Salmos 83:2 - Chuj San Sebastian Bible

² 'Ilt eb' 'ajc'ojl yajch 'ayach, caw tzach syajl eb'. 'Ayc' eb' laj yac' somchjoc eb' a chon̈ab', tzlaj chichnc 'och eb' 'ayach.

Chuj San Mateo Bible

² Ilcot eb' ayoch ajc'olal d'ayach, sq'ue val somnaj eb' ach spaticaneli, schichon sc'ol eb' d'ayach.

Salmos 83:2 Referans Kwoze

Salmos 81:15

Ax 'a eb' matz in nib'ni, 'ix wac' 'em wotz'n am eb' xiwi, ax syailal eb', 'ix cann̈j am 'a yib'n̈ eb' 'a smasnil tiempo.

Mt 27:24

Ax 'ix yiln win Pilato cha, to matz yac' ganar win scoln Jesús, ton̈j xwach' q'ue somnjoc eb' 'anma chi yaln yu'uj. Yuj cha, xya'n win 'ijxc cot jab' ya'al, 'ix sb'icn 'el win sc'ab' 'a sat eb' 'anma chi smasnil. 'Ixta xyutj win sch'oxn 'a eb', to man̈ locnoc xon win yet' eb', 'ix yaln pax win 'a eb' 'ixtic: —An tic, may waln wic 'a schaml jun tojl snab'en tic. A jun tze b'o tic, mun eyic e ch'ocoj, xchi win 'a eb'.

Jeremías 1:19

'Oj yac' eb' owl et'oc, palta ma'oj ach yac' ganar eb', yujto caw 'aynn̈ej 'och et'oc, yic tzach in colni. An Jehová in, an tzwala, xchi 'ayin.

Is 17:12

'Oltac wal eb' 'anma tzcot 'a jun tzo'n̈ xo nacion̈, caw wal tzc'an̈ cob' scot eb' yujto niwn sb'isl eb', lajn wal sc'an̈ scot eb' 'icha sc'an̈ sq'ue wan a mar. Caw wal cob' tz'el yaw eb' nacion̈ chi scoti, 'icha wal sc'an̈ yem pawnjoc a niwc a'.

Jueces 8:28

'Ixta x'aj yochcn eb' madianita schecb'oc eb' israel cha, man̈x 'a 'aj xya'lj eb' scoln sb'a. Chawinc ab'il xcan eb' israel 'a junc'ojlal yic 'ayc' Gedeón chi yet' eb', man̈x 'a owl x'och 'a jun lugar cha.

A Tas Sc'ulejnac Eb' Schecab' Jesús Hechos 23:10

Xlajw cha, xcaw 'och owl yuj eb' si'mb'il. Ax win comandante cha, caw 'ix xiw winac. A snan winac, to wan sto'n ch'iychjoc eb' Pablo cha. Yuj cha, xyawtn cot win eb' soldado. Xit' yi'nc 'elt eb' Pablo chi 'a scal eb', xlajw cha, x'at ya'nc pax eb' 'a cuartel jun 'ejm xo.

A Tas Sc'ulejnac Eb' Schecab' Jesús Hechos 22:22

'Ix smaclj eb' 'anma yab'i', tas chi wan yaln Pablo 'a eb'. Palta ax yic xyab'n eb' yaln junx cha, 'ix syamn 'och eb' sq'ue yaw, xyaln eb' 'ixtic: Cham cab' winac. ¿Tas gana pitzn winac? xchi eb'.

A Tas Sc'ulejnac Eb' Schecab' Jesús Hechos 21:30

Ax eb' chon̈b' smasnil, caw xcot yowl eb'. 'Ix syamn sb'a eb'. X'at stzicnc 'elt eb' Pablo chi 'a yamq'uil yatut Dios cha, xutn can 'el eb' 'a sti 'elt 'amc' cha. Yajn̈j cha, 'ix smacn eb' 'a 'a.

A Tas Sc'ulejnac Eb' Schecab' Jesús Hechos 17:5

Palta 'ay pax eb' israel ma'ix ya'ch 'a sc'ojol. Yic 'ix yiln eb', caw xcot yowl eb'. 'Ix ya'n eb' syam sb'a jun tzo'n̈ ewin maysch'olnil snab'en. A ewin cha, ton̈j tz'ec' ewin sayc' maysch'olnil 'a caye. Xlajw ya'n eb' sc'ojloc ewinac, 'ix ya'n eb' syam sb'a eb' chon̈b' smasnil. 'Ix ya'n eb' q'ue somnjoc eb' 'anma chi yowxi. Xlajw cha, xya'n ewin yip yecn 'och sb'a 'a yol yatut win Jasón, yujto a snan ewinac, to ata 'ayc' Pablo yet' Silas. 'Ix snib'j ewin yic' 'elt eb', tzya'n 'elt ewin eb' 'a sat eb' chon̈ab'.

A Tas Sc'ulejnac Eb' Schecab' Jesús Hechos 16:22

Ax eb' 'anma 'ayc' ta', caw xq'ue somnjoc eb' yowx 'a Pablo yet' 'a Silas. Ax ewin juez x'a'n 'ijxoc 'el spichl eb' schawn̈il. Xlajw cha, xya'n ewin xumxc 'och jixc'ab'te 'a eb'.

Is 37:29

Yujto a 'ayn ach owx 'ochi, caw ch'an 'ix otj a b'a, yuj cha, 'icha to 'oj wa'ch jun argoya 'a a n̈i', yet' jun freno 'a a ti', ax ach wa'n meltzjc 'a a b'e 'aj ach coti, xchi Dios, xchi Isaías.

Is 37:23

¿Mach jun 'aj tu 'ix ala, 'ix a xib'tn paxi? ¿Mach jun 'aj niwquil 'ix otj yol a jaj, xa jun a sat 'a 'a? Atn 'ayn an Dios in to Cojxn in.

Salmos 93:3

Mamin Jehová, a eb' a mar, checl sc'an̈ eb' a', tzlaj q'ue wan chel-loc eb' a 'a yet'ul.

Salmos 74:23

Man̈ ac' sat a c'ojl 'a eb' tzmeltzj 'och 'ayach, caw tzq'ue somnjoc eb' yel yaw.

Salmos 74:4

Ach qui Diosal on̈, a eb' 'ajc'ojl yajch 'ayach, tzya'l eb' yaw yet' tzaljc'ojlal 'a yol a cajnub' 'aj qui chajnac qui b'a et'oc. Ax sbandera eb' chuc chon̈b'al a 'ix yac'q'ue eb' ta'.

A Ch'an̈ Schab'il Libro Yic Yab'ixal Eb' Rey 19:28

Yujto a 'ayn ach owx 'ochi, caw ch'an 'ix otj a b'a, yuj cha, 'icha to 'oj wa'ch jun argolla 'a a n̈i', yet' jun freno 'a a ti', ax ach wa'n meltzjc 'a a b'e 'aj ach coti, xchi Dios, xchi Isaías.

Salmos 109:1

Ach in Diosal, a 'aych tzwal in wach' paxti', man̈toc tzach 'el ch'umn 'ayin yic tzwa'n in lesl 'ayach.