Salmos 92:12 - Chuj San Sebastian Bible

¹² Palta ax eb' wach' snab'en, 'icha to 'oj nichnoc eb' 'icha te palma, ax sq'uib' eb' 'icha te c'ute 'a Líbano.

Chuj San Mateo Bible

¹² A eb' anima vach' spensar, ol q'uechaan̈ eb' icha xumaquil te' palma. Ol q'uib'chaan̈ eb' icha val te' c'ute' d'a Líbano,

Salmos 92:12 Referans Kwoze

Salmos 1:3

Smasnil tas tzb'o eb', caw wach' tz'aj 'el'chi. A eb' cha, lajn wal eb' 'icha junc te te 'ayc' 'a sti junc a a', tzyac' sat 'a stiempoal, may pax b'a'n̈ tzpucl xi'il.

Jeremías 17:8

Lajn wal eb' 'icha te te 'awb'il 'a sti a', tz'at sch'an̈l yib' te 'a 'aj tzb'ey a a cha. Wach'xam 'ay c'ac', palta may tz'i'n te', caw pimn̈j xil te'. A 'a yic may n̈ab', matz tac sc'ojl te', may xon tz'aj yoch wan te ya'n sat.

Salmos 104:16

Mamin Jehová, ach tzac' yaxb'oc te te yet' n̈ab', yet' pax eb' te c'ute 'awb'il oj 'a Líbano.

Salmos 52:8

Palta an xo tic, lajn in 'icha junc te olivo caw ya'ax, wach' sq'uib' 'a yamq'uil yatut Dios. 'Oj wa'chn̈ej schamc'ojlal Dios yipc in c'ojl 'a smasnil tiempo.

Nm 24:6

Sja'l wal eyilx 'at 'icha spantail te palma, 'icha yilx te 'awb'ente 'a sti a a', 'icha pax yilx te áloe 'awb'il yuj Jehová, mto 'icha yilx te c'ute 'a sti a', 'ixta eyilxi.

Am 2:9

An Jehová in, an tzwala, to in satjnac 'el eb' amorreo, yuj wa'n slum eb' 'ayex. Wach'xam niwc stel eb' 'icha te c'ute', wach'xam tzatz eb' 'icha te jiy, palta 'oj in satl eb' 'a jun 'ejmn̈ej.

Is 65:22

Man̈x 'a te n̈a ton̈j 'oj sb'o eb', ax chucx mach tzcajni. Man̈x 'a tas ton̈j 'oj yawc eb', ax chucx mach tzlon sat yawb'ente eb' cha. A eb' in chon̈b' cha, caw wal 'oj najtxb'oc sq'uinl eb', lajn 'oj 'aj sq'uinl eb' 'icha eb' te niwc te'. A eb' 'anma sic'b'il 'el wu'uj, najtl 'oj tzaljoc eb' sc'uxn yel-l spac smunljel tzb'o'o.

Salmos 72:7

Niwtj cab' junc'ojlal yet' tojlal 'a yic stiempoal 'aych win rey yajlil, masnto 'oj satl 'uj.

Is 55:13

A lum lum 'aj 'ay te q'ui'ix, a te c'u'taj 'oj q'uib'x 'a sat lum sjelc te'. Ax lum lum 'aj 'ay eb' te pechac, a te arrayán 'oj q'uib' sjelc te', atn jun tic 'oj in b'o an Jehová in, yuj yi'nb'ilc chan̈ in b'i, to 'oj in nax cot yuj 'a smasnil tiempo, xchi Dios.

A Ch'an̈ B'ab'el Libro Yic Yab'ixal Eb' Rey 6:29

'Ix ya'n 'ajxoc 'och yechl querubín, yet' yechl te palma, yet' pax yechl te nichte' yelwnub'loc sat smasnil yich n̈a cha, 'a yojol yet' 'a spatquil.

Salmos 92:7

Wach'xam a eb' 'ajmul 'anma', mto eb' tzb'on maysch'olnil tzq'ue wan tzicnjoc 'icha sq'uib' te c'ultac, yajn̈j cha tz'och yip eb', palta jab' wal tiempo 'ixta tz'aj eb'. Tzlajw cha, tzsatx can 'el eb' 'a jun 'ejmn̈ej.

A Ch'an̈ B'ab'el Libro Yic Yab'ixal Eb' Rey 4:33

'Ix yal yuj te te', yet' yuj c'ultac, tzchaj cot yaln yuj te c'ute 'ay 'a Líbano, masnto 'a te hisopo tzq'uib' 'a spatquil yich n̈a. An̈jtona', 'ix yaln yuj smasnil no noc', no ch'ic, no tzjuc sb'a 'a sat lu'um, yet' no chay.

Salmos 148:9

lum niwc witz, lum tzalan, eb' te c'ute' yet' eb' te te tzsatni,

Ester 9:5

'Ix stzu'n cham eb' israel chi eb' 'ajc'ojol cha. C'uxn 'ix satl eb' smasnil, 'ix sb'o wal eb' 'icha tas snib'ej.

Salmos 37:34

Ca'c 'och Jehová yipc qui c'ojol, yiclum tzcutjec qui b'a 'a 'a, ax 'oj qui'nec cha'an̈, ax ya'n lum lum quicooquec. Q'ueln on̈c wal 'ochi, ax satx can 'el eb' maysch'olnil sb'eyb'al cha.

Miqueas 7:10

An̈jtona eb' 'ajc'ojl yajch 'ayn̈ec, 'oj yac' Dios yil pax eb' jun tic, caw 'oj q'uixwc can 'el eb' yu'uj. Atn eb' aljnac 'ayn̈ec 'ixtic: ¿'Ajtil 'ay Jehová e Diosal cha? xchi eb'. Palta a ticnec, 'oj quilc wal tas 'oj 'aj slajw 'el eb'. 'Oj te'wtan̈xoc eb' 'icha lum b'i'ch 'a yoltc caye.