Salmos 85:8 - Chuj San Sebastian Bible

⁸ 'Oj in maclc wab' tas 'oj yal Jehová Dios, yujto 'oj yac' junc'ojlal 'a quib'n̈ec an̈ yic xo caji, sec man̈x 'oj qui b'oc junc tas yet' qui man̈ nab'enalec.

Chuj San Mateo Bible

⁸ Ol vab' tas ol yal Jehová Dios d'ayon̈. Ol yac' junc'olal d'ayon̈ schon̈ab' on̈ tic, tato mantzac co c'ulej man̈ pensaril.

Salmos 85:8 Referans Kwoze

Salmos 29:11

Tzyac' yip eb' schon̈ab', tzya'n syaxil yet' sjunc'ojlal 'a yib'n̈ eb'.

Apoc 3:19

Jantcn̈ej eb' chamc'ojlb'il wu'uj, tzin tench wan eb', tzwa'n syailal eb'. Yuj cha, caw nac e b'a, tzeya'n pax 'och e nab'en 'ayin.

Zacarías 9:10

A 'oj 'a'nc lajwc 'el scaruaje eb' yic Efraín, yet' schej eb' 'aj Jerusalén, atn no tz'at 'a owal, yet' syamc'ab' eb' yic owal. A jun rey chi 'oj alnc 'el junc'ojlal 'a smasnil nacion̈, ax ya'n yajlil 'a jun sti a mar, masnto 'a junx sti a', tzchaj 'at 'a sti a Éufrates, masnto 'aj tzlajw c'och sti lum lu'um.

2 Ti 2:19

'Icha junc yipn̈ub' yich n̈a, man̈ jac tz'ib'xi, 'ixta xyutj Dios ya'n can 'ejm yich yiglesia. 'Aych jun seyo 'a 'a, tzyaln 'ixtic: A Cajlil, toxn yojtac mach eb' yic xoni, xchi. Tzyaln pax junx tic: Tzann̈j mach tzalni, to yic Cristo, yowlal tzyactj can sb'on smasnil maysch'olnil, xchi jun seyo cha.

Habacuc 2:1

'Icha wal yajch junc win stan̈mal chon̈b' 'a yopiso, 'ixta 'oj wutc in maclni wab'i' tas 'oj yal Jehová 'ayin, yic tznachj 'el wu'uj tas 'oj yutc spacn tas 'ix wal 'a 'a, xin chi.

Jn 14:27

A ticnec, tzwa'cn junc'ojlal 'a e pixan. Atn wal in junc'ojlal tic tzwa'cn 'ayex. Man̈ 'icha'oc jac junc'ojlal tz'ilchj 'a yolyib'n̈q'uinl tic, man̈ 'ixta'oc wic tic tzwa'cn 'ayex. Man̈ eyac' somchjoc 'el e nab'en, man̈ ex xiwoc.

Salmos 130:4

Ocxo jun, caw wal 'ay a niwnc'ojlal 'ayn̈ on̈, yuj cha, smoj wal 'ay el'ch 'a qui sat on̈.

A Ch'an̈ Carta D'a Eb' Hebreo 12:25

Yuj cha, yowlal caw tzca'c cuenta qui b'a, sec matz qui patquiljec can 'el jun tzpaxtin 'ayn̈ec. A eb' patquiljnac can 'el Dios pecti', yic yaln 'a eb' 'a yolyib'n̈q'uinl tic, man̈ scoljnacc 'el sb'a eb'. Ocxom an̈ec tic, toxn ma'oj stac' qui colnec 'el qui b'a, toto tzqui patquiljec can 'el jun tzaln cot 'ayn̈ec 'a satcha'an̈.

2 Ts 3:16

A Cajlilec 'a'm junc'ojlal. Tzin nib'ej, c'uxn tzyac' sjunc'ojlal 'ayx 'a smasnil tiempo. 'Och cab' eyet' e masnil ta'.

Ef 2:17

A Cristo xwul alnc 'el wach' 'ab'x yic junc'ojlal 'ayn̈ec qui masnil. An̈ israel on̈ tic on̈, yictax yalan̈, 'icha to la'n caj 'a Dios on̈. Ax xo, 'icha to najt to eyaj 'a stz'ey. Palta sch'ox Cristo 'ayn̈ on̈, sch'oxn pax 'ayex, chajtl tzon̈ 'aj cochc 'a junc'ojlal yet' Dios.

