Salmos 81:5 - Chuj San Sebastian Bible

⁵ atn jun checnb'il tic alb'il 'a eb' qui mam quichmec, yic sc'och Dios yac' owl 'a Egipto. Ata 'ix yab' eb' jun ti', to ma'ix nachj 'el yuj eb'.

Chuj San Mateo Bible

⁵ Ix alchaj d'ayon̈ yin̈tilal on̈ vin̈aj José tic, ayic ix b'at Dios oval d'a Egipto. Ata' ix cab' jun lolonel, palta man̈ cojtacoc mach ix lolon chi'.

Salmos 81:5 Referans Kwoze

Salmos 114:1

A yic x'elt eb' israel 'a Egipto, atn eb' yin̈tl Jacob cajn 'ec' 'a scal eb' chuc chon̈b'al cha,

Jeremías 5:15

Tzyaln pax Jehová 'ixtic: Ex yin̈tl can Israel, a wal jun chon̈b'al eb' 'anma caw najt 'ay, a eb' 'oj wi' cot 'ayex, atn eb' 'anma caw 'ay yip, eb' 'ayc' xon 'a yictax pecti', eb' man̈ eyojcoc sti', ma'oj eyab' xon tas 'oj yal eb'.

Dt 28:49

A junc nacion̈al eb' 'anma caw najt 'ay 'a slajb' yolyib'n̈q'uinl tic, a 'oj yi' cot Jehová 'ayex. 'Icha wal sjelnal sb'ey junc no salt'iw yic tzjen̈wj no', 'ixta 'oj 'aj sjaw eb'. Chuc sti eb', ma'oj eyab' tas tzyal eb'.

Salmos 77:15

A yet' 'a poder 'ix a coln can 'el eb' a chon̈ab', atn eb' yin̈tl Jacob yet' José.

Is 28:11

Yuj cha, toto matz nib'j eb' yab' tas tzwala, a yet' chuc til 'oj yac' Dios alxoc 'a eb', chuc chon̈b'al junc 'anma 'oj yac' paxtinc 'a jun chon̈b' tic.

Ex 12:27

Ax eyaln 'ixtc 'a eb': A jun q'uin̈ tic, yic snanb'il cot queltec 'a libre 'a Egipto, atn yic scham no calnelu xajmb'al-l 'a Jehová, yic 'ec' smilnc cham Jehová eb' b'ab'l 'unn 'a Egipto cha. Ax 'a sti catutec, c'ax'e'l x'eq'ui. 'Ixta 'ix yutj Jehová scoln can 'el eb' 'unnab'il 'ayn̈ 'a yic jun tiempoal cha, 'oj e chic 'a eb', xchi Moisés. A yic 'ix lajw yaln jun tzo'n̈ tic, 'ix 'em n̈ojnjoc eb' yit israelal ya'n 'emmquilal 'a Jehová.

Ex 12:12

An Jehová in, an tzwala: To a wal 'a jun 'ac'wl cha, 'oj wec' 'a yol yic Egipto tic smasnil. 'Oj 'ec' in mil cham sb'ab'l 'unnal junjn 'anma 'a junjn n̈ail, yet' sb'ab'l 'une no cajb'en noc', ax wa'n lajwc 'ejm sdiosal eb' 'aj Egipto tic.

Ex 11:4

A yic mantzac 'elt Moisés 'a yojltac win rey cha, 'ix yaln can 'a win 'ixtic: —'Ixtc wal xyutj Jehová yalni: A yic 'oj 'och chim'ac'wal, ax wec' 'a smasnil yol yic Egipto.

Am 6:6

A 'a yol niwc vaso tzeyu'j yal uva jawnc sti', a wal perjuma caw chan̈ stojol a tze c'ana, palta matz ex 'och 'il jab'oc, toto wan yixtx 'el yol qui nacion̈ec tic.

Ez 20:20

Tzeyiclni sc'ul 'iljelal yujto wic yaji, ch'oxnb'il tz'ajcn jun c'u chi 'a in cal eyet'oc, sec tzeyojquej 'eli, to e Diosal in, xin chi 'a eb'.

Salmos 78:6

sec wach' tzyojquej 'el eb' yin̈tl eb' b'aq'uin̈, atn eb' tot 'oj 'aljoc. Ax yunnal eb' tot 'oj 'aljoc cha, 'oj scuy pax eb' yunnal chi b'aq'uin̈,

Ex 12:29

Ax 'a yic chim'ac'wal, 'ix 'ec' smilnc cham Jehová eb' sb'ab'l 'unnal eb' 'aj Egipto 'a junjn n̈ail. 'Ixta 'ix 'aj scham win sb'ab'l 'unnal win rey, win to jab'xoj yochx can sjelc win 'a sdespacho; xcham pax eb' sb'ab'l 'unnal ewin 'aych 'a preso yet' pax sb'ab'l 'une e no noc'.