Salmos 90:10 - Chuj San Sebastian Bible

¹⁰ 'Ayn̈ cojn wal 70 ab'il tzquila, 'ay pax mach caw 'ay sq'uinl jun, tzq'ue'ch 'a 80 ab'il. A eb' najtl tzyila, 'icha to tzb'an̈ sb'a eb' yet' sq'uinl cha, palta caw wal ya xo yec' tiempo yuj eb', yel xo wal tzyixtj sb'a eb'. Yuj cha, 'ay mayn̈ej tz'ec' jab' qui q'uinl an̈ 'anman̈ tic on̈, tzon̈ satx can 'ejm on̈.

Chuj San Mateo Bible

¹⁰ An̈ej 70 ab'il co q'uinal. Axo eb' tec'an jun, sc'och eb' d'a 80 ab'il. Palta te yaxo yec' c'u ac'val yuj eb'. Elan̈chamel tz'ec'b'at co q'uinal, tzon̈ sateli.

Salmos 90:10 Referans Kwoze

Santiago 4:14

Palta 'in man̈ cojcoquec tas cajc q'uic'an. A qui q'uinlec 'a yolyib'n̈q'uinl tic, yajn̈ej tz'eq'ui. Lajn 'icha xob' lu'um, junn̈j rato tzlajw q'ue wa'an.

Salmos 78:39

'Ix sna cot Dios, chajtlto chamlb'a 'anman̈ej eb' qui mam quichmec cha, lajn eb' yet' 'ic' tz'atcni, man̈xtzac meltzj paxi.

A Ch'an̈ Schab'l Libro Samuel 19:35

'Ayx 80 ab'il in q'uinl ticnec; man̈xtzac wab' schiloc tas tzqui c'uxu, yet' tas tzcuq'uej, man̈xtzac tztac' wilni toto wach' mto ma'ay. An̈jtona', man̈xtzac stac' wab'n sb'itn ewin tzb'itni yet' eb' 'ix tzb'itni. Nab'a xoj tzin 'och stz'acb'oc eb' tzac' servil mamin rey.

Gn 47:9

Xta'w Jacob 'a win rey 'ixtic: —130 ab'il nant in q'uinal, til wal 'aj tzlaj in 'eq'ui, caw wal mant niwnoc in q'uinal, yujto yailaln̈ej tz'aj yec' jab' tiempo tic wu'uj, palta mantzac c'och wab'lil 'icha sq'uinl eb' 'in mam wicham, xchi winac.

Dt 34:7

'Ay 120 ab'il sq'uinl Moisés yic 'ix chami, wach' to yilni, 'ayt pax yip.

A Ch'an̈ B'ab'el Libro Yic Yab'ixal Eb' Rey 1:1

A rey David, caw wal 'ichm winc xo, yuj cha sic tzyab'i, wach'xam caw pim tzyutj ya'n 'och spichul, palta matz q'uixnji.

Job 24:24

Caw yajn̈ej tzniwtj chan̈ eb' maysch'olnil snab'en, an̈jtona', yajn̈j wal cha tzsatx can 'ejm eb'. Tzcham eb' 'icha tzyac' jun tzo'n̈ xo eb' 'anma'. Tzto'x 'el eb' 'icha te c'ultc tzto'x q'uet 'a yol lu'um, mto 'icha tzyac' 'ixm schon trigo tzpolxi.

Job 14:10

An̈ xo pax an̈ 'anman̈ tic on̈, a yic tzon̈ chami, jun 'ejmn̈ej tzon̈ chami. 'Ajm til tzon̈ c'ochcn on̈, ¿tom 'ayt 'aj tzon̈ 'ilx pax jun 'ejm xo?

Is 38:12

Yujto a 'in q'uinal 'ijn 'ix sat 'ejm 'icha tz'aj sma'x 'ejm junc mantiado 'a yet'l yuj junc 'ilm calnelu, tzyi'n 'ati. 'Icha wal tz'aj slot'x 'elt junc nip 'a 'aj tzjalxi, 'ixta x'aj in q'uinl tic xwab'i, xin chi. Mamin, sc'ual yac'wlil wab'n syal o'oj.

Lc 12:20

Palta xyaln Dios 'ixtc 'a winac: Ach tic, caw may jac a nab'en. A 'a jun 'ac'wl tic ax a chami. Ax jantcn̈ej tas cob' molb'il o'oj, ¿machm 'oj 'ica'anoc? xchi 'a winac.

Job 20:8

Ton̈j 'oj satchan̈ eb' 'icha junc tas tzquil 'a qui wayich, man̈x 'a mach 'oj 'ilnc eb'.

Gn 6:3

Yuj cha, xyaln Jehová 'ixtic: Man̈x 'oj in tench wann̈ej eb' 'anma tic 'a smaysch'olnilal, yujto chamlb'a 'anman̈ej eb', cojxn̈ej 120 ab'il tz'ec' 'anma 'a yolyib'n̈q'uinl tic, ax satl eb', xchi.

Lv 27:7

Ax pax yuj eb' 'ichm 'anma 'ec'b'alx 'a 60 ab'il sq'uinal, toto winac, olajn̈e q'uen tumn plata chi tz'ajx yu'uj, ax yuj eb' 'ix, cojn lajn̈e q'uen tumn plata tz'ajx yu'uj.

Josué 14:11

Palta caw wal an̈ja 'ayt wip tzwab'i, 'icha 'a yic in schecn cot Moisés wul in maclnoc wil lum lum tic, 'ixta to in te'nal tzwab'i, tztac' to in b'eyq'ui tztac' to pax wa'n owal.

A Ch'an̈ Schab'l Libro Samuel 19:36

Cojn to tzin 'ec' et' 'a yojl a Jordán tic, tzlajw cha, tzin 'at et' jac xo, ax wiln a 'atcni. ¿Tas yuj tzala to tzin 'at et'oc, yuj a'n spac in wach'c'ojlal 'aych mamin rey?

Job 5:7

Mun wal tzquij cot yailal 'a quib'an̈, 'icha tz'aj stz'itj 'el snich te c'ac', 'ixta tz'aj sjaw 'ayon̈.