Salmos 9:20 - Chuj San Sebastian Bible

²⁰ 'A'cn 'och eb' 'a xiwc'ojlal, tza'n yojcoc 'el eb' chajtlto nab'a 'anman̈ej eb'.

Chuj San Mateo Bible

²⁰ Ac'och eb' d'a xivc'olal. Ac' yojtaquejel eb' to animan̈ej eb'.

Salmos 9:20 Referans Kwoze

Is 31:3

A eb' 'aj Egipto 'anman̈ej eb', man̈ diosoc eb', ax schej eb' caw chib'jn̈ej, man̈ espírituoc. A yic tzya'n 'och Jehová eyailal, yajn̈ej tzex 'em yet' eb' cob' tzex coln cha; junn̈j 'oj eyaj e cham yet' eb'.

Salmos 62:9

Caw matz tac' ca'nec 'och eb' quit 'anmal yipc qui c'ojol, wach'xam meb'a eb' mto rico eb'. Lajn eb' 'icha junc tas man̈ alc xon jab'oc tz'ejm 'a yojl junc libra, wach'xam junxn̈ej tzcutjec quechtan eb' smasnil, toxn matz 'ejm xon jun libra chi yuj eb'.

Jeremías 32:40

'Oj in b'o jun in trato yet' eb' 'a jun 'ejmn̈ej, to man̈x b'a'n̈ 'oj woch wan in b'on tas wach' 'a eb'. 'Oj wa'ch in b'a 'a snab'en eb' yic wach' caw 'ay wel'ch 'a sat eb', sec man̈x 'a b'a'n̈ 'oj yi'l sb'a eb' 'a in tz'ey.

Salmos 76:12

Yujto a tz'i'n 'ec' sq'uinl eb' yajal, caw tzxiw eb' rey yic yolyib'n̈q'uinl tic 'a 'a.

Ez 30:13

An Jehová in, an tzwala: 'Oj in satl smasnil jun tzo'n̈ yechl comn dios, yet' jun tzo'n̈ comn dios 'ayc' 'a chon̈b' Menfis. Man̈x 'a mach 'oj 'och yajlil 'a Egipto, ax wa'n xiwc'ojlal 'a smasnil 'anma 'a jun nacion̈ cha.

Ez 28:9

¿Tom 'oj stac' aln to 'a sat eb' tzach miln cha, to dios ach? Ach tic man̈ ach diosoc, 'anma achn̈ej, toc 'ayt el'ch 'a sat eb' tzach miln cha.

Dt 2:25

Wal 'a jun c'u tic, tz'el yich wa'n xiwc'ojlal 'a smasnil eb' chon̈b' 'ay 'a sat lum lum tic. A yic 'oj laj yab'nc eb' yalx eyab'xil, caw wal 'oj xiw chan̈ eb'. 'Oj laj 'ib'xoc chan̈ eb' yuj xiwlal. Caw 'ayxn̈ej xiwc'ojlal eb', xchi Dios, xchi Moisés.

Ex 23:27

'Oj in xib'tc eb' 'anma tzchichn 'och 'ayex, ax wa'n somchjoc 'el eb' tzeyac' owl yet'oc. Smasnil eb' 'ajc'ojl yajch 'ayx 'a junjn chon̈b' 'aj 'oj eyeq'ui, an 'oj wac' 'at eb' 'elc 'ayex.

Ez 28:2

Ach 'anma', al jun tzo'n̈ tic yab' win sreyl Tiro: To an Jehová Yajl in, an tzwal 'ixtic: Caw wal tzcob' a b'an̈ a b'a yet' a nab'en, tzaln 'ixtic: An tic dios in, 'ay wopiso 'a yib'n̈ a mar tic, an tzwac' yajlil 'a eb' chon̈b' tic 'icha junc dios, xcob' a chioc. Palta 'anma achn̈ej, man̈ ach diosoc, wach'xam tzcob' a na'a to jeln ach 'a yib'n̈ junc dios, palta may tas tztac' o'oj.

Ex 15:16

Mamin Jehová, xiw cab' chan̈ eb' yajl cha, sicb'oc cab' can 'el eb'. 'Icha cab' q'uen tz'ajcn eb' yuj a poder, masnto 'oj que'cn an̈ colb'iln̈ 'el 'oj tic.

2 Cr 14:10

Xlajw cha, 'ix 'elt rey Asa yic tzchan sb'a yet'oc, axta xc'och yet' eb' soldado yac' owl yet' Zera chi 'a lum pan̈n 'a'lic Sefata, 'a sla'nil Maresa cha.

Salmos 3:8

Caw wal colwjum ach, 'ac' a yaxilal 'a quib'n̈ an̈ a chon̈b' on̈ tic on̈.