Salmos 78:70 - Chuj San Sebastian Bible

⁷⁰ Si'n 'elt jun schecab' atn win David, win 'ilm calnelu.

Chuj San Mateo Bible

⁷⁰ Ix sic'anel jun schecab', aton vin̈aj David, vin̈ tan̈vum calnel.

Salmos 78:70 Referans Kwoze

A Tas Sc'ulejnac Eb' Schecab' Jesús Hechos 13:22

Ax Dios, 'ix 'i'n 'el Saúl 'a yopiso. Ax David 'ix ya'x can 'och sjeloc. Yaln 'ixtc yu'uj: Yaj David yunnal Isaí. Atn jun tic, tzin tzalj yet'oc. A 'oj b'onc smasnil tas tzin nib'ej, xchi.

A Ch'an̈ Schab'l Libro Samuel 7:8

Tzaln pax 'a