Salmos 83:15 - Chuj San Sebastian Bible

¹⁵ 'Icha cab' sb'ey chacxuxm 'ic', 'ixta cab' tzotj a pechn b'ey eb' yet' yowl a c'ojol.

Chuj San Mateo Bible

¹⁵ ichocab'ta' tzutej a satanel eb' yed' yoval a c'ool. Xib'tejcanb'at eb', pech b'eyec' eb' icha yic'jib'at tastac yuj oval ic'.

Salmos 83:15 Referans Kwoze

Job 9:17

Wach'xam may in mul, palta ax am tz'aji, tzin sma'lajwc yet' junc 'ic'n̈ab' caw ow, tzwach' niwtj am in yailal 'aych xoni.

Salmos 50:3

'Oj jawc qui Diosalec, palta man̈toc sictac 'oj 'aj sjawi. 'Ay jun c'ac' b'ab'l sjaw yu'uj, a jun chi tzsatn 'el smasnil tas. Oyn 'och pax jun niwquil 'ic' 'a 'a.

Is 28:17

'Ixtc 'oj wutc in b'on jun 'icha n̈a cha, a 'in tojlal 'oj wa'lb'oc 'a 'a, 'icha tz'aj sc'anx q'uen plomo mto nivel, xchi. A 'a 'es yet' 'a tas man̈ yeloc, ata xe say e colnb'il, palta a q'uen sacb'at a q'uen 'oj satnc 'eli; ax jun 'icha 'elmal a', a 'oj satnc 'el jun eyet'l 'aj tze col cob' e b'a cha.

Salmos 58:9

Lajw cab' 'ejm eb' mu'c 'icha te q'uix tzmolb'tzax 'och 'a yaln̈ chen, yajn̈ej tz'a 'ejmi. Toxn matz xej xon jun chen chi yu'uj.

A Ch'an̈ Carta D'a Eb' Hebreo 12:18

An̈ec tic, man̈ lajnoc on̈ 'ajc 'icha eb' quit israelal pecti'. Yujto a eb' cha, xit'nc eb' 'a lum witz Sinaí 'ay 'a yolyib'n̈q'uinl tic, atn 'a 'aj 'ay jun c'ac' tzn̈ilchji. Ata', caw q'uic'q'uinal, man̈ checloc. 'E'nc pax jun chacxuxm 'ic' ta'.

Mt 7:27

Ax yic xya'n jun yaxn̈ab', 'ix jaw a 'elmal a', xjaw jun 'ic' caw ow 'a yatut cha. Yuj cha, caw xc'an̈ yem junnjoc jun yatut cha, xchi Jesús 'a eb'.

Salmos 11:6

'Oj ya' cot c'ac' 'a yib'n̈ eb' maysch'olnil cha. 'Oj cot azufre 'a yib'n̈ eb' 'icha wal yem yaxn̈ab', 'ixta wal 'oj 'emoc. Ax ya'n cot pax jun niwquil 'ic' yic tztacj 'el smasnil tas yu'uj. 'Ixta 'oj yutc ya'n spac tas tzb'o eb'.

Is 30:30

A Jehová 'oj yac' 'ab'xoc sjaj to caw 'ay smay, chan̈ sq'ue yaw, ax sch'oxn 'el spoder. 'Oj ya' cot yowl sc'ojol, lajn wal 'icha sn̈ilchj te c'ac' tzsatn 'el smasnil tas, 'oj ya' cot chacxuxm'ic', niwc yaxn̈ab' yet' sacb'at.

Ez 21:3

Al yab' eb' to an Jehová in, an tzwal 'ixtc 'a yib'n̈ eb': An tzwala, to tzin 'och 'ajc'ojlal 'ayex. 'Oj wic' q'uet wespada 'a yol yet'ul, ax in miln cham eb' 'anma wach' snab'en yet' eb' maysch'olnil sb'eyb'al. 'Oj 'el yich scham eb' 'anma 'a stojlal sur masnto 'oj c'och scham eb' 'a stojlal norte.