Salmos 81:3 - Chuj San Sebastian Bible

³ A yic tzpac' 'uj tzcutz'nec qui trompeta, tzcutz'nec pax 'a yic tzc'ojn sb'a 'uj, yujto niwquil q'uin̈ jun chi 'ayn̈ec.

Chuj San Mateo Bible

³ Co puec q'uen trompeta ayic tz'alji q'uen uj. Co puec pax q'ueen ayic sc'ojnaj q'uen uj chi', yujto nivan q'uin̈ jun chi' d'ayon̈.

Salmos 81:3 Referans Kwoze

2 Cr 2:4

A ticnec, to 'oj wac' b'o chan̈ yatut Jehová qui Diosal on̈. 'Oj wa'cn yico'oc, sec ata tz'ajx tz'a perjuma su'q'ui sjab' 'a yojltac, tz'em tzoln 'ixm pan 'a yojltac, tz'ajx tz'a xajmb'al to tz'a smasnil 'a sq'uin̈b'ial yet' 'a yemc'ual, 'a sc'ul 'iljelal, 'a yic tzpac' 'uj, yet' jun tzo'n̈ xo q'uin̈ tznax yic tz'ijx chan̈ sb'i Jehová qui Diosal on̈. 'Ixta tzyal checnb'il 'ac'b'il 'ayn̈ an̈ israel on̈ tic 'a smasnil tiempo.

Nm 15:3

tzeyac' junc no quelm wacax, mto junc no cob's calnelu xajmb'al-l 'ayn an Jehová in, tzeya'n tz'a no 'a wojltac, yujto wach' sjab' tzwab'i, tzeyac' 'ayn yuj eya'n 'el'choc junc e ti', mto ton̈j tz'el 'a e c'ojl eya'ni, mto tzeyac' pax yuj junc q'uin̈.

2 Cr 13:14

A yic 'ix 'at q'ueln eb' yic Judá 'a spatquil, ax xyiln eb' to wan sjaw eb' soldado 'a spatquil eb' yet' pax 'a sat eb', yuj cha, 'ix tew eb' 'a Jehová, ax eb' ya'mal 'och sti eb' 'a Dios, 'ix yutz'n eb' strompeta.

2 Cr 13:12

A Dios 'ayc' quet' on̈, a b'ab'l cuj on̈, ax eb' ya'mal 'och qui ti 'a Dios on̈, caw lista xo yaj eb' yutz'n strompeta yic tz'och owl eyet' ax tic. Ex wit chon̈ab', man̈ eyac' owl yet' Jehová, atn qui Diosalec yet' eb' qui mam quichmec, yujto ma'oj eyac' xon ganar, xchi Abiam 'a eb'.

2 Cr 5:12

Ax smasnil eb' levita 'aych 'a yib'n̈ to tzb'itni, 'icha Asaf, Hemán yet' Jedutún, eb' yunnal eb', yet' pax eb' yican eb', lin̈n 'och eb' 'a stz'ey yet'l xajmb'al 'a stojlal 'aj tzq'uel c'u. A te lino 'aych spichloc eb'. Yamb'il címbalo, salterio, yet' pax arpa yuj eb'. 'Ay pax 120 eb' ya'mal 'och sti eb' 'anma tz'utz'n trompeta yet' eb'.

1 Cr 16:42

A eb' tic, 'ix yutz'j eb' trompeta, syucn eb' platillo yet' jun tzo'n̈ xo yamc'ab', yic tzb'itn eb' 'a Dios, ax pax eb' yunnal Jedutún tan̈m puerta yaj eb'.

1 Cr 16:6

An̈jtona pax eb' ya'mal 'och sti eb' 'anma 'a Dios, atn Benaía yet' Jahaziel, a eb' tz'utz'nn̈ej trompeta 'a yojltac te scaxail strato Dios.

1 Cr 15:24

Ax eb' ya'mal 'och sti eb' 'anma 'a Dios, atn Sebanías, Josafat, Natanael, Amasai, Zacarías, Benaía yet' Eliezer. A eb' tz'utz'n trompeta 'a yojltac te caxa cha. An̈jtona pax Obed-edom yet' Jehías tan̈m caxa pax yaj eb'.

A Ch'an̈ Schab'il Libro Yic Yab'ixal Eb' Rey 4:23

—¿Tas yuj tzach 'at el win ticnec jun? Man̈ stiempoaloc spac' 'uj, man̈ sc'uloc pax 'iljelal, xchi win yichmil 'ix cha. —Man̈ ach 'och 'il, xchi 'ix 'a winac.

