Salmos 85:6 - Chuj San Sebastian Bible

⁶ ¿Man̈x am tzac' jacx qui tzatzl on̈, sec wach' tzon̈ tzalj pax et' on̈?

Chuj San Mateo Bible

⁶ ¿Tom man̈xo ol ac'xi co tec'anil yic vach' tzon̈ tzalaj ed'oc a on̈ a chon̈ab' on̈ tic?

Salmos 85:6 Referans Kwoze

Habacuc 3:2

Mamin Jehová, a wal yic tzwab'n yab'xil smasnil tas tzlaj a b'o', caw wal tzsat in c'ojl yu'uj. B'o tas 'a qui tiempoal tic, 'icha tas a b'ojnac 'a yic pecti cha. Wach'xam 'a scal yowl a c'ojol, palta ch'ox quil tas tz'aj yo'ch a c'ojl 'ayn̈ on̈.

Salmos 80:18

Toto 'ixta', man̈x 'a cab' b'a'n̈ 'oj qui'l qui nab'en 'ayach. Tza'n pax qui q'uinl on̈, sec cojn 'aych 'oj cal qui b'a on̈.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Salmos 90:14

Caw 'ay a chamc'ojlal 'ayn̈ on̈. 'A junjn sq'uin̈b'ial tza'n qui tzaljc'ojlal on̈. Yuj a chamc'ojlal cha, ax qui b'itn 'a tzaljc'ojlal, ya' sb'a pitzn on̈ to jac xo.

Os 6:2

Cojn chab' c'u 'oj 'ec' cujec, ax ya'n pax qui tzatzlec. 'A yoxl c'ual, ax on̈ ya'nec pax pitzwoc, ax qui pitzw can pax 'ec' 'a yojltac.

Salmos 71:20

Wach'xam til wal yailal 'ix a ch'ox wila', yet' pax cusc'ojlal, palta 'oj in a'x pitzwoc jun 'ejm xo; 'oj in e'x q'uet 'a yol lu'um,

Salmos 53:6

A cab' wal 'a tzaln Sión tzcot qui colnb'il an̈ israel on̈c tic. A yic 'oj ya'nc pax Jehová swach'c'ojlal 'a quib'n̈ec jun 'ejm xo, caw 'oj qui tzaljec an̈ yin̈tl on̈c can Jacob tic.

Salmos 138:7

Mamin Jehová, yic 'ayn 'ec' 'a scal xiwc'ojlal, ach ton wal xac' in q'uinal, 'a' cot a poder 'ayin, sec tzin colchj 'el 'a yowl sc'ojl eb' 'ajc'ojl yajch 'ayin.

Jeremías 33:11

Palta ax 'oj 'ajoc, a 'a tic 'oj 'ab'xoc pax yoch b'it yic q'uin̈ yet' yic tzaljc'ojlal jun 'ejm xo, yet' b'it yic eb' quelem yet' eb' 'ix cob'es yic tznupn eb'. 'Oj 'ijxoc cot ofrenda yic alj yuj diosal 'a watut, ax laj yalnc eb' 'ixtic: Alc yuj diosal 'a Jehová tztac' yuj smasnil, yujto caw wach' snab'en, 'ay schamc'ojlal 'a smasnil tiempo, 'oj schic eb'. An Jehová in, an tzwala: Caw 'oj wi'xq'ue'ch jun chon̈b' tic 'icha xon yaj 'a yic yaln̈taxi.

Salmos 149:2

Ex wit israelal, tzaljan̈c yuj jun mach 'ijnac 'el yich sb'on qui chon̈b'ec tic,*f3* ex 'aj Sión tzaljan̈c yet' qui Reyal.

Salmos 74:1

Ach qui Diosal on̈, ¿tas yuj on̈ actj can qui ch'ocj 'a jun 'ejmn̈ej? ¿Tas yuj caw tzn̈ilchj chan̈ yowl a c'ojl 'a yib'n̈ jun a chon̈b' tic?

Salmos 77:8

¿Tom wal 'ix lajw c'och schamc'ojlal 'ayon̈? ¿Tom 'ix lajw can c'och 'aj ya'jnac sti 'a jun 'ejmn̈ej?

Jeremías 3:5

¿Tom smasnil tiempo 'ay cot owl 'ayn̈ on̈? ¿Tom 'ayc'n̈ej owl chi 'a jun 'ejmn̈ej? xe chi. Ya' sb'a wanto eyaln 'ixta', wan e b'on pax jun tzo'n̈ maysch'olnil tze b'o xon cha, xchi Dios 'a eb' israel.