Salmos 79:1 - Chuj San Sebastian Bible

¹ Ach qui Diosal on̈, 'ix wul stoc'c' eb' chuc chon̈b'al lum a lum tic. 'Ix yixtj 'el eb' atut, xlajw cha, sma'n can juwc eb' chon̈b' Jerusalén.

Chuj San Mateo Bible

¹ Ach co Diosal, ix och eb' ch'oc chon̈ab'il d'a lum a macb'en. Ix yixtanb'at a templo eb'. Ix smaq'uem lan̈naj Jerusalén eb'.

Salmos 79:1 Referans Kwoze

Miqueas 3:12

Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.

2 Cr 36:19

'Ix sn̈usn eb' yatut Dios, sma'n can lan̈chjoc eb' smuroal Jerusalén, sn̈usn eb' smasnil despacho, sma'n can juwc eb' smasnil tas to chan̈ stojol.

Lm 1:10

A eb' 'ajc'ojl yajch 'a Jerusalén, tox 'ix yij 'ec' eb' smasnil sricoal jun chon̈b' tic. 'Ix yiln pax eb' 'anma yoch eb' 'ajc'ojl chi 'a yol scajnub' Dios, atn jun tzo'n̈ 'anma yaljnac Dios to matz tac' yochi.

Jeremías 26:18

A 'a yol stiempoal Ezequías sreyl Judá, a Miqueas 'aj Moreset, 'ix paxtin 'el 'a sb'i Jehová 'a smasnil eb' chon̈b' 'a Judá, 'ix yaln 'ixtic: A Jehová, tztac' yuj smasnil, a tzaln 'ixtic: A chon̈b' Sión tic, 'oj cancn lum yico'oc munljel. A Jerusalén jun b'uln̈ 'oj 'aj slan̈chj can 'ejmi, ax jun tzaln 'aj b'ob'il watut, waymtac xoj 'oj 'ajcni, xchi Dios, xchi Miqueas cha.

Jeremías 52:13

A win xwul n̈usnc yatut Dios yet' sdespacho eb' rey, yet' yatut eb' niwc winc 'a Jerusalén cha.

Salmos 78:71

'Ix yi'n 'el Dios win 'a 'ilj calnelual cha, ax eb' schon̈b' chi 'ix ya'cn yila'. 'Ix 'ochcn win yilmalc eb' yin̈tl can Israel.

2 Cr 36:17

Xlajw cha, xchecx cot win rey yet' eb' soldado 'aj Babilonia yuj Jehová, yic tzya'n owl yet' eb' 'aj Judá cha. A yic 'ix 'ajx ganar eb', 'ix milx cham eb' quelm yet' espada a yol yamq'uil yatut Dios. Man̈x 'a jac sniwnc'ojlal 'a eb' quelem, 'a eb' cob'es, yet' 'a eb' 'ichmtac 'anma man̈x 'a yip. Xya'ch Jehová smasnil eb' 'a yol sc'ab' jun rey cha.

A Ch'an̈ Schab'il Libro Yic Yab'ixal Eb' Rey 24:13

Xlajw cha, xya'n win 'ijxoc 'elt smasnil q'uen tumn 'ay 'a yatut Jehová yet' 'a sdespacho win rey Joaquín cha. Caw choc' 'ix yutj sma'n poj jun tzo'n̈ yamc'ab' to nab'a oro b'ob'il can yuj Salomón sreyl chon̈b' Israel, jun tzo'n̈ 'ayc' 'a yatut Jehová. 'Ix 'el'ch jun tic 'icha yaj yaln can Jehová.

Ex 15:17

'Ij on̈ 'at 'a lum jolmctac witz to ecn̈ej yaji, jun lugar to ach si'jnac can 'eli yic tzach 'aj cajn ta.

Apoc 11:2

Ax yamq'uil sti', man̈ echtoc. Yujto a jun cha, 'ac'b'ilx 'a eb' man̈ israeloc. A eb' cha, 42 'ujl 'oj stec' 'ejm eb' jun chon̈b' yic Dios cha.

Lc 21:24

Nan̈l eb' 'oj milxc cham yuj owl cha. Nan̈l xo eb' 'oj 'atcn 'a 'icha presoal, ax spojx can 'ec' eb' 'a junjn chon̈ab'. A eb' man̈ israeloc cha, caw 'oj 'ixtxoc can 'el Jerusalén tic yuj eb'. 'Ixta 'oj 'ajoc, masnto 'oj lajwc jun tiempoal 'aj tzyac' eb' yajlil 'icha yaj snan Dios.

Ez 9:7

Xlajw cha, xyaln pax 'a eb' 'ixtic: 'At 'a'c juwc can 'el jun watut cha, ax 'a yamq'uil cha, ata tze tuscn 'och eb' chamnc 'anma chi ta', xchi. Xlajw cha, 'ix 'el paxt eb', syamn 'och eb' smiln eb' 'anma chi 'a yol chon̈b' cha.

Jeremías 39:8

Ax eb' 'aj Babilonia cha, 'ix sn̈usn can eb' despacho, yet' smasnil n̈a 'ay 'a Jerusalén. 'Ix sma'n lan̈chjoc eb' smuroal chon̈ab'.

Is 47:6

A yic 'ay cot wowl 'a eb' in chon̈ab', 'ix wa'ch eb' 'a yol a c'ab' sec tz'ixtx eb' o'oj. Ma'ix 'o'ch a c'ojl 'a eb', ax eb' 'ichmtac 'anma', caw wal ya x'ec' eb' o'oj.

Salmos 50:1

A Dios Cojxni, atn Jehová, a xpaxtini yic xyawtn eb' 'anma cajn 'a sat lum lum tic; eb' 'ay 'a stojlal 'aj tzq'uel c'u, yet' eb' 'ay 'a stojlal 'aj tz'em c'u.

Is 63:18

An̈ a chon̈b' on̈ tic on̈, jayen̈ej ab'il xquique'ej a cajnub', ax ticnec, a eb' 'ajc'ojl yajch 'ayn̈ on̈, a eb' xma'n 'ejm lan̈chjoc.

Jeremías 51:51

Palta ax tic tzeyal 'ixtic: Caw tzon̈ q'uixwi, yic tzcab'n tas tzyal eb' 'ayn̈ on̈. Caw q'uixweltac caj tzcab'i, yujto a eb' chuc chon̈b'al, tox 'ix 'och eb' 'a yol yatut Dios, 'intax 'ix 'och pax eb' 'a yol jun tzo'n̈ cotc cuarto to cojn Dios 'ay yico', 'oj e chioc.