Dt 16:15

A jun q'uin̈ cha, uque c'u tze na'a, yuj eyi'n chan̈ sb'i Jehová qui Diosalec. Ata tzeyam e b'a 'a jun lugar 'oj si'l Jehová yico'oc cha, yujto 'oj yac' syaxilal 'a yib'n̈ smasnil tas tze mol cha'an̈, yet' 'a yib'n̈ e munljel, caw wal tzaljc'ojlal eyico'.

Nm 28:11

A 'a b'ab'l c'u yic junjn 'uj, tz'ajx chawn̈oc no quelm wacx xajmb'al-l 'ayn an Jehová in, tz'ajx pax junc mam calnelu yet' ucwn̈oc no quelm calnelu junjn ab'il sq'uinal, no may spaltail.

A Scarta San Pablo D'a Eb' Aj Colosas 2:16

Yuj cha, toto 'ay mach tzex b'eyc'ojlan yuj tas tze c'uxu, mto tzeyuq'uej, man̈ e cha yal eb' 'ayex. Toto tznib'j eb' yal 'ayx yuj jun tzo'n̈ sq'uin̈, mto 'a yic tzpac' 'uj, yet' sc'ul 'iljelal, man̈ e cha yal eb' 'ayex.

Nahúm 1:15

Ex 'aj Judá, 'iltec, sjaw win alm 'el 'ab'x yic junc'ojlal 'a sjolm eb' lum tzalan. 'A'c 'och e q'uin̈, 'a'c 'el'choc 'aj eya'jnac can e ti'. Man̈x 'a b'a'n̈ 'oj ex yixtc eb' tu snab'en, tox 'ix lajw 'el eb' 'a jun 'ejmn̈ej.

Lm 2:6

'Icha wal tz'aj yixtx 'el junc 'awb'en, 'ixta wal 'ix yutj Cajlilec ya'n juwc 'el scajnub' 'aj tz'och yamnil, sma'n can 'ejm lan̈chjoc. Xya'n sat sc'ojl eb' 'aj Sión 'a jun tzo'n̈ q'uin̈ niwn yel'chi, yet' pax sc'ul 'iljelal. Yuj yowl sc'ojl cha, spatquiln can 'el eb' rey yet' eb' ya'mal 'och qui ti 'a 'a.

Salmos 98:6

B'itn coyc yet' qui tzaljc'ojlal 'a yojltac qui Reyal. B'itn coyc yet' jun tzo'n̈ yamc'ab' tz'utz'xi, 'icha trompeta yet' no cacha.

2 Cr 8:13

sec wach' tz'ajx junjn macn̈ tas 'a yic sc'ul yajx xajmb'al cha, 'icha tzyal ley 'ix yalcn Moisés, tzyal 'el'chi, atn 'a sc'ul 'iljelal, 'a sc'ul yic tzpac' 'uj, yet' 'a 'oxe niwc q'uin̈ tznax 'a yol junjn ab'il, atn q'uin̈ yic tzwax 'ixm pan may yich, yet' q'uin̈ yic tzmolx sat 'awb'ente', yet' pax q'uin̈ Chinama.

1 Cr 15:16

An̈jtona', 'ix yaln pax David 'a eb' 'aych yajlilc 'a yib'n̈ eb' levita, to a 'a scal eb' yin̈tl eb' cha, ata tzsic' 'elt eb' nan̈loc eb' tzb'itn 'a tzaljc'ojlal yet' jun tzo'n̈ yamc'ab', atn salterio, arpa, yet' platillo.

1 Cr 25:1

An̈jtona', a David yet' eb' syajlil eb' 'ay yopiso cha, a eb' 'ix si'n 'el eb' yin̈tl Asaf, Hemán yet' Jedutún, yic tzyaln 'el eb' spaxti Dios yet' jun tzo'n̈ yamc'ab' yic tz'och b'it 'a Dios, atn yet' arpa, salterio, yet' platillo. Atn slistail eb' winc 'aych 'a yopiso tic.

Salmos 33:2

¡Alc wach' paxti 'a Jehová yet' arpa! B'itnejec sb'i yet' salterio.

Salmos 149:3

Tzon̈ laj q'uec b'atnjoc calnec qui wach' paxti 'a 'a, qui b'itquec yet' qui arpa yet' pax qui pandero.