Salmos 80:9 - Chuj San Sebastian Bible

⁹ 'Ix a'nej can 'aj 'ix awj te cha, caw wal yajn̈ej 'ix 'em sch'an̈l yib' te', xb'ut'j 'el sat lum lum chi yuj te'.

Chuj San Mateo Bible

⁹ Ix aq'uenan te'. Ix b'at sch'an̈al yib' te'. Ix q'uib' te'. Ix majel sat luum tic yuj te'.

Salmos 80:9 Referans Kwoze

Josué 24:12

A chawn̈ eb' sreyl amorreo cha, man̈ yujoc eyespada, man̈ yujoc pax e jul-lab' x'em eb' eyu'uj, palta an xwa' cot jun niwquil xiwc'ojlal 'a yib'n̈ eb', yuj cha, x'at eb' 'elc 'ayex.

Is 27:6

'Ay jun c'ual 'oj yi'x eb' yin̈tl Jacob yip jun 'ejm xo. Yuj eb' ax ya'n cot Dios syaxilal 'a yolyib'n̈q'uinl tic jun 'ejm xo. Lajn eb' 'icha junc snun uva to tz'ejm schan̈l yib', tzwolni, tznichni, caw niwn sat tzyac'a.

Jeremías 12:2

Ach a b'ojnac eb', 'ix yi'n eb' yip. 'Ix q'uib' eb', xniwtj chan̈ sb'isl eb'. Caw tzach sb'inej cob' eb', palta ax snab'en eb', caw najt yajl 'a a tz'ey.

Is 37:31

A jaywn̈ocx ex tzex can 'a Judá, lajn 'oj eyaj 'icha junc te te tz'emx sch'an̈l yib' 'a yol lu'um, tzlajw cha, tzya'n sat muc'uc.

Salmos 105:44

'Ix ya'n yico'oc eb' schon̈b' chi slum jun tzo'n̈ eb' chuc nacion̈al cha, yet' smasnil tas 'awb'il 'a sat lum lum yuj eb' 'anma cha.

1 Cr 21:5

'Ix ya'n jantc sb'isl smasnil eb' soldado chi 'a David. Ax 'a yol smacb'en eb' israel cha, 'ay jun miyon̈ yet' jun ciente mil soldado, eb' to caw stiempoal s'at 'a owal. A 'a scal eb' 'ay 470 mil eb' 'aj Judá.

A Ch'an̈ B'ab'el Libro Yic Yab'ixal Eb' Rey 4:25

A 'a yol stiempoal yic pitzn Salomón, a smasnil yol yic Judá yet' Israel, caw junc'ojlal yaj eb' 'anma smasnil, tzchaj cot 'a Dan 'a stojlal norte masnto 'a Beerseba 'a stojlal sur. Junjn eb', mun 'ay yawb'ente eb' 'awb'il yuj 'a stz'ey yatut.

A Ch'an̈ B'ab'el Libro Yic Yab'ixal Eb' Rey 4:20

A eb' 'aj Judá yet' eb' israel, man̈x jantcoc sb'isl eb', lajn eb' 'icha yarenail sti a mar. Til wal tas tzc'uxxi yet' tas tz'u'xi, caw wal 'ay tzaljc'ojlal ta'.

A Ch'an̈ Schab'l Libro Samuel 7:10

An̈jtona', in b'ojnac jun e lugar 'aj wach' tzex can cajn ax in chon̈b' ex tic. Man̈x 'a b'a'n̈ 'ay mach 'oj eyi'n 'el 'a 'a, man̈x 'a eb' tu snab'en 'oj eyixtn 'icha 'a yictax pecti',

Salmos 44:3

Yujto man̈oc yet' yip eb', man̈oc pax yespada eb' xya'lb'ej yic xyi'n can eb' jun lum tic. Man̈ yujoc sjelnal eb' ya'n owal, palta yuj a tojlal yet' a poder, yujto 'ay a chamc'ojlal 'a eb' qui mam quichm chi 'on̈.

Is 5:2

St'oc jun slum cha, si'n 'el sq'uenal scal, sb'on 'och scol-lal, xyawn jun tzo'n̈ uva caw wach' yin̈tl 'a lu'um. Xlajw cha, sb'on chan̈ jun yet'l 'a cha'an̈, sec ata tztan̈wx te uva cha. Sb'on pax jun ste'lab' 'aj tzte'x 'el yalil te uva cha. A win in wach'c'ojl cha, xcob' stan̈wc win ya'n te sat caw wach', palta ax x'aji, caw wal paj te sat cha.

Is 27:2

A 'a jun c'ul cha, 'oj yal Jehová 'ixtic: B'itnejc te 'awb'en uva to man̈x jantcoc swach'il.

Jeremías 2:21

'Icha wal tz'aj yawx te uva caw wach', 'ixta 'ix wutj ex wawni, lajn ex 'icha te 'in̈t uva caw wach'. Ax ticnec, ¿tas yuj caw lajn xoj tzex 'aj 'el'ch 'icha junc te tz'usup?