Salmos 86:7 - Chuj San Sebastian Bible

⁷ A yic 'ayn 'och 'a in yailal, tzwaln in b'a 'ayach, tzwilni to tzin a ta'wjn̈ej.

Chuj San Mateo Bible

⁷ Ayic ayin och d'a syaelal sval in b'a d'ayach, yujto tzach tac'vitaxon d'a in lesal.

Salmos 86:7 Referans Kwoze

Jonás 2:2

'Ix yaln 'ixtic: A wal 'a scal in yailal in 'awj 'aych Mamin Jehová. Ach ta'w 'ayin, yic 'ayn 'ec' wal 'a xab'l yich yet'l chamel. Ata in 'awj 'ayach, 'ix ab'n tas xwala.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Salmos 17:6

Ach in Diosal tzin tew wal 'ayach, yujto wojtac to tzab' tas tzwala. Mamin, 'a' cot a chicn 'a tas tzwala.

A Ch'an̈ Carta D'a Eb' Hebreo 5:7

A yic yec' Cristo 'a yolyib'n̈q'uinl tic, leslwnac, sc'ann tas 'a Dios. Caw 'ip leslwnac, caw wal 'o'nac. Ax Dios a 'ay spoder scoln 'el 'a yol sc'ab' chamel. Yab'jnac Dios slesl Cristo, yujto 'emmquilal yutjnac sb'a 'a 'a.

Is 26:16

Mamin Jehová, a wal yic on̈ 'a'n cuenta on̈, ach qui nan cot on̈, a yic 'ayn̈ 'och 'a qui yailal on̈, on̈ leslwi 'ayach.

Salmos 142:1

Mamin Jehová, caw wal 'ip waln in b'a 'ayach, tzwac' 'ip in c'ann 'ayach to tz'o'ch a c'ojl 'ayin.

Salmos 91:15

A yic 'oj eyawj 'ayin, 'oj in ta'w 'ayex; an wal caw 'ayn 'ec' eyet'oc. 'Oj ex in col 'elt 'a scal eyailal, caw niwn yel'ch 'oj ex wutoc.

Salmos 142:3

A yic caw 'ayn 'och 'a in cusc'ojlal, ach xo Mamin, ojc xo pax yilx in b'e 'aj tzin 'ochi. A 'a jun b'e 'aj wan in b'ey cha, ata 'ay 'ejm ch'an̈ yal yuj eb' 'ajc'ojl yajch 'ayin.

Salmos 18:6

A yic 'ayn 'ec' 'a scal in somc'ojlal, xwaln in b'a 'a 'aych Jehová, xin c'ann a colwal ach in Diosal. 'Ix ab'n yel waw yic 'aych 'ec' 'a yol atut, 'ix c'och waw 'a a chiquin.

Lc 22:44

Caw wal x'och pitz'n cuslal 'a spixan, yuj cha, caw yelc'ojlal xleslwi. Til wal x'el yalil, 'icha yem niwc tz'uj, 'ixta x'aj yel schic'l yaliloc, x'em 'a sat lu'um.]