Salmos 85:1 - Chuj San Sebastian Bible

¹ Mamin Jehová, yel xo wal wach' a nab'en 'a quib'n̈ an̈ a chon̈b' on̈ tic, yuj cha, 'ix a'n meltzjoc qui tzaljc'ojlal an̈ yin̈tl on̈ Jacob tic jun 'ejm xo.

Chuj San Mateo Bible

¹ Mamin Jehová, yelxo val te vach' ach d'ayon̈ a on̈ a chon̈ab' on̈ tic. Ix on̈ ic'xi meltzaj b'aj sacleminac cajcanb'at a on̈ yin̈til on̈ vin̈aj Jacob tic.

Salmos 85:1 Referans Kwoze

Salmos 14:7

A cab' 'a tzaln Sión, ata tzcot qui colnb'il an̈ israel on̈c tic. A yic 'oj ya'nc pax Jehová swach'c'ojlal 'a quib'n̈ec jun 'ejm xo, caw 'oj qui tzaljec an̈ yin̈tl on̈c can Jacob tic.

Jeremías 30:18

Tzyaln pax Jehová 'ixtic: Caw 'oj in jel tas 'aych 'a eyib'n̈ ex yin̈tl can Jacob, 'oj 'o'ch in c'ojl 'ayex. A e chon̈ab', 'oj e b'ox chan̈ jun 'ejm xo 'a yet'l 'aj lan̈chjnac 'ejm 'a yic b'ab'el, an̈jtona pax e despacho, 'oj e b'ox chan̈ 'a yet'l 'aj 'e'nc xoni.

Ez 39:25

Palta ax ticnec, an Jehová Yajl in, an tzwal 'ixtic: Caw wal tz'o'x 'och in c'ojl 'a eb' israel, atn eb' yin̈tl can Jacob. 'Oj wa'x in wach'c'ojlal 'a eb' jun 'ejm xo, yic tz'ijx chan̈ in b'i.

Salmos 77:7

¿Toc am wal an̈ja 'ayt cot yowl sc'ojl Jehová 'ayn̈ on̈? ¿Tom wal man̈x b'a'n̈ tzon̈ snib'j yet' swach'c'ojlal on̈?

Jl 2:18

'Oj lajwc cha, ax sch'oxn Jehová schamc'ojlal 'ayn̈ec an̈ schon̈b' on̈c tic, caw 'oj 'o'ch pax sc'ojl 'ayn̈ec,

Salmos 42:1

Ach in Diosal caw wal tzin nib'j to junn̈j in et'oc 'icha wal snib'n junc no c'ultquil chej yuc' a a yuj tacn̈ti'al, 'ixta waj et'oc.

Zacarías 1:16

Yuj cha, an Jehová in, an tzwal 'ixtic: A ticnec 'oj in meltzj 'a Jerusalén yuj in ch'oxni to tz'o'x 'och in c'ojl 'a 'a. 'Oj b'ox chan̈ watut ta jun 'ejm xo, ax yechtax chon̈b' Jerusalén yic tzb'ox chan̈ jun 'ejm xo, xchi Dios. Ax ticnec 'at al-l jun tzon̈ tic muc'uc, xchi jun ángel chi 'ayin.

Jl 3:1

A wal yic 'oj jawc jun c'u cha, caw 'oj wi'xq'ue'ch Judá yet' Jerusalén tic 'a swach'l jun 'ejm xo.

Lv 26:42

toto 'ixta', 'oj in na cot in trato yet' Jacob, Isaac yet' Abraham, chajtlto tzwal wac' lum lum 'a yin̈tl eb'.

Jeremías 31:23

A Jehová tztac' yuj smasnil, atn qui Diosalec an̈ israel on̈c tic, a tzaln 'ixtic: A yic 'oj wi'nc pax meltzjoc eb' israel jun 'ejm xo 'a slu'um, yet' 'a schon̈ab', 'oj yalx eb' chon̈b' 'a yol yic Judá 'ixtic: Ya' cab' Jehová syaxilal 'a yib'n̈ jun tzaln to sic'b'il 'el yuj tic, atn lum 'aj tzb'eylb'ax tojlal, 'oj schic eb'.

Esdras 1:11

A sb'isl jun tzo'n̈ yamc'ab' oro yet' plata 'ay 5,400 'a smasnil. Smasnil jun tzo'n̈ tic, 'ix yij pax meltzjoc Sesbasar yic 'ix 'elt 'a Babilonia yet' eb' ajun yet'oc, 'ix c'ochx eb' 'a Jerusalén.