Gl 4:9

Al ticnec eyojc xo Dios. Yel xo wach' tzcala, a Dios tox ex 'ojcan 'eli. Yuj cha, ¿tas yuj tzex meltzj pax 'a jun tzo'n̈ b'eyb'al caw may yel'chi? ¿Tas yuj tze nib'j tzeya'x servil jun tzo'n̈ cha?

A Tas Sc'ulejnac Eb' Schecab' Jesús Hechos 10:36

A Dios 'a'jnac can spaxti 'ayn̈ an̈ israel on̈ tic on̈. Yaljnac 'ayn̈ on̈, to 'ay junc'ojlal yuj Jesucristo, atn Cajlilec qui masnil.

A Tas Sc'ulejnac Eb' Schecab' Jesús Hechos 3:26

A yic xya'n Dios pitzwc pax Yunnal, a 'ayn̈ec 'ix sb'ab'l checj coti, sec tzon̈ colchjec, tzcactnec can qui maysch'olnil junjn on̈ec, xchi Pedro 'a eb' yit israelal cha.

Jn 20:26

Yucb'ixial xo, 'ix syamn pax sb'a eb' jun 'ejm xo 'a yol n̈a cha. 'Ayx 'ec' Tomás chi yet' eb'. Caw sin̈n̈i yaj sch'apx te n̈a cha, palta ax xyiln eb', 'ayx 'ec' Jesús 'a scal eb'. 'Ix yaln 'a eb' 'ixtic: —Junc'ojlal cab' eyaji, xchi.

Jn 20:19

An̈ja 'a jun domingo chi 'a sq'uic'b'alil, 'ix syam sb'a eb' scuywum Jesús. Caw sin̈n̈i xyutj eb' sch'apn jun n̈a cha, yujto tzxiw eb' 'a ewin 'aj Judea cha. Ax xyiln eb', 'ayx 'ec' Jesús 'a scal eb'. 'Ix yaln 'a eb' 'ixtic: —Junc'ojlal cab' eyaji, xchi 'a eb'.

Jn 8:11

—May Mamin, man̈x 'a mach, xchi 'ix. —An̈jtona 'in, may tas tzwa'ch 'a eb'an̈. Yuj cha, 'ixic. Man̈x a say a mulc jun 'ejm xo, xchi Jesús 'a 'ix.]

Jn 5:14

At 'a jun 'ejm xo, 'ix sc'umn sb'a Jesús yet' win 'a yamq'uil yatut Dios, 'ix yaln 'ixtc 'a winac: —'Ab'i, a ticnec 'ix b'ox a c'ojol. Man̈x a b'o junc maysch'olnil, sec man̈x 'oj jawc jun niwn yailal 'a eb'an̈, xchi 'a winac.

Hageo 2:9

A jun watut tic, yel xo wal 'oj b'inaxc 'a yib'n̈ jun 'e'nc 'a b'ab'el. A 'a tic, 'oj wac' junc'ojlal 'a eb' chon̈ab', xchi Dios.

Is 57:19

Yuj cha, ax waln 'a eb' 'ixtic: A eb' najt cajn 'eq'ui, yet' eb' la'n yaji, 'ay cab' sjunc'ojlal eb', yujto an wan wan̈tn eb' in chon̈b' tic, 'oj in chioc.

Pr 25:11

A junc paxti wach', tzalx 'a 'icha wal tz'aj yalxi, lajn 'icha junc mansn to nab'a oro, ax q'uen plata 'aych yelwnub'loc.

Salmos 50:5

Tzyaln 'ixtic: Molb'tzej cot eb' to wicxo yaji, eb' xya' yofrenda 'ayin yic sb'on eb' jun strato wet'oc, xchi.

Pr 27:22

A junc may snab'en, wach'xam tztenx chojc yet' te tenlab', palta man̈ yujoc cha, tz'el man̈ nab'enal chi 'a 'a.

A Ch'an̈ B'ab'el Libro Samuel 25:25

Man̈ a'ch win Nabal 'a a c'ojol; a jun winc cha, quistal. May snab'en, yuj cha, 'ixta sb'i. Cojnn̈ej maysch'olnil tzyala. An xo a checb' in tic, ma'ix wil xon eb' a checb' xa checa.