Salmos 82:2 - Chuj San Sebastian Bible

² Xyaln 'ixtc 'a eb': ¿B'a'n̈ to wal tzeyactj e coln eb' 'anma maysch'olnil tas tzb'o'o? 'In ata tzeya'ch e b'a yet' eb' maysch'olnil cha.

Chuj San Mateo Bible

² Syalan icha tic d'a eb': ¿B'aq'uin̈ ol eyactejcan e ch'olb'itan d'a esal, yed' eyac'anoch e b'a yed' eb' sc'ulan chucal?

Salmos 82:2 Referans Kwoze

Dt 1:17

A yic tze b'onyaj eb' 'anma cha, man̈ chucchc cab' yel'ch eb' 'a e sat. Lajnn̈ej tzeyutj e b'onyaj eb', eb' 'emmquilal yeq'ui yet' eb' niwc winac. May cab' junc eb' 'aj tzex xiwi, yujto a jun b'eyc'ojlal cha, man̈ e yico'oc, palta yic Dios. Toto 'ay wal junc tas caw 'ajltac jun, tzeyac' 'e't 'a yol in c'ab', an xo 'oj in b'oyaji, xin chi 'a eb'.

Pr 18:5

Man̈ wach'oc toto a eb' 'ay smul, a eb' tz'ajx niwnc'ojlal yuj eb' juez, ax eb' may smul, matz chax 'ab'xc tas tzyal eb'.

Gl 2:6

A eb' checl xon yaj cha, matz in na'a, toto 'ay yopiso eb', yujto a 'a sat Dios, caw lajn on̈c qui masnil. A eb' cha, may junc xo checnb'il alb'il yuj eb' 'ayin.

Salmos 62:3

¿B'a'n̈ 'oj eyactc eya'n owl wet'oc? Tze nib'j wal tzin telw 'ejmi. Lajn xoj in 'icha yich n̈a wan yem lan̈joc e nani, mto 'icha pax junc col-l wan slan̈chji.

Job 34:19

A Dios matz ya'ch sb'a yet' eb' yajal, yet' pax eb' rico, tom ax yet' eb' meb'a' tzya'ch sb'a, palta lajnn̈ej yel'ch eb' 'a sat, yujto a xb'on eb'.

2 Cr 19:7

Yuj cha, caw niwn cab' yel'ch Jehová 'a e sat, tzcham eyiln tas 'oj e b'o', yujto a Jehová qui Diosalec, ma'oj techjc yu'uj, yic 'oj yilnc 'och tas man̈ stojlalc 'oj e b'o', yet' pax yic to 'ay sjelpal 'anma 'a e sat, yic tze chan tumn 'a c'ultaquil, xchi 'a eb'.

A Ch'an̈ B'ab'el Libro Yic Yab'ixal Eb' Rey 18:21

Xlajw cha, 'ix snitzn 'at sb'a Elías 'a stz'ey eb' 'anma chi smasnil, 'ix yaln 'a eb' 'ixtic: —¿B'a'n̈ 'oj eyact sq'ue'i tz'ejm e nab'en? Toto a Jehová caw yel a Dios, cojn 'a tzeyac' 'ejm e b'a. Toto a pax Baal a dios pax jun, cojn cab' pax 'a tzeyac' 'ejm e b'a, xchi. Ax smasnil eb' 'anma cha, man̈xtoc 'ix nachj 'el yuj eb' tas xyutj eb' ya'n spac 'a 'a.

Lv 19:15

Man̈ e b'o tas man̈ tojloc, yic tze b'onyaj junc mach; man̈ eya'ch e b'a yet' eb' meb'a', mto yet' eb' niwn yel'chi. Tojln̈ej tzeyutj e b'onyaj eyit 'anma'il.

Ex 10:3

Xlajw cha, 'ix 'atx Moisés yet' Aarón 'at yil win rey chi jun 'ejm xo, 'ix yaln pax eb' 'a win 'ixtic: —A Jehová qui Diosal an̈ israel on̈ tic on̈, a tzaln 'ixtc 'ayach: ¿Jantcto wal tiempo 'oj ac' pitb'oc a b'a, yic matz ej 'ejm a b'a 'ayin? 'A'l eb' in chon̈b' tic 'a libre, yic tz'at ya'nc eb' 'emmquilal 'ayin.

Mt 17:17

Yuj cha, 'ix yaln Jesús 'ixtic: —Ax tic, caw matz eya'ch e c'ojl 'a Dios, caw pit ex. 'In 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj. 'At 'ijec cot win 'unn chi 'ayin, xchi.

Job 32:21

An tic man̈ chucchcoc yel 'anma 'a in sat; palta lajnn̈ej yel'ch eb' smasnil 'ayin.

Ez 45:9

An Jehová in, an tzwala: Ex yajl chon̈b' Israel, colb'l xo wal eyixtn eb' 'anma cha. B'ocyaj eb' 'anma 'a swach'il, tojl cab'n̈ej tzeyutj e b'eyc'ojlan eb'. 'Actjec eyi'n 'ec' slum eb' in chon̈ab'.