Salmos 9:13 - Chuj San Sebastian Bible

¹³ Mamin Jehová 'o'ch cab' a c'ojl 'ayin, 'ilt wal cot in somc'ojlal 'aych yuj eb' matz in nib'ni. Coln 'el 'a yol sc'ab' chamel.

Chuj San Mateo Bible

¹³ Mamin Jehová, oc'ocab' a c'ool d'ayin, il in emta, te ya tzin ec' yuj eb' tzin chacaneli. Colinel d'a chamel.

Salmos 9:13 Referans Kwoze

Salmos 86:13

Yujto yel xo wal niwn a chamc'ojlal 'ayin, yuj cha, ma'in a chaj 'ejm 'a yol sjul-l eb' chamnac.

Salmos 30:3

In 'a col-l 'a yol sc'ab' chamel, 'ix a'n pax in q'uinal, ma'in a chaj 'at 'a scal eb' chamnac.

Lm 1:11

A smasnil eb' cajn 'a jun chon̈b' tic, caw wal ji'jmtac yoc' eb' yic tzlaj cob' sayn 'ec' eb' jac tas tzc'uxu. A smasnil sricoal eb', a 'ix yac' eb' sjelc tas tzc'an sc'ux cha, sec matz cham eb' yuj wejel, xchi winac. Mamin Jehová, 'ochn̈ wal q'ueln 'ayn̈ on̈, 'ilt wal tzon̈ 'aj qui lajw 'ejm on̈. Mamin Jehová, 'o'ch cab' a c'ojl eln 'och qui yailal on̈.

Lm 1:9

A smul eb' 'anma cha, caw wal checl yaji; palta may tas tzna eb' toto 'ay tas wan sjaw 'a yib'n̈ eb'. Caw wal satjub'tac x'aj slajw 'el schon̈b' eb'; may xon mach x'a'n sniwnal sc'ojl eb'. Yuj cha, tzyaln eb' 'ixtic: Mamin Jehová, 'ilt on̈ cot yet' wal qui yailal on̈, a eb' 'ajc'ojl yajch 'ayn̈ on̈, caw wal xyac' eb' sgana on̈ satn 'el on̈, xchi eb'.

Is 38:10

A xwutj in nani to caw te'n in to ax in chami, yujto alb'ilx 'ayin to 'ayn xo 'och 'a yol sc'ab' chamel, man̈x wojcoc toto tzat wil jaye'ocx ab'il.

Salmos 142:6

'Ab' wal yel waw waln in b'a 'ayach, yujto man̈x 'a wip tzwab'i. Coln 'el 'a yol sc'ab' eb' tzin pechn b'eyc'oc, yujto yel xo caw 'ay yip eb' 'a wib'an̈.

Salmos 119:153

'Ilt in cot 'a scal in yailal, tzin a colni, yujto ma'ix wac' sat in c'ojl 'a jun tzo'n̈ a cuynb'il tic.

Salmos 119:132

'Ilt in 'och Mamin, 'o'ch cab' a c'ojl 'ayin, 'icha tzac' yet' eb' tzach chamc'ojlani.

Salmos 56:13

yujto in a col 'a yol sc'ab' chamel, sec matz in 'em yuj eb' 'ajc'ojol. Axn̈ej 'a a sacq'uinlal tzin 'eq'ui, tza'n in q'uinal yic tzin b'eyc' jacx 'a ojltac.

Salmos 51:1

Caw 'ay a chamc'ojlal ach in Diosal, 'o'ch cab' wal a c'ojl 'ayin, suc sat in paltail.

Salmos 38:19

A eb' 'ajc'ojl yajch 'ayin, pitzn eb', 'ay pax yip eb'. Caw tzniwtj pax sb'isl eb' matz in nib'n 'ilnoc, wach'xam may in mul 'a eb'.

Salmos 25:19

Caw wal tzniwtj eb' 'ajc'ojl yajch 'ayin, tznib'j eb' tzin smil chamoc.

