Salmos 84:7 - Chuj San Sebastian Bible

⁷ 'Oj 'och yip eb' si'mb'il, ax 'a lum tzaln Sión, ata 'oj ach yil eb' ach in Diosal.

Chuj San Mateo Bible

⁷ Tz'ochn̈ej stec'anil eb' sic'lab'il, axo d'a Sion tzach yil eb' ach in Diosal Axon̈ej Ochi.

Salmos 84:7 Referans Kwoze

Pr 4:18

A eb' tojl snab'en, a swach' b'eyb'al eb', caw tzq'ue'ch 'icha yic tzq'uel c'u 'a yic tzsacb'eli, masnto tzowb' yoc c'u cha.

Is 40:31

Ax pax eb' cojn Jehová tzya'ch yipc sc'ojol, caw tzwach' 'och yip eb'. 'Oj stac' sb'ey eb' 'icha wal sjen̈w no salt'iw, 'oj stac' ya'n eb' carela, palta ma'oj c'unb'oc eb', ma'oj 'el pax yip eb' sb'eyi.

2 Co 3:18

Yuj cha, man̈x 'ayc 'och jun 'icha nip chi 'a qui satc qui masnil. A ticnec, lajn on̈c 'icha junc nen 'aj tzquil qui sat, yujto cujec, tzcheclj 'el swach'l Cajlil. Yuj cha, wan slajnb'i qui nab'enec 'icha Cristo, yujto wan xo stz'acw qui wach'lec 'icha swach'il. 'Ixta wan on̈ yutnec Cajlil, atn Yespíritu Dios.

Job 17:9

A eb' wach' snab'en, wach' 'oj 'aj 'el'ch eb', a tas tojl tzb'o eb', 'oj niwtjoc chan̈ eb' yet'oc.

A Schab'il Carta San Pedro 3:18

Yowlal tze wach' 'ojquej 'el Cajlilec, atn Jesucristo qui Colmalec. An̈jtona', caw tze wach' chaj swach'c'ojlal 'a junjn c'u. Niwn cab' yel'ch Cajlilec ticnec, yet' 'a smasnil tiempo. Ya' cab'i'.

Salmos 43:3

Ch'ox a sacq'uinlal 'ayin yet' a paxti caw yel, sec wach' a 'oj in ch'oxn 'a a b'e tzc'och 'a lum tzaln yic 'emmquilal 'a 'ajtil cajn ach 'eq'ui.

Dt 16:16

Smasnil eb' winac, yowlal 'ox'ejm tz'och eb' 'a yojltac Jehová Dios 'a junjn ab'il, atn 'a jun lugar 'oj si'l yico'oc cha. A jun tzo'n̈ q'uin̈ 'aj 'oj 'och eb' cha, atn tic: Q'uin̈ yic 'ixm pan may yich, q'uin̈ yic tzlajw spolx trigo, yet' q'uin̈ Chinama. May cab' junc mach tzsat sc'ojl yi'n 'at yofrenda 'a yojltac Jehová.

Jn 14:3

'Oj lajwc in b'on can eyet'l chi ta', ax in japx jun 'ejm xo. Ax wul ex wi'nc wet'oc, sec wach' a 'aj 'ayn 'ec' cha, ata 'oj eyaj wet'oc.

Jn 1:16

A jun cha, caw tz'acn swach'c'ojlal. Yuj cha, tz'acn tzch'ox swach'c'ojlal chi 'ayn̈ec.

Salmos 42:2

Nab'ilchn̈ej wu'uj, yol a c'ab' 'ay in q'uinal. ¿B'a'n̈ wal tzin c'ochx 'a ojltac jun 'ejm xo?

Jn 15:2

Toto 'ay te sc'ab' matz laj satni, ax win 'aych stzu'n 'eli. Toto 'ay te sc'ab' wach' satni, ax win 'aych laj swach' mesn 'el te', sec tzwach' satni. 'Icha tzyutj win sb'on te', 'ixta tzyutj in Mam sb'on eb' 'aych snab'en 'ayin.

Jeremías 31:6

Yujto 'oj jawc jun c'ual, a eb' tan̈wjum 'a lum jolmctac witz 'a yol yic Efraín, caw 'ip 'oj yal eb' 'ixtic: Cotn̈ec muc'uc, coyc 'a Sión 'a 'aj 'ayc' Jehová qui Diosalec, 'oj schic eb', xchi Dios.

1 Ts 4:17

'Oj lajwcn̈ej cha, an̈ec pitzn on̈c to ta', junn̈j 'oj 'aj quijxec chan̈ yet' eb'. Ax qui q'ue'chec 'a scal 'asn 'a snan̈l satcha'an̈, ax qui chanec sjaw Cajlilec ta'. 'Ixta to b'i'an, ax qui canc yet' 'a jun 'ejmn̈ej.

Jn 6:39

A 'in Mam checjnacn coti. Tznib'ej to may junc 'oj sat 'a scal eb' tzyac' 'ayin. Tznib'ej to an 'oj wac' pitzwc pax chan̈ eb' 'a slajb' c'ual.

Zacarías 14:16

A yic 'oj lajwc 'ec' jun tzo'n̈ cha, a jancto eb' 'anma 'oj can 'a jun tzo'n̈ chon̈b' 'oj 'a'nc owl yet' Jerusalén cha, 'a junjn ab'il 'oj jawc eb' wul sna q'uin̈ Chinama, ax sjaw eb' wul yac' 'emmquilal 'a jun Rey, atn Jehová tztac' yuj smasnil.

Is 46:13

A colnb'il tzwac'a, la'n xo yaj wu'uj, man̈x najtoc yaj 'a e tz'ey, jab'xoj wal 'oj in colcn 'el Sión; wu'uj ax sb'inax pax chon̈b' Israel, xchi Dios.

Lc 2:24

X'at ya'nc pax eb' jun tzo'n̈ xajmb'al, 'icha tzyal sley Cajlil yuj eb' meb'a', yic yalx can 'ixtic: Yowlal tz'ajx chawn̈oc no parama mto chawn̈oc no cotc cowojte yuj jun 'unn cha, xchi.

Salmos 122:2

Ax ticnec, 'ayn̈ xo 'ec' 'a yol chon̈b' Jerusalén tic.

Is 58:11

Toto 'ixta 'oj eyutc e b'a, an xo an Jehová in, an 'oj ex in quetz b'eyoc. 'Oj yac' sobra wa'n tas tze c'ux 'a lum cusltac lu'um. 'Oj wac' eyip, lajn 'oj eyaj 'icha junc 'awb'ente 'aychn̈ej yalil, mto 'icha junc spac'b'a may tz'aj stupi.

Ez 34:26

'Oj wac' in yaxilal 'a yib'n̈ eb' yic 'ayc' eb' 'a lum tzaln yic 'emmquilal, ax wa'n cot n̈ab' 'a sat lum lum chi 'a 'icha stiempoal.