Salmos 87:6 - Chuj San Sebastian Bible

⁶ Tz'ib'b'il yuj Jehová 'a yol slibro, 'a 'aj checl yaj sb'i eb' lum chon̈b' cha: A 'a Sión, ata 'elncta jun chon̈b' tic, xchi.

Chuj San Mateo Bible

⁶ Ayic ol tz'ib'aj sb'i eb' anima ay d'a junjun chon̈ab' d'a ch'an̈ uum yuj Jehová, ol stz'ib'ejem icha tic: D'a Sion ix alji jun tic.

Salmos 87:6 Referans Kwoze

Is 4:3

A jaywn̈ocx eb' 'aj Sión 'oj can 'a Jerusalén, 'ay yaln eb' yic scan cajn ta', 'oj alxoc yuj eb', to yicn̈ej Dios yaj eb'.

Lc 10:20

Palta man̈ yujoc to tzyiclj ewin demonio 'ayex, tzex tzalji. Palta tzaljan̈ec, yujto tz'ib'b'ilx can e b'i 'a satcha'an̈, xchi Jesús 'a eb'.

Apoc 20:15

Jantcn̈ej eb' man̈ tz'ib'b'ilc sb'i 'a jun libro yic q'uinl 'a jun 'ejmn̈ej, an̈jta xjulx can 'at eb'.

A Scarta San Pablo D'a Eb' Aj Filipos 4:3

Ach xo wu'tac, yel quit munljumal qui b'a. Yuj cha, tzin tew 'at 'ayach, caw tzach colwj a b'onyaj jac eb' canb' chi ta', yujto a eb' cha, caw te'n yutjnac sb'a eb' smunlj wet'oc, yic 'ec' walnc 'el wach' 'ab'x yic colnb'il. An̈jtona', 'ix munlj pax Clemente wet'oc, yet' jun tzo'n̈ xo eb'. A eb' cha, tz'ib'b'ilx sb'i eb' 'a jun ch'an̈ libro 'aj 'ay qui b'i an̈ec 'ay qui q'uinl 'a jun 'ejmn̈ej.

Ez 13:9

'Oj wi' chan̈ in c'ab' 'a eb' tzcob' yalch sb'a in checb'oc, ax wa'n 'och syailal eb'. Yujto cojn tas man̈ yeloc an̈j chi tzyal eb', an̈j 'es tzyac' eb'. Yuj cha, may yaln eb' yic sc'och 'a 'aj 'ay syamnil eb' israel; may pax sb'i eb' 'oj tz'ib'xoc 'a slista eb' israel cha, man̈x 'oj meltzjoc pax eb' 'a slu'um. 'Ixta to b'i'an, ax in yojcan 'el eb', to an Jehová in, to Yajl in.

Salmos 69:28

Suc sat sb'i eb' 'a ch'an̈ libro yic q'uinal. Man̈ a tz'ib'c can 'ejm sb'i eb' chi yet' eb' tojl sb'eyb'al 'a ojltac.

Apoc 13:8

Smasnil 'anma 'a yolyib'n̈q'uinal, 'ix yal sb'a eb' 'a jun noc' sb'i cha. Palta ax eb' tz'ib'b'ilx can sb'i 'a jun libro yic q'uinl 'a jun 'ejmn̈ej, ma'ix yal sb'a eb' 'a 'a. A eb' cha, yictax mantzac b'o yolyib'n̈q'uinal, tz'ib'b'ilx can sb'i eb' 'a ch'an̈ libro yic jun tzcuch Calnelu, atn jun milb'il chamoc.

Jeremías 3:19

Ex 'aj chon̈b' Israel, caw xin nalb'ej ex wi'n 'och wunnaloc, a lum lum caw nib'b'il tzwac' 'ayex. Cojn jun lum chi caw yel xo wach' yilx 'ay 'a yolyib'n̈q'uinl tic. A 'in nani, to 'oj in eyalch e Mamc 'a smasnil tiempo, man̈x 'oj eyi'l e b'a 'a in tz'ey in nani.

Salmos 22:30

Ach Cajlil on̈, a eb' quin̈tl b'a'n̈ on̈, 'oj yac' 'ejm sb'a eb' 'ayach, 'oj alxoc 'el ab'xil yuj eb' 'a eb' 'anma tot 'oj 'aljoc.

Ez 9:4

'ix yaln 'ixtc 'a winac: 'Ixc 'a yol chon̈b' Jerusalén tic, tza'n can 'och yechl eb' 'anma 'a snan̈l sat, eb' to tzcus yuj smul x'och 'a scal eb' 'anma cha, xchi 'a winac.