Salmos 9:14 - Chuj San Sebastian Bible

¹⁴ To 'ixta', 'oj wal-l 'a 'aj tz'och eb' 'anma 'a spuertail Jerusalén, to ach tic smoj wal yalx wach' paxti 'ayach. Caw tzin tzalj ticnec, yujto in a colcn 'eli.

Chuj San Mateo Bible

¹⁴ Ichato val chi' b'ian, ol valan vach' lolonel d'ayach d'a yichan̈ eb' anima d'a spuertail Jerusalén. Tzin tzalaji, yujto ix in a colcaneli.

Salmos 9:14 Referans Kwoze

Salmos 13:5

A 'a chamc'ojlal Mamin, a tzwa'ch yipc in c'ojol, caw tzalj in c'ojol, yujto ach tzin a colo.

Salmos 106:2

¿Mach wal junc tz'acw yaln 'el tas satjub'tac tzb'o Jehová? ¡Toc 'ay mach tztac' sb'itnan 'icha wal smoj sb'itnaxi!

Salmos 51:12

'Ac' in colnb'il, 'ac' jawc in tzaljc'ojlal jun 'ejm xo; 'ac' in b'eylb'oc yiclumal 'a smasnil in c'ojol.

Salmos 35:9

Toto 'ixta', 'oj in can 'a tzaljc'ojlal o'oj, yujto ach tzin a colo.

Salmos 20:5

'Oj qui tzalji yic 'oj 'ejmc eb' 'ajc'ojl o'oj, ax qui'n chan̈ qui bandera 'a sb'i qui Diosal. Ya' cab' Jehová smasnil tas tza c'an 'a 'a, xchi eb' chon̈ab'.

Is 37:22

Yuj cha, xyaln Jehová jun tzo'n̈ paxti tic 'ixtc 'a yib'n̈ win sreyl Asiria cha: A eb' 'ix cob's 'ix 'aj Sión, ton̈j 'oj tzewjc eb' 'ix 'aych ach Senaquerib. A eb' 'aj Jerusalén 'oj ach sb'uch eb', ax spax ch'umnjoc eb' 'ayach, yic 'oj a meltzj 'a a patquil.

Salmos 21:1

Mamin Jehová, a jun rey tic caw tzaljc'ojlal yaji, yujto ach 'ix ac' yip, 'ix 'a'n yac' ganar owal.

A Ch'an̈ B'ab'el Libro Samuel 2:1

'Ix leslwi 'ix Ana 'ixtic: ¡Mamin Jehová, caw wal tzalj in c'ojol! Ach 'ix ac' wip, yuj cha, tzin tzalj 'ayach. Tzax stac' waln 'a eb' 'ajc'ojl yajch 'ayin, to ach colwj wet'oc.

Lc 1:47

caw tzalj in c'ojl yuj Dios qui Colmal.

Miqueas 4:13

Ex 'aj Sión, q'uen̈ec wa'an, te'c 'ejm jun tzo'n̈ nacion̈ cha, yujto tzyal Jehová 'ixtic: An 'oj wac' eyip e te'n 'ejm jun tzo'n̈ nacion̈ cha, 'icha junc no quelm wacx nab'a hierro sch'a'ac, nab'a pax bronce yech to te'm trigo. Ax eyi'n can 'ec' sricoal jun tzo'n̈ nacion̈ ya'jnac ganar 'a spatc maysch'olnil, ax eya'n 'ayn an Jehová in tic, an tic Yajl waj 'a smasnil yolyib'n̈q'uinal, xchi Dios.

Is 62:11

A Jehová, 'oj yac' alxoc 'ixtc 'a eb' 'anma 'ay 'a 'aj tzlajw c'och yolyib'n̈q'uinl tic: Alc 'ixtc 'a eb' 'aj Jerusalén: 'Iltec to wan sjaw jun e Colmal, yet' spac xyij yuj smunljel, 'oj xchic eb' 'a eb', xchi Dios.

Is 12:3

A mach 'ay stacn̈ti'al, 'oj 'ajxoc yuc' a 'a tzaljc'ojlal, atn scolnb'il tz'ajx yuj Dios.

Salmos 79:13

Toto tza b'o 'ixta', an̈ xo a chon̈b' on̈ tic, 'icha to a calnelu caji. 'Oj caln̈j qui wach' paxti 'ayach, ax qui b'itnan b'it 'aych 'a smasnil tiempo.

Salmos 51:15

Mamin Jehová jac wal in ti', sec 'oj ach in b'itnoc yet' in wach' paxti'.

Salmos 42:4

A wal yic tzin nan cot jun tzo'n̈ tic, caw tz'och pitzn syal 'a in c'ojol. Tzin nan cot yic 'ayn 'och 'a scal eb' 'anma', yic tzin jucb'tzan eb' 'a yic tzin c'och 'a atut yet' eb' 'a yic tz'och q'uin̈. Til wal 'aw yic tzaljc'ojlal yet' alj yuj diosal tz'och ta'.

Salmos 35:18

'Oj wal-l ab'xil 'a 'aj caw niwn yaj eb' 'anma syamn sb'a, 'oj wal wach' paxti 'aych 'a sat eb' chon̈ab'.

Salmos 22:25

Ach in Diosal, a wal 'ajtil caw niwn yaj syamn sb'a eb' a chon̈ab', ata 'oj ach in b'itnoc. A 'a yojltac eb' tzach yiclni, ata 'oj wac' 'el'choc tas ta'wb'il wuj 'ayach.

Salmos 22:22

'Oj walcn 'el ab'xil 'a scal eb' wit chon̈ab'; a yic 'ay syamnil eb', 'oj ach in b'itnoc 'a scal eb', ax waln 'ixtic:

Ex 3:7

'Ix yaln Jehová 'ixtic: —Wal yel caw wal 'oltac tz'aj eb' in chon̈b' yab'n syal 'a Egipto, tzwab' yoc' eb' yuj tas tz'aj yixtx yuj eb' 'aych yilmalc eb'. Wojtac to caw wal 'oltac tz'aj eb' in chon̈ab'.

Ex 3:9

Caw wal tzq'ue'ch yaw eb' et israelal yawj 'ayin, yujto til wal tz'aj eb' yixtx 'a 'aj 'aych mosoal cha.

Salmos 6:3

Caw 'ayn 'och 'a somc'ojlal. Ach xo Mamin, ¿b'a'n̈ tzwul in a colo'?

Salmos 75:9

Palta an tic, 'oj waln̈j 'el yab'xil qui Diosal an̈ yin̈tl on̈ Jacob tic, ax in b'itn yet' in wach' paxti 'a 'a.