Salmos 89:12 - Chuj San Sebastian Bible

¹² Smasnil tas 'ay 'a stojlal norte masnto tzc'och 'a stojlal sur, ach xa b'o'o. A lum niwquil witz Tabor yet' lum Hermón, til wal sja'l ach sb'itnan eb' lu'um.

Chuj San Mateo Bible

¹² A norte masanto sc'och d'a sur, a ach ix a b'o'o. A lum vitzal Tabor yed' lum vitzal Hermón, sb'itan lum d'ayach.

Salmos 89:12 Referans Kwoze

Job 26:7

A Dios, 'ix slich'b't satchan̈ 'a stojlal norte, palta may tas xyamn cani, sb'on pax lum lu'um, may pax tas 'aj xq'ue b'achn lu'um.

Josué 12:1

'Ay chawn̈ eb' rey 'emnc yuj eb' israel 'a lum lum 'ay 'a stojlal 'aj tzq'uel c'u, 'a sc'axpil 'ec' a Jordán. A smasnil lum lum xyij can 'ec' eb' cha, tz'atn̈j lum 'a a a tzcuch Arnón, masnto 'a lum jolm witz Hermón, yet' smasnil lum span̈nil sti a Jordán, 'a stojlal 'aj tzq'uel c'u.

Salmos 133:3

Lajn pax 'icha chicb'chan̈ tz'em 'a lum jolm witz Hermón, mto 'a lum tzaln Sión. A 'a Sión cha, ata tzya' cot Jehová swach'c'ojlal, atn q'uinl 'a jun 'ejmn̈ej.

Salmos 98:8

A eb' a niwc a', q'ue cab' wan chel-loc eb' a'. Ax eb' lum niwc witz, jun lajnn̈ej cab' tzyutj eb' lum yawj chan̈ yuj tzaljc'ojlal 'a yojltac Jehová,

Jueces 4:12

A yic xyab'n win Sísara yab'xil, to xq'ue'ch win Barac 'a jolm witz Tabor,

Jueces 4:6

'Ay jun c'ual, 'ix yac' 'ix 'awtxoc cot jun winc tzcuch Barac, yunnal Abinoam. Ata cajn 'a Cedes, 'a yol yic Neftalí. Xyaln 'ix 'a win 'ixtic: —A Jehová qui Diosalec a tzaln jun tzo'n̈ tic 'ixtc 'ayach: 'Ixic, tza'n syam sb'a lajn̈ec mil eb' soldado tzcot 'a yin̈tl Neftalí yet' 'a eb' yin̈tl Zabulón. Tze'n 'at eb' 'a jolm witz Tabor.

Jeremías 46:18

An ton rey in, 'aynn̈ej 'eq'ui. Tzin cuch Jehová tztac' wuj smasnil, tzwac' in ti', to 'icha lum witz Tabor caw yel xo chan̈ yajb't 'a yib'n̈ jun tzo'n̈ xo eb' lum witz, 'icha pax lum witz Carmelo, yel xo chan̈ yajb't 'a yib'n̈ a mar, 'ixta wal yip jun 'ajc'ojl tzjaw 'ayex.

Is 49:13

Ach satcha'an̈, 'el cab' aw 'a tzaljc'ojlal. Ach lu'um, tzaljan̈. Yet' ex witz, 'el cab' eyaw yuj tzaljc'ojlal, yujto a Jehová, wan ya'n sniwnal sc'ojl eb' schon̈ab'. Wan yo'ch sc'ojl 'a eb' yuj syailal.

Salmos 24:1

A Jehová a 'ay yic yolyib'n̈q'uinl tic yet' smasnil tas 'ay 'a sat, yet' smasnil eb' cajn 'a 'a.

Salmos 24:2

Yujto a xb'on 'ejm sb'achnub'al yaln̈ lum lum tic 'a yojl eb' a mar, yet' 'a eb' a niwc a'.

Salmos 115:16

A satcha'an̈ yic Jehová yaji, ax lum lum tic, 'ac'b'il lum 'ayn̈ec yu'uj.