Salmos 83:13 - Chuj San Sebastian Bible

¹³ Ach in Diosal, 'icha cab' tz'aj c'alem s'at yuj chacxuxm'ic', 'ixta tzotjcan eb', 'icha s'at junc tacn̈ xil te yuj 'ic', 'ixta cab' tz'aj eb'.

Chuj San Mateo Bible

¹³ Ach in Diosal, icha c'alem tz'ic'jib'at yuj chacxuxum ic', ma icha te' taquin̈ xil te' scuchjib'at yuj ic', icha chi' tzutejcan eb'.

Salmos 83:13 Referans Kwoze

Salmos 35:5

Pechx cab' 'at eb' yuj jun a sat ángel. Lajn cab' tz'aj eb' 'icha solcal 'ixm trigo tz'ijx 'at yuj 'ic'.

Job 21:18

¿Tom comn xoj tzsactzic eb' 'icha tzyac' te 'ac tzma' chan̈ chacxuxm'ic'?

Jeremías 13:24

Yuj cha, an Jehová in, an tzwala, to 'oj ex wac' sactzicc can 'ati, 'icha tz'aj yutz'x 'at solcal 'ixm trigo yuj 'ic'.

Is 40:24

Lajn eb' yajl chi 'icha junc 'unn c'ultc tot 'awb'il, mant 'a sch'an̈lyib' tz'at 'a yol lu'um. Toto tzyutz'j 'och Dios yic' 'a 'a, wal 'a yajn̈ej tztacji, ax chacxuxm'ic' tz'utz'n 'at 'icha solcal trigo.

Job 13:25

Lajn in 'icha junc xilte tz'at yuj 'ic', mto 'icha junc te tacn̈ 'ac, yuj cha, ¿tas yuj tzin a xib'tej? ¿tas yuj an̈ja in a pechn b'eyc'oc?

Mt 3:12

A jun cha, lajn 'icha junc winc tzchayj strigo, tz'el stzapil 'a scal. Tzlajw schayni, tzmoln strigo chi 'a yet'ul. Ax stzapil 'ixm cha, tzlan̈cn 'at 'a yib'n̈ junc c'ac' may b'a'n̈ tztupi, xchi Juan chi 'a eb'.

Is 41:2

¿Mach 'oj 'a'n checljoc jun rey 'a 'aj tzq'uel c'u? ¿Mach 'oj 'a'n yac' ganar jun rey chi owal yic tzann̈j 'aj 'oj 'ec'oc? ¿Mach 'oj 'a'n 'och jun tzo'n̈ nacion̈ 'a yol sc'ab' jun rey cha, sec tzyij 'ejm sb'a eb' 'a 'a? A yespada yet' sjul-lab' jun rey cha, a 'oj pechnoc 'el eb', ax sactzic can 'at eb' 'a juncxo lugar 'icha tz'aj solcal trigo tzpucn 'at 'a scal 'ic'.

Salmos 44:4

Ach qui Diosal on̈, caw yel qui Reyl ach on̈. Ach tzac' cac' ganar an̈ a chon̈b' on̈ tic on̈.

Salmos 22:1

Ach in Diosal, ach in Diosal, ¿tas yuj tzin actj can in ch'ocoj? ¿Tas yuj matz in a colo yic tz'el waw yuj in yailal?

Ex 15:7

Yet' wal a niwquil poder 'ix a'n 'ejm eb' tznib'j tzyac' owl et'oc. A wal yic tzcot owal, 'icha wal stz'a 'ejm te 'ac, 'ixta wal tz'aj slajw 'ejm eb' o'oj.

Ez 35:10

'In xcob' al 'ixtic: A chab' nacion̈al lum slum eb' israel tic, wach'xam ata 'ayc' Jehová 'a lu'um, palta 'oj wico'oc, xcob' a chioc.

Ez 36:2

An Jehová in, an tzwal 'a eb' 'ixtic: A eb' 'ajc'ojl yajch 'ayex, xcob' yal eb' to yic xoj eb' smasnil lum jolmctac witz cha.