Salmos 87:7 - Chuj San Sebastian Bible

⁷ Ax eb' tzb'itni yet' eb' tzsonni, 'oj yal eb' 'ixtic: A smasnil tas wach' 'ay 'ayn̈ec, ata tzcot 'a Sión, 'oj schic eb'.

Chuj San Mateo Bible

⁷ A eb' cajan d'a Sion ol b'itan eb', ol q'ue chennaj eb' yuj tzalajc'olal, ol yalan eb': A d'a Sion tic scot masanil svach'c'olal Dios d'ayon̈, xcham eb'.

Salmos 87:7 Referans Kwoze

Salmos 36:9

Yujto a 'aych tzcot qui q'uinl on̈, 'icha sjaj junc a a', yujn̈ej a sacq'uinlal 'ay qui q'uinl on̈.

Jn 1:16

A jun cha, caw tz'acn swach'c'ojlal. Yuj cha, tz'acn tzch'ox swach'c'ojlal chi 'ayn̈ec.

Is 12:3

A mach 'ay stacn̈ti'al, 'oj 'ajxoc yuc' a 'a tzaljc'ojlal, atn scolnb'il tz'ajx yuj Dios.

Apoc 22:17

A Yespíritu Dios, yet' eb' 'icha to 'oj 'och yistloc jun tzcuch Calnelu, tzyaln eb' 'ixtic: —¡Cotn̈ec! xchi eb'. Yet' eb' tz'ab'n tas tzyal jun un̈ tic, yal cab' pax eb' 'ixtic: —¡Cotn̈ec! xchi cab' eb'. A eb' 'ay stacn̈ti'al, toto tznib'j eb', cot cab' eb'. Yu' cab' eb' jun a tz'a'n qui q'uinl 'a jun 'ejmn̈ej. Atn jun a tz'ajx 'a nab'an̈ej.

Apoc 21:6

Xlajw cha, xyaln pax 'ayn 'ixtic: —Tox 'ix b'o 'el'chi. An tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in. A eb' 'ay stacn̈ti'al, 'oj wac' yuc' eb' jun spac'b'a tz'a'n q'uinl 'a jun 'ejmn̈ej. 'Oj wac' 'a eb' 'a nab'an̈ej.

Jn 4:14

Palta ax eb' tz'u'n jun a tzwac'a, man̈x b'a'n̈ 'oj cot stacn̈til eb' jun 'ejm xo. Yujto a jun a tzwac' tic, 'oj 'aj sjaj a 'a eb', ax ya'n a sq'uinl eb' 'a jun 'ejmn̈ej, xchi Jesús 'a 'ix.

Apoc 22:1

Xlajw cha, 'ix sch'oxn jun ángel chi jun niwn a 'ayin, caw yaxt'ujnac. Atn jun a tz'a'n qui q'uinlec 'a jun 'ejmn̈ej. Caw yaxt'ujnac yilx 'icha cristal. A 'a sdespacho Dios yet' jun tzcuch Calnelu, ata tzpac' 'elta.

1 Cr 23:5

Chan̈e mil eb' tz'och stan̈malc puerta, ax chan̈e xo mil eb' tz'och 'a alj wach' paxti 'a yojltac Jehová, yet' jun tzo'n̈ yamc'ab' ya'jnac David b'o'oc, yic tz'och yopiso ta'.

A Ch'an̈ Schab'l Libro Samuel 6:14

Ax jun chaleco nab'a lino yic eb' ya'mal 'och sti eb' 'anma 'a Dios, a 'aych yuj David, caw wal tzb'atj chan̈ yet' smasnil yip yuj tzaljc'ojlal 'a yojltac Jehová.

Santiago 1:17

A 'a satcha'an̈, ata tzcot jantcn̈ej tas wach' tz'ajx 'ayn̈ec 'a nab'an̈ej. Yet' pax jantcn̈ej jun tzo'n̈ siylab' caw wach', a Dios tz'a'n cot 'ayn̈ec. A b'ojnac jun tzo'n̈ tz'ec' 'a satcha'an̈, tzya'n 'emt sacq'uinl 'a quib'n̈ec. Palta wach'xam tzjelmj yilx jun tzo'n̈ cha, tz'och wewen 'a 'a, ax Dios, man̈ 'ichcta tz'aji. May 'aj tzjel snab'en jun 'ejmoc.

Jn 4:10

Xlajw cha, xyaln pax Jesús 'ixtc 'a 'ix: —Tzin c'an wuc' jac a 'ayach, palta man̈ ojcoc mach in. Man̈ ojcoc pax tas tznib'j Dios tzyac'a. Comnoc ojtac. Toto 'ixta', ach xo tic, xa c'an 'ayin, an xo xwac' jun a tz'a'n a q'uinal, xchi Jesús 'a 'ix.

Salmos 46:4

'Ay jun a niwquil a tz'el yoctac, a tz'a'n tzaljc'ojlal 'a eb' cajn 'a schon̈b' Dios, atn jun chon̈b' to cojn Dios niwn yel'chi, a 'ay yico'.

Salmos 149:3

Tzon̈ laj q'uec b'atnjoc calnec qui wach' paxti 'a 'a, qui b'itquec yet' qui arpa yet' pax qui pandero.

Salmos 68:26

E masnil ex yin̈tl Israel to yamn eyaj 'a tic, alc wach' paxti 'a Dios. Alc wach' paxti 'a Jehová.

Ez 47:1

Xlajw cha, in yi'n pax 'och jun winc chi 'a yol sti yatut Dios. Ax xwilni, a 'a yaln̈ smarcoal sti puerta q'ueln 'at 'a 'aj tzq'uel c'u, ata tzpac' q'uet jun a', ax 'a stojlal 'aj tzq'uel c'u cha, ata tz'atcn a', tz'ec' a 'a snan̈l yamq'uil yatut Dios, tz'ec' a 'a stojlal sur yic yet'l xajmb'al.