Salmos 9:5 - Chuj San Sebastian Bible

⁵ A'jnac owl yet' junjn nacion̈. 'Ix a satn can 'el eb' xb'on maysch'olnil. 'Ix a sucn can sat sb'i eb' 'a jun 'ejmn̈ej, sec man̈x 'a b'a'n̈ tznax cot eb'.

Chuj San Mateo Bible

⁵ Ix ac'an oval yed' juntzan̈ eb' ch'oc chon̈ab'il. Ix ac' telvoc eb' sc'ulan chucal. Ix a sucsat sb'i eb' yic vach' maxtzac nachajcot eb' d'a b'aq'uin̈.

Salmos 9:5 Referans Kwoze

Pr 10:7

A eb' wach' snab'en, caw tznax cot eb' 'a tzaljc'ojlal; ax eb' maysch'olnil sb'eyb'al, toc 'ayt mach tznan cot eb'.

Apoc 19:15

A 'a yol sti jun 'aj tza'n 'och eb' cha, ata 'ay 'elt jun espada caw jay ye, yic tzya'n lajwc junjn nacion̈ yet'oc. A 'oj 'och Yajlil 'a eb', yet' sq'uen c'ococh. 'Icha ste'x 'el yal uva, 'ixta 'oj 'aj eb' yu'uj. Caw 'oj 'ajxc syailal eb' si'mb'il yuj yowl sc'ojl Dios, atn Dios tztac' yuj smasnil.

Malaquías 4:3

A 'a yic jun c'ul cha, 'oj e te'cn 'ejm eb' tzb'on maysch'olnil, 'icha wal tz'aj ste'x q'uen stan̈il c'ac', 'ixta 'oj eyutc eb'.

Dt 9:14

Yuj cha, 'ij 'el a b'a 'a wojltac, yujto 'oj in satl jun tzo'n̈ 'anma tic, man̈x 'a 'aj 'oj b'inaxc eb' 'a sat lum lum tic. Cojxn yet' eb' en̈til, ata 'oj in b'o jun nacion̈ caw niwquil, caw jeln 'oj 'aj 'el'chi, 'ec'b'al 'oj 'aj sb'isl eb' 'anma chi 'a yib'n̈ eb' tic, xchi.

Pr 13:9

Toto tojl qui b'eyb'alec, lajn on̈c 'icha junc luz caw tzictzni yilx yoc; ax toto may qui ch'olnilec, lajn on̈c 'icha junc cantil wan stupi.

Salmos 149:7

sec a yet' 'oj ca'c qui pac 'a eb' chuc chon̈b'al, ax ca'nec can 'och syailal jun tzo'n̈ xo nacion̈.

Salmos 79:10

Toto ma'ay, 'oj yal eb' chuc chon̈b'al chi 'ixtic: ¿'Ajtil 'ay e Diosal cha? 'oj schic eb'. Comnoc wal tzac' quil on̈ tas wal tzotj a'n spac schamlil eb' a checab'. Ax eb' chuc chon̈b'al cha, 'oj yab' eb' yab'xil jun cha.

Salmos 78:55

'Ix yi'n can 'el jun tzo'n̈ eb' 'anma chuc chon̈b'al 'a yojltac eb' qui mam quichmec cha. Junjn petn̈ xyutj spojn can 'ec' lum lum chi 'a junjn 'in̈tal eb'. 'Ix can cajn eb' qui mam quichmec chi 'a slum eb' chuc chon̈b'al cha.

A Ch'an̈ Schab'l Libro Samuel 17:23

Palta ax xyiln win Ahitofel to ma'ix 'och yopiso snab'en xyala, 'ix ya'n 'och stzum sb'uru, 'ix pax 'a schon̈b' 'aj 'ay yatut, 'ix laj sb'onc can yaj smasnil tas 'ay 'a 'a, xlajw cha, 'ix st'un̈n q'ue sb'a, 'ix chami. Axta 'ix mucx 'a 'aj mucn smam.

Salmos 5:6

Mamin Jehová tza satl eb' 'a'm 'es, eb' milm 'anma', yet' pax eb' tzcomn nan chan̈ junc paxti'.

Salmos 2:1

¿Tas yuj caw tzq'ue 'awjoc eb' chuc chon̈b'al? ¿Tas yuj a jun tzo'n̈ may jac yel'ch 'aj tzya'ch eb' snab'en?

A Ch'an̈ B'ab'el Libro Samuel 31:4

Yuj cha, 'ix yaln 'ixtc 'a win schecb' 'et'jnac syamc'ab' tzmacn sat jul-lab': —'Ij q'uet espada, tzin a tecn cham yet'oc, sec a jun tzo'n̈ chuc chon̈b'al tic, ma'oj tzaljoc eb' in smilni, xchi Saúl. Palta ax win 'et'jnac syamc'ab' cha, ma'ix syiclj tas xyala, yujto caw tzxiw winac. Yuj cha, xyi'n q'uet Saúl chi yespada, sjuln 'ejm lachn̈joc sb'a 'a yib'n̈ q'uen espada cha.

A Ch'an̈ B'ab'el Libro Samuel 25:32

'Ix ta'w David 'ixtc 'a 'ix: —Alx cab' wach' paxti 'a Jehová qui Diosalec, yujto a ach checn coti yic tzwul in a chanoc tic.

A Ch'an̈ B'ab'el Libro Samuel 25:39

A yic xyab'n win David speclal chajtlto tox 'ix chami, 'ix yaln 'ixtic: —Alx cab' wach' paxti 'a Jehová, tox 'ix spactzej 'a win Nabal xcham cha, yuj tas in yutej. A pax Jehová in tenn 'och wan 'a tas maysch'olnil 'ijn xin b'o'o; mun wal x'el-l tu 'a yib'n̈ win sch'ocoj, xchi David. Xlajw cha, 'ix checn 'at win David jaywn̈ schecb' 'a 'ix Abigail yic tz'at yal eb' 'a 'ix, to tznib'j win tzyij 'ix yistziloc.

Salmos 7:12

Toto matz na sb'a jun tzo'n̈ 'anma cha, to 'ixta', 'oj sn̈ic Dios yespada; caw wach'x pax yaj sjul-lab'.

Jeremías 49:38

An Jehová in, an tzwala: To 'oj wac' Yajlil ta'. 'Oj wac' milxoc cham eb' rey, yet' eb' yajl yaj 'a 'a.

Lm 3:58

Mamin, ach in a colcn 'elt 'a yol sc'ab' chamel.