Salmos 13:3

Ach in Diosal, 'ochn̈ wal q'ueln 'ayin. 'Ac' a wach'c'ojlal 'a wib'an̈, sec matz in comn cham muc'uc.

Nehemías 9:32

A ticnec ach qui Diosal on̈, caw niwn el'chi, caw 'ay ep, 'ay smay a b'inaxi, matz 'at satc'ojlal a trato o'oj. Yuj a niwquil chamc'ojlal, 'ay cab' yel'ch syailal eb' qui reyl 'a a sat, eb' 'aych qui yajlil on̈, eb' ya'mal 'och qui ti 'aych on̈, eb' a checab', eb' qui mam quichm on̈, yet' smasnil eb' quit chon̈b' on̈, to 'ix yab' eb' syail yictax 'a yol stiempoal eb' sreyl Asiria masnto 'a jun tiempoal tic.

Jn 2:6

Ata 'ayc' waque b'el yet'l a', 'ayam otcoc ch'ub' a tz'em 'a yojl jun jun. Ata tzq'uet a a tzc'an eb' yic tzb'icn 'el eb' jun tzo'n̈ tas, 'icha yaj sb'eyb'al eb' israel cha.

Salmos 107:18

Man̈x 'a tas tznib'j eb' sc'uxu', yujto 'ayx 'ec' eb' 'a yol sc'ab' chaml tzyab'i.

Gn 4:9

'Ix sc'anb'n Jehová 'ixtc 'a win Caín: —¿'Ajtil 'ay win o'tac Abel? xchi 'a winac. Yuj cha, xta'w win 'ixtic: —Man̈ wojcoc. ¿Tom wal yilmal win wu'tac chi waji? xchi winac.

Gn 4:10

'Ix yaln pax Dios 'ixtc 'a winac: —¿Tas yuj 'ixta xa b'o'o? A schic'l win o'tac 'ix 'elcn 'a sat lum lum tic o'oj, 'icha to a tzyal sb'a 'ayin, yic tzin b'onyaji.

A Ch'an̈ B'ab'el Libro Yic Yab'ixal Eb' Rey 21:19

'At al 'a win 'ixtic: 'Ixtc wal xyutj Jehová yaln 'ayach: Yujto 'ix a mil win Nabot, 'ix a to'n 'ec' slum winac, yuj cha, a wal 'aj 'ix le'x schic'l win Nabot yuj e no tz'i', a pax ta 'oj slec' e no ec jun xo, xchi Dios, xchi Elías cha.

A Ch'an̈ Schab'il Libro Yic Yab'ixal Eb' Rey 9:26

'Icha wal 'ix wil smilx cham Nabot yet' eb' yunnal 'ewi, 'ixta wal pax 'oj wutc wa'n spac 'aych 'a jun lugar tic, xchi Jehová. Yuj cha, 'ij 'elta, tz'at a julnc can 'at 'a lum slum can Nabot, yujto 'ixta yutjnac Jehová yalni, xchi Jehú.

2 Cr 24:22

A rey Joás man̈xtoc 'ix sna cot schamc'ojlal Joiada sch'oxjnac 'a 'a, atn smam Zacarías. A yico' to 'ix yac' milxoc cham Zacarías cha. A yic jab'xoj scham winac, xyaln can 'ixtic: A cab' Jehová tz'iln jun tic, a cab' 'oj 'a'nc yowlal, xchi.

Salmos 10:12

Mamin Jehová, cotan̈. Colwjan̈ yet' 'a poder 'a eb' 'aych 'a somc'ojlal.

Salmos 12:6

A tas alb'il oj Mamin Jehová, tztac' ca'n 'och yipc qui c'ojl on̈, yujto lajn 'icha q'uen plata si'mb'il yaj stz'a'i, man̈x 'a jac slumal tzcan 'a 'a, uc 'ejm tz'ajx tz'a 'a yol jorna.