Salmos 86:5 - Chuj San Sebastian Bible

⁵ Ach tic caw wal wach' a nab'en. 'Ay a niwnc'ojlal, 'ay pax a chamc'ojlal 'a smasnil eb' tzyal sb'a 'ayach.

Chuj San Mateo Bible

⁵ Mamin, te vach' ach, ac'um ach lajvoc chucal. Te nivan a vach'c'olal aycot d'a yib'an̈ eb' syal sb'a d'ayach.

Salmos 86:5 Referans Kwoze

Jl 2:13

Man̈ colb'ilc ton̈j tze tziljat e pichul, palta cus cab' e c'ojl yuj e mul. Meltzjan̈c 'a Jehová qui Diosalec, yujto caw wach' snab'en 'ayn̈ec. Caw tz'o'ch sc'ojol, 'ay sniwnc'ojlal, 'ay pax schamc'ojlal, tzchaj sc'ojl yi'n 'el jun yailal tic 'a quib'n̈ec.

Ex 34:6

'Ix 'ec' Jehová 'a yojltac Moisés, caw 'ip 'ix yutj yalni: —An ton Jehová in, Jehová in b'i. Caw wach' in nab'en, tz'o'ch in c'ojl 'a eb' 'anma', caw 'ay in niwnc'ojlal 'a yib'n̈ eb', yujto caw yel 'ay in chamc'ojlal. Tzwac' 'el'choc tas tzwala.

Nehemías 9:17

Ma'ix yal sc'ojl eb' yab'ni, man̈xtoc 'ix sna cot eb' jun tzo'n̈ tas to satjub'tac xa b'o yuj swach'loc eb'. A yic eb' to pit 'ix yutj sb'a eb', 'ix ya'n 'och eb' jun syajlil yuj man̈ nab'enal, yic tz'ijx pax meltzjoc eb' jun 'ejm xo yuj 'a Egipto, yic tz'ochx eb' mosoal ta yalni. Palta ach xo tic ach qui Diosal on̈, caw 'ay a niwnc'ojlal, wach' a nab'en, tz'o'ch a c'ojol, teb'il tzcot owal, caw niwquil a chamc'ojlal, yuj wal cha, ma'ix actjcan eb'.

Salmos 103:8

Caw wach' snab'en Jehová, c'un yo'ch sc'ojl 'ayn̈ec, man̈ comnoc tzcot yowal, yujto caw 'ay schamc'ojlal.

A Tas Sc'ulejnac Eb' Schecab' Jesús Hechos 2:21

Palta ax smasnil eb' tzyal sb'a 'a 'ayn an Eyajlil in, 'oj colchjoc can 'el eb', xchi Dios 'a Ch'an̈ U'un̈.

Salmos 145:18

A eb' tzyal sb'a 'aych 'a smasnil sc'ojol, caw la'n aj 'a stz'ey eb'.

Salmos 86:15

Ach xo tic Mamin, caw wach' a nab'en. C'un yo'ch a c'ojol, man̈ comnoc tzcot owal. 'Ay a chamc'ojlal, yel pax tas tzala.

Salmos 25:8

Mamin Jehová caw wach' a nab'en, tojln̈ej ach paxi; yuj cha, tza tojlb'tzej sb'eyb'al eb' tzb'on maysch'olnil,

Salmos 130:7

Ex wit israelal, qui tan̈wquec scolwal Jehová, yujto caw tz'o'ch sc'ojl 'ayn̈ec, yelc'ojlal pax tzcolwj quet'ec.

Jn 4:10

Xlajw cha, xyaln pax Jesús 'ixtc 'a 'ix: —Tzin c'an wuc' jac a 'ayach, palta man̈ ojcoc mach in. Man̈ ojcoc pax tas tznib'j Dios tzyac'a. Comnoc ojtac. Toto 'ixta', ach xo tic, xa c'an 'ayin, an xo xwac' jun a tz'a'n a q'uinal, xchi Jesús 'a 'ix.

