chi'.

Salmos 92:4 Referans Kwoze

2 Co 2:14

Palta calc yuj diosal 'a Dios, yujto smasnil tiempo on̈ yac' 'och tza'n yuj Cristo Jesús, yic tzcheclj 'eli to a 'ix a'n ganar. Cujec tzpucb't yab'xil 'a junjn lugar, 'icha tzpucb't sjab' junc incienso.

Salmos 8:6

'Ix a'n can 'och copiso 'a yib'n̈ tas a b'ojnac, 'ix a'n can smasnil 'a yol qui c'ab' on̈:

Lc 1:47

caw tzalj in c'ojl yuj Dios qui Colmal.

Salmos 126:3

Yel toni, caw niwn swach'c'ojlal Jehová xyac' 'ayn̈ec, yuj cha, 'ayn̈ec 'ec' 'a tzaljc'ojlal.

Jn 16:22

'Icha junc 'ix cha, 'ixta 'oj eyaji. 'Oj e cus ton ticnec. Palta at yic 'oj in eyilnc pax jun 'ejm xo, caw 'oj e tzalj paxi. Ax jun e tzaljc'ojlal cha, may mach 'oj stac' yi'n 'ec' 'ayex.

Apoc 18:20

Palta ax xo ex 'aj satcha'an̈, tzaljan̈c yuj jun chon̈b' cha. Ex schecb' Jesucristo, yet' ex schecb' Dios, e masnil ex yic xo, tzaljan̈ec. Yujto eyu'uj, 'ix sb'eyc'ojlan Dios jun chon̈b' cha, 'ix ya'n syailal.

Salmos 143:5

Tzin nan cot tas b'ob'il oj 'a yic pecti', tzlaj in yamn 'och in b'eyc'ojlan jun tzo'n̈ tas a b'ojnac yet' a poder.

Jeremías 31:7

Tzyaln pax Jehová 'ixtic: B'itnan̈c 'a tzaljc'ojlal yuj jun chon̈b'al eb' yin̈tl Jacob, atn jun chon̈b' 'ec'b'al yel'ch 'a yib'n̈ smasnil nacion̈. 'Ab'x cab' e b'itni, tzeyaln 'ixtic: Mamin Jehová, coln̈ an̈ a chon̈b' on̈ tic, atn jantc on̈ 'ayn̈to cani, xe chi.

Salmos 104:31

Mamin Jehová, 'ayc' cab' a tzictznil 'a jun 'ejmn̈ej. Caw tzach tzalj yet' tas b'ob'il o'oj.

Salmos 90:16

An̈ a checb' on̈ tic yet' eb' quin̈tl on̈, 'ac' cojcoc 'el a b'ob'en to satjub'tac yilxi.

Salmos 64:10

A eb' 'anma wach' sb'eyb'al, 'oj yac' eb' tzaljoc sc'ojl 'a Jehová, ax sayn 'ec' eb' colwal 'a 'a. A smasnil eb' wach' snab'en, 'oj can eb' 'a tzaljc'ojlal.

Salmos 104:34

Comnoc wach' jun in nab'en tic tzela, yujto cojn 'ayach, ata tz'ilchj in tzaljc'ojlal.

Salmos 33:2

¡Alc wach' paxti 'a Jehová yet' arpa! B'itnejec sb'i yet' salterio.