Salmos 79:10 - Chuj San Sebastian Bible

¹⁰ Toto ma'ay, 'oj yal eb' chuc chon̈b'al chi 'ixtic: ¿'Ajtil 'ay e Diosal cha? 'oj schic eb'. Comnoc wal tzac' quil on̈ tas wal tzotj a'n spac schamlil eb' a checab'. Ax eb' chuc chon̈b'al cha, 'oj yab' eb' yab'xil jun cha.

Chuj San Mateo Bible

¹⁰ Tato maay, ol yal eb' ch'oc chon̈ab'il chi' icha tic: ¿Tocval ay yelc'och jun sDiosal eb' chi? xcham eb'. Ac' quil a pactzitan d'a eb' yuj eb' a checab' ix smilcham eb'. Yab'ocab' jun chi' eb' ch'oc chon̈ab'il.

Salmos 79:10 Referans Kwoze

Salmos 42:10

Caw wal tzwab' syal si'mb'il, 'icha to tzma'x poj in b'aquil, yujto tzlaj in yixtc eb' 'ajc'ojol. 'A junjn c'u tzlaj sc'anb'noc eb' 'ixtc 'ayin. ¿'Ajtil 'ay jun a Diosal cha? xchi eb'.

Apoc 18:20

Palta ax xo ex 'aj satcha'an̈, tzaljan̈c yuj jun chon̈b' cha. Ex schecb' Jesucristo, yet' ex schecb' Dios, e masnil ex yic xo, tzaljan̈ec. Yujto eyu'uj, 'ix sb'eyc'ojlan Dios jun chon̈b' cha, 'ix ya'n syailal.

Miqueas 7:10

An̈jtona eb' 'ajc'ojl yajch 'ayn̈ec, 'oj yac' Dios yil pax eb' jun tic, caw 'oj q'uixwc can 'el eb' yu'uj. Atn eb' aljnac 'ayn̈ec 'ixtic: ¿'Ajtil 'ay Jehová e Diosal cha? xchi eb'. Palta a ticnec, 'oj quilc wal tas 'oj 'aj slajw 'el eb'. 'Oj te'wtan̈xoc eb' 'icha lum b'i'ch 'a yoltc caye.

Salmos 115:2

Man̈ a cha yal eb' chuc chon̈b'al 'ixtic: ¿'Aj wal 'ay e Diosal cha? man̈ schic cab' eb'.

Salmos 94:1

Mamin Jehová ch'oxl a b'a to Dios ach, ach tzac' spac tas maysch'olnil.

Salmos 42:3

Sc'ual yac'wlil woq'ui, axn̈ej yal in sat 'aych yec'b'oc in wejel, yec'b'oc in tacn̈ti'al. Ya' sb'a cha, ax 'a junjn c'u tzc'anb'n eb' 'anma 'ayn 'ixtic: ¿'Aj wal til 'ay jun a Diosal cha? xchi eb'.

Ex 7:5

A yic tox xin ch'ox in poder yet' 'a yic tox ex wij 'elt 'a jun nacion̈ tic, 'ixta to b'i'an, ax snachj 'el yuj eb' 'aj Egipto tic, to an ton Jehová in, xchi Dios 'a Moisés.

Ex 6:7

'Oj ex wi'ch in chon̈b'oc, ax woch e Diosaloc. 'Ixta 'oj eyutc eyojcan 'eli to an ton Jehová in, e Diosal in. An tzex in col-l 'a yol sc'ab' eb' 'aj Egipto tic.

Ro 12:19

Ex chamc'ojlb'il wu'uj, caw wal matz tac' qui pacnec qui b'a 'a junc mach. Yowlal tzqui tan̈wjec, sec mun a Dios 'oj 'a'nc syailal. Yujto yaljnac can Dios 'ixtc 'a Ch'an̈ U'un̈: An 'ay waln wic wa'n 'och syailal eb', an 'oj wac' spac 'a eb', 'icha smoj schan eb', xchi Cajlilec.

Jl 2:17

'O' cab' eb' ya'mal 'och qui tic 'a Dios, eb' tz'a'w servil 'a Jehová. A 'a snan̈l yatut Dios yet' jun yet'l xajmb'al, ata tzyal cab' eb' 'ixtic: Mamin Jehová, 'ac' niwnc'ojlal 'a quib'n̈ an̈ a chon̈b' on̈ tic. May cab' mach tzon̈ b'uchni. Man̈ on̈ a cha 'ajxoc ganar yuj jun tzo'n̈ xo chuc chon̈b'al, man̈ yal cab' eb' 'ixtc 'ayn̈ on̈: ¿'Ajtil 'ay e Diosal cha? man̈ xchic cab' eb', xchi cab' eb'.

Ez 36:23

E mul eyujoc in sb'uchn jun tzo'n̈ nacion̈ cha, palta a yic 'oj in b'onc 'icha tas nab'il wuj 'a eyib'an̈, ata 'oj in ch'ox wal yil eb' nacion̈ cha, to caw niwn wel'chi, ax yojcan 'el eb', to an Jehová in, cojn in ton Dios in.

Salmos 58:11

'Ixta to b'i'an ax yalx 'ixtic: Caw wal wach' yic eb' te'n xyutj sb'a sb'on tojlal. Caw yel 'ay jun Dios tzb'eyc'ojlan yolyib'n̈q'uinl tic, 'oj schioc.

Salmos 9:16

Mamin Jehová, ach 'ojcax 'el yuj tas wach' tza b'o'o. Mun tzyalej sb'a eb' tzb'on maysch'olnil.

Dt 32:43

Ex nacion̈ tzaljan̈c yet' jun schon̈b' Dios tic, yujto 'oj spactzoc Jehová schamlil eb' schecab'. 'Oj yac' spac 'a eb' 'ajc'ojl yajch 'a eb', ax ya'n lajwc smul eb' schon̈b' cha, xchi Moisés.

Salmos 42:4

A wal yic tzin nan cot jun tzo'n̈ tic, caw tz'och pitzn syal 'a in c'ojol. Tzin nan cot yic 'ayn 'och 'a scal eb' 'anma', yic tzin jucb'tzan eb' 'a yic tzin c'och 'a atut yet' eb' 'a yic tz'och q'uin̈. Til wal 'aw yic tzaljc'ojlal yet' alj yuj diosal tz'och ta'.

Salmos 42:11

¿Tas wal yuj tzjaw in chab'c'ojlal? ¿Tas yuj tzsomchj chan̈ in nab'en? Ach in Diosal tzach wa'ch yipc in c'ojol, a 'aych 'oj wal wach' paxti'. In Colmal aji, in Diosal ach paxi.

Is 64:1

Comnoc 'ay tz'aj a jatn satcha'an̈, yic tzach 'eml 'a yolyib'n̈q'uinl tic, sec tzlaj 'ib'x lum niwc witz 'a ojltac.

Jeremías 51:24

An Jehová in, an tzwala: Q'ueln ex wal 'ochi ax wa'n spac 'a Babilonia yet' 'a smasnil eb' cajn 'a 'a 'icha wal smoj schan eb', yuj jantc smaysch'olnilal eb' sb'o 'a Sión.

Lm 1:22

Na coti jantc smul eb' xya'ch 'a ojltac; 'icha cab' tzon̈ otj tic on̈, 'ixta cab' pax tzotj eb' jun xo. An̈ tic on̈, caw wal niwn xo tzon̈ 'oc' yuj cab'n syail, caw wal tz'el quip tzcab'i, xchi eb' 'aj Jerusalén 'a Dios.