Salmos 89:10 - Chuj San Sebastian Bible

¹⁰ 'Ix a te'cn 'ejm no Rahab 'a yojl a mar, atn no niwc noc' 'ay smay, 'icha to chamnc xo x'ajcn no o'oj. Ax eb' 'ajc'ojl yajch 'ayach, sactzic can eb' yuj a poder.

Chuj San Mateo Bible

¹⁰ A noc' noc' ay smay d'a yol a' mar, ix ach q'ue tec'tec' d'a yib'an̈ noc', ix a tec'ancham noc'. Ix a saclemej eb' ayoch ajc'olal d'ayach yuj a poder.

Salmos 89:10 Referans Kwoze

Salmos 144:6

Jul cot a jul-lab', atn raya, sec 'oj somchjoc eb' 'ajc'ojl yajch 'ayach, ax s'at eb' 'eloc.

Salmos 87:4

A tzaln 'ixtic: Locn eb' 'aj Egipto yet' eb' 'aj Babilonia 'aych 'a scal eb' chon̈b' tzyac' 'ejm sb'a 'ayin. 'Icha wal eb' 'aljnac 'a chon̈b' Sión, 'ixta pax yaj eb' filisteo, eb' 'aj Tiro, yet' eb' 'aj Etiopía 'a in sat, xchi.

Salmos 68:30

Tench wan jun b'uln̈ eb' 'anma 'et'jnac syamc'ab' yic owl tzcot 'a Egipto. Yujto lajn eb' 'icha jun tzo'n̈ no mam wacx caw ow, 'icha pax no quelmtac wacax. A jun tzo'n̈ chon̈b' cha, cojxn̈ej ricoal tznib'j eb', yujn̈ej snib'b'en eb' cha, tzya'n eb' owal. Sactzic cab' can 'at eb' 'anma tznib'j yac' owl cha.

Is 24:1

A Jehová a 'ix aln 'ixtic: 'Iltec, an 'oj in mes sat lum lum tic, caw 'oj cancn jitn lum wu'uj, ax in chuln b'e'n lu'um, 'oj sactzic can 'at eb' cajn 'a sat lum wu'uj.

Salmos 68:1

Toto a Dios tz'och 'a'j owal, caw sactzicnac s'atcn eb' 'ajc'ojl chi yu'uj. Ax eb' tzchichn 'och 'a 'a, tz'at eb' 'elc 'a yojltac.

Salmos 59:11

Man̈ a mil cham eb', sec wach' ma'oj 'at satc'ojlal syailal eb' yuj eb' wit chon̈ab'. Mamin, pechcn 'at eb' yet' a poder, 'a'cn 'och eb' 'a 'emmquilal, in Colmal ton aji.

Dt 4:34

¿Tom 'ay junc xo dios, tox x'i'n 'elt junc schon̈b' 'a scal junc xo chon̈ab' 'icha wal on̈ yutj Jehová on̈ yi'nec 'elt 'a Egipto? Til wal tas ujnac ta'. Eyiljnac milagro, xiwc'ojlal, owal. Yet' wal sjelnal on̈ yi'nec 'elt 'a Egipto cha.

Salmos 65:8

An̈jtona eb' cajn 'a snajtil sat lum lum tic, 'oj 'ib'xoc chan̈ eb' yiln tas satjub'tac yilx tza b'o'o. O'oj 'ay 'aw yic tzaljc'ojlal 'a stojlal 'aj tzq'uel c'u masnto 'a 'aj tz'em c'u.