Salmos 79:12 - Chuj San Sebastian Bible

¹² Ach Cajlil on̈, uc 'ejm cab' tzac' spac jun tic 'a eb' 'anma cajn 'a qui la'nil tic on̈, yujto caw ya yaln eb' b'uchwal paxti 'ayach.

Chuj San Mateo Bible

¹² Mamin Jehová, aq'uec' uqueloc a pac d'a juntzan̈ nación ay d'a co lac'anil, yujto b'uchumtac eb' d'ayach.

Salmos 79:12 Referans Kwoze

Jeremías 32:18

Ach tic, tza ch'ox a chamc'ojlal 'a jantcn̈ej smacquixtacl eb' 'anma tz'ec' 'a yolyib'n̈q'uinl tic, palta an̈jtona', tza'ch pax yailal 'a yib'n̈ eb' 'anma yuj smul smam yichm eb' tz'ochi. Ach tic Dios ach, caw wal niwquilch yet' a poder. Jehová tztac' oj smasnil, 'ixtnta ton wal yalx a b'i.

Gn 4:15

Xta'w Jehová 'ixtc 'a winac: —Ma'ay, toto 'ay mach 'oj a ma'n chamoc, uc 'ejm 'oj scha spac o'oj, xchi. Yuj cha, ax Jehová x'a'n 'och jun yechl win Caín, sec matz ma'x cham win yuj eb' 'anma'.

Lv 26:28

an̈jtona 'in, 'oj cot pax wowl 'ayex, ax wa'n niwtjoc sjaw yailal 'a eyib'n̈ yuj e mul cha.

Lv 26:21

Toto an̈ja tenmtac tzeyutj e b'a 'ayin, matz eyiclj tas tzwala, 'oj wac' niwtjoc sjaw yailal 'a eyib'n̈ yuj e mul cha.

Lc 6:38

'A'cn̈ej tas 'a eb' eyit 'anma'il, toto 'ixta', 'oj ya'n̈j pax Dios tas 'ayx jun xo. 'Icha junc tas tz'acn tz'aj yechtaxi, tzquilx 'ejmi, tzicb'tan̈xi, masnto tzq'ue ch'ucn sti', 'ixta 'oj yutc Dios ya'n tastc 'ayex. Yujto 'icha tzeyutj e b'a 'a eb' eyit 'anma'il, 'ixta 'oj ex yutc Dios jun xo.

Pr 6:31

Wach'xam 'ixta', palta toto tzyamchji, yowlal uc 'ejm tzyutj sjeln tas tzyel'j cha, toxn̈ej to man̈x 'a tas tzcan 'a yatut.

Salmos 44:16

Smulyujoc eb' 'ajc'ojl yajch 'ayn̈ on̈, 'ixta quec' on̈. Tznib'j wal eb' yac' spac 'ayn̈ on̈, tzon̈ stzuntzj eb' on̈, may jac quel'ch 'a sat eb' on̈.

Salmos 74:10

Ach qui Diosal on̈, ¿b'a'n̈to wal 'oj 'och wan eb' 'ajc'ojl on̈ stzuntzn on̈? ¿B'a'n̈to wal 'oj 'och wan sb'uchwj eb' 'ayach?

Salmos 89:52

Alx cab' wach' paxti 'a sb'i Jehová 'a smasnil tiempo. B'o cab' 'ixta'.

Ez 35:12

An Jehová in tic, 'ix wab' a b'uchwj 'a eb' lum chon̈b' 'ay 'a jolmctac witz yic chon̈b' Israel, 'ix aln cob' 'ixtic: A jun tzo'n̈ lugar tic, xcan eb' 'a sictaquil, yuj cha, ax ticnec 'oj in macc' wico'oc, xa chi.

Ez 36:7

Yuj cha, tzwalni to a jun tzo'n̈ nacion̈ cha, an 'oj wac' yac' eb' sq'uixwloc.