Salmos 92:14 - Chuj San Sebastian Bible

¹⁴ Wach'xam 'ichm 'anma xo eb', palta an̈j 'ijnoc te'nto yip eb'. 'Icha junc te te tzsatni, 'ixta 'eb'.

Chuj San Mateo Bible

¹⁴ Vach'chom icham animaxo eb', palta lajanto val eb' icha junoc te te' tzato satani, tec'anto val yip eb'.

Salmos 92:14 Referans Kwoze

Is 46:4

'Ixtan̈ej 'oj in b'o eyet'oc, wach'xam 'ichmexx 'anma', mto sacx xil e jolom, palta 'oj ex wi'n̈j b'eyoc. An b'ojnac ex, yuj cha, 'aynn̈ej 'och eyet'oc, 'oj ex in coln̈ej.

Salmos 71:18

Man̈ in actc can in ch'ocoj, wach'xam 'ichm in xo, sacx xil in jolom, palta an̈j 'ijnoc 'oj wal-l a jelnal, yet' a tojlal 'a eb' tot 'oj 'aljoc.

Jeremías 17:8

Lajn wal eb' 'icha te te 'awb'il 'a sti a', tz'at sch'an̈l yib' te 'a 'aj tzb'ey a a cha. Wach'xam 'ay c'ac', palta may tz'i'n te', caw pimn̈j xil te'. A 'a yic may n̈ab', matz tac sc'ojl te', may xon tz'aj yoch wan te ya'n sat.

A Scarta San Pablo D'a Eb' Aj Filipos 1:11

'Oj wach' 'och wal Jesucristo eyet'oc, sec wach' tojln̈ej 'oj eyutc e b'eyb'al. Toto 'ixta', eyu'uj 'oj checljoc 'eli, chajtlto caw niwn swach'l Dios, ax yalx wach' paxti 'a 'a.

Salmos 1:3

Smasnil tas tzb'o eb', caw wach' tz'aj 'el'chi. A eb' cha, lajn wal eb' 'icha junc te te 'ayc' 'a sti junc a a', tzyac' sat 'a stiempoal, may pax b'a'n̈ tzpucl xi'il.

Job 17:9

A eb' wach' snab'en, wach' 'oj 'aj 'el'ch eb', a tas tojl tzb'o eb', 'oj niwtjoc chan̈ eb' yet'oc.

Mt 3:10

A jun niwn yailal 'oj jawc cha, lajn 'icha junc winc lista yaj yet' sch'acb' 'a yich te 'awb'ente'. Jantcn̈ej te maysch'olnil sat tzyac'a, c'uxn tzu'l win smasnil, ax sjuln can 'at win 'a yib'n̈ c'ac'.

Pr 4:18

A eb' tojl snab'en, a swach' b'eyb'al eb', caw tzq'ue'ch 'icha yic tzq'uel c'u 'a yic tzsacb'eli, masnto tzowb' yoc c'u cha.

Ez 47:12

A 'a sti a a chi 'a schapaq'uil, ata 'oj q'uib' chan̈ smasnil te 'awb'ente tzlox sat, ax te xil chi 'oj 'och remelal. 'A junjn 'uj ax ya'n te sat, ma'oj pucl pax xil te', yujto a 'a scal yib' te', ata tz'ec' a tz'elt 'a yol yatut Dios. 'Oj loxoc sat eb' te', ax yoch te xil chi remelal, xchi 'ayin.

San Judas 1:12

A yic tzeya'n mol wa'el, tze ch'oxn e chamc'ojlal, caw tzeyac' e q'uixwloc yuj eb'. Yujto ton̈j tzcomn 'och eb' wac eyet'oc, may jac xiwc'ojlal eb'. 'Icha junc tan̈m calnelu cojxn wal tzya'ilj sb'a, 'ixta eb'. 'Icha junc tacn̈ 'asn ton̈j tzb'eyc' yuj 'ic', 'ixta pax eb'. Lajn eb' 'icha junc te may xon 'aj tzyac' junc sat. Ton̈j tztacj 'eli, tzchami. Tzlajw cha, c'uxn tz'ijx q'uet yet' sch'an̈lyib' smasnil, tzwach' satli.