Miqueas 7:18

Mamin Jehová, may junc xo Dios lajn et'oc, yujto ach tic, ach tzac' niwnc'ojlal smul jaywn̈ xo eb' a chon̈b' tic xcani, tz'atcn satc'ojlal stenmtacl eb' o'oj. Man̈ 'ayc 'ec' yowl a c'ojl 'a smasnil tiempo, yujto tz'el 'a a c'ojl a ch'oxn pax a chamc'ojlal.

Dn 9:9

Palta ach tic, qui Diosal ach on̈, caw tz'o'ch a c'ojol, 'ay pax a niwnc'ojlal, wach'xam an̈ tic on̈, cojn tenmtacl tzqui b'o 'a ojltac on̈.

Ez 36:37

An Jehová Yajl in, an tzwal 'ixtic: A tas 'oj e c'an 'ayin, 'oj wa'x 'ayex, ax wa'n niwtjoc e b'isl 'icha no calnelu.

Ez 36:33

An Jehová in, an tzwala: A yic 'oj ex in sacb'tzan 'a scal e mul, ata 'oj wac' e cajx e chon̈ab', ax laj e b'on pax chan̈ eb' lum chon̈b' mac'b'il 'ejmi.

Jeremías 33:3

C'anb'j 'ayin, 'oj wal jun tzo'n̈ tas caw niwn yel'ch 'ayach, to satjub'tac yalxi, atn jun tzo'n̈ to mant ojcoc.

Salmos 119:68

Caw wach' a nab'en Mamin, wach' tas tza b'o'o; cuyn 'a jun tzo'n̈ a checnb'il tic.

Jonás 4:2

Yuj cha, 'ix leslwi 'a Jehová, xyaln 'ixtic: —'Ilt wal nab'n Mamin Jehová, atn wal jun tic xin na'a, yic 'aynto 'ec' 'a in chon̈ab', yuj cha, xwa'n wip in 'at 'elc 'ayach, yic tzin 'at 'a España walni. Yujto wojtac to Dios ach, caw wal 'ay a niwnc'ojlal, man̈ c'unoc scot owal. A yic tzalni to 'oj a'ch junc yailal, palta yajn̈ej tznan pax sb'a a c'ojol, yujto caw tz'o'ch a c'ojol.

Is 55:7

Ex maysch'olnil e b'eyb'al yet' ex tu 'e nab'en, nac e b'a, meltzjan̈c 'a Jehová, 'oj 'o'ch sc'ojl 'ayex; 'oj ex yac' niwnc'ojlal qui Diosal.

Salmos 130:4

Ocxo jun, caw wal 'ay a niwnc'ojlal 'ayn̈ on̈, yuj cha, smoj wal 'ay el'ch 'a qui sat on̈.

Salmos 69:16

Mamin Jehová ta'wj in, caw 'ay a chamc'ojlal 'a smasnil tas. 'Ochn̈ q'ueln 'ayn yet' a chamc'ojlal.

Salmos 36:7

Ach in Diosal, man̈x jantcoc satjub'tacl yilx a chamc'ojlal, yuj cha, a 'aych tzqui col qui b'a on̈, 'icha no cotc caxtiln̈ tzcol sb'a 'a yaln̈ sc'axl snun.

Ef 2:4

Palta a Dios, caw niwn x'o'ch sc'ojl 'ayn̈ec. Man̈x jantcoc schamc'ojlal 'ayn̈ec.

Salmos 52:1

Ach to jeln a'n owal, ¿tas yuj tzej chan̈ a b'a 'a maysch'olnil? A schamc'ojlal Dios 'ayc'n̈ej 'a jun 'ejmn̈ej.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Salmos 69:14

Coln 'el 'a yol sc'ab' eb' tzin chacn 'eli. A stu nab'enal eb', lajn 'icha b'iq'uich, mto 'icha junc a a caw xab' yich. Man̈ in a cha 'ijxoc 'at yu'uj.

Salmos 103:3

Yujto tzyac' niwnc'ojlal smasnil in mul, tzya'n b'oxc in c'ojol yic 'ay in yailal.