Salmos 9:6 - Chuj San Sebastian Bible

⁶ 'Ix cham eb' 'ajc'ojl cha, satcn 'el pax schon̈b' eb' yet' 'a jun 'ejmn̈ej, yujto ach xa satl eb', sec man̈xtzac nax cot eb'.

Chuj San Mateo Bible

⁶ Toxo ix cham eb' ajc'ool, ix satel schon̈ab' eb' d'a juneln̈ej. A ach ix a sateli, man̈xalaj junoc ix cani, yic vach' maxtzac nachajcoti.

Salmos 9:6 Referans Kwoze

Miqueas 7:8

Ex 'ajc'ojl eyajch 'ayn̈ on̈, man̈ex tzaljoc yuj tas tzon̈ 'aj on̈. Wach'xam tzon̈ 'ejmi, palta 'oj qui q'uex wan jun 'ejm xo on̈. Wach'xam tz'och 'oynjoc q'uic'q'uinl 'ayon̈, palta a Jehová 'aych qui sacq'uinloc on̈.

Ex 14:13

'Ix ta'w Moisés 'ixtc 'a eb' 'anma cha: —Man̈ ex xiwoc, te'wtzejc e b'a, 'oj eyila' tas 'oj yutc colwjoc sb'a Jehová quet'ec, yujto man̈x 'a xon b'a'n̈ 'oj eyilch jun tzo'n̈ 'aj Egipto tic, cojxn̈ej ticnec tzeyilcn 'och eb'.

Apoc 20:2

'Ix c'och 'a win dragón yic tzyamn coti. A win dragón cha, atn jun ya'jnac 'och sb'a chanl 'a pecti', atn win diablo, win Satanás. Ax jun ángel chi 'ix jaln winac. Jun mil ab'il 'oj jalx can win yu'uj.

1 Co 15:26

'Ay pax junx 'icha 'ajc'ojl yajch 'ayn̈ec 'a yolyib'n̈q'uinl tic, atn chamel. A jun cha, 'oj 'ajxc can lajwc yuj Cristo 'a slajub'.

Miqueas 7:10

An̈jtona eb' 'ajc'ojl yajch 'ayn̈ec, 'oj yac' Dios yil pax eb' jun tic, caw 'oj q'uixwc can 'el eb' yu'uj. Atn eb' aljnac 'ayn̈ec 'ixtic: ¿'Ajtil 'ay Jehová e Diosal cha? xchi eb'. Palta a ticnec, 'oj quilc wal tas 'oj 'aj slajw 'el eb'. 'Oj te'wtan̈xoc eb' 'icha lum b'i'ch 'a yoltc caye.

Jeremías 51:25

An Jehová in, an tzwala: An tic, 'ajc'ojl wajch 'a Babilonia. A jun cha, lajn wal 'icha junc niwquil witz tzsatn 'el smasnil sat lum lum tic. A yet' in poder ax in ma'n 'ejm lan̈chjoc, sactzicnac 'oj 'atcn 'a sat pac'an. Yuj cha, a Babilonia cha, lajn 'oj 'ajcn 'icha junc witz tz'anac.

Is 37:26

¿Tom may 'aj 'ix ab' yalxi to an ton Jehová in? Wujn̈ej tz'el'ch smasnil jun tzo'n̈ tic. Pecti xon nab'il can wu'uj to tz'el'ch jun tic, yuj cha, stac' a satn 'el jun tzo'n̈ nacion̈ caw wach' yajch smuroal, 'ix q'uecn b'uln sc'ajl o'oj.

Is 14:17

Sictac x'ajcn yolyib'n̈q'uinl yu'uj, cusltac xoj x'ajcn smasnil chon̈ab', may junc eb' 'aych 'a preso 'ix schaj 'elta, 'oj schic eb'.

Salmos 46:9

'Ix yac' lajwc jun tzo'n̈ owal, masnto 'aj tzlajw c'och yolyib'n̈q'uinl tic; 'ix wecchj can jul-lab' yu'uj, 'ix wecchj can pax jun tzo'n̈ lanza, xya'n can 'och sc'a'l jun tzo'n̈ caruaje yic owal.

Salmos 34:16

Palta 'ay cot yowl sc'ojl 'a yib'n̈ eb' tzb'on maysch'olnil, yic tzsatn 'el snanb'il cot eb' 'a sat lum lum tic.

Salmos 8:2

Tza c'anlb'an eb' 'unin yet' eb' tz'ulc 'unin, yic tzyaln eb' wach' paxti 'ayach, sec wach' sictac tz'aj eb' 'ajc'ojol yet' eb' tzchichn 'och 'ayach.

Salmos 7:5

Toto 'ay eb' xwixtej, to 'ixta', ya' cab' eb' snab'en in spechn b'eyc'oc. Yamchjquin cab' yuj eb'. Sjucquin cab' eb' 'a sat lu'um, ste'wtan̈c in cab' eb', masnto tzin mucchji.

A Ch'an̈ Schab'il Libro Yic Yab'ixal Eb' Rey 19:25

¿Tom may 'aj 'ix ab' yalxi to an ton Jehová in? Wuj wali tz'el'ch smasnil jun tzo'n̈ tic. Pecti xon nab'il can wu'uj to tz'el'ch jun tic, yuj cha, stac' a satn 'el jun tzo'n̈ nacion̈ caw wach' yajch smuroal, 'ix q'uecn b'uln sc'ajl o'oj.

A Ch'an̈ B'ab'el Libro Samuel 31:7

Ax yic xyab'n eb' israel cajn 'ec' 'a sc'axpil 'ec' span̈nil Jezreel, yet' eb' cajn 'a span̈nil sti 'a Jordán, chajtlto 'ix 'at eb' soldado israel 'eloc, ax Saúl yet' eb' yunnal 'ix chamcn pax eb', yuj cha, 'ix yactn can eb' schon̈ab', 'ix 'at pax eb' 'elc jun xo. Xlajw cha, ax eb' filisteo chi 'ix c'ochcn cajn 'a schon̈b' eb' cha.

A Ch'an̈ B'ab'el Libro Samuel 30:1

Ax 'a schab'jial, 'ix c'och David 'a Siclag yet' eb' winc ajun yet'oc. Ax xiln eb' tox 'ix 'ec' eb' amalecita yelc' 'at smasnil tastc 'a yol yic Neguev yet' 'a Siclag cha. 'Ix yi'n 'at eb' smasnil tas, sn̈usn can eb' jun chon̈b' cha.

Ex 15:16

Mamin Jehová, xiw cab' chan̈ eb' yajl cha, sicb'oc cab' can 'el eb'. 'Icha cab' q'uen tz'ajcn eb' yuj a poder, masnto 'oj que'cn an̈ colb'iln̈ 'el 'oj tic.

Job 18:17

Ax sat 'ejm yalx snanb'il cot 'a sat lum tic, man̈x b'a'n̈ 'oj b'inaxc sb'i.

Salmos 34:17

A eb' 'anma wach' sb'eyb'al, a yic tzyaln sb'a eb' 'a Jehová, yajn̈ej tzyab'n tas tzyal eb'. Caw tzcolx 'el eb' 'a scal smasnil somc'ojlal yu'uj.

Is 26:14

A eb' cha, chamnc xo eb', man̈x 'oj pitzwc pax eb' jun 'ejm xo; man̈x b'a'n̈ 'oj checljoc chan̈ eb'. Lajn x'aj eb' yec' 'icha wewen, tox 'ix ac' syailal eb', 'ix a'n sat 'ejm snanb'il cot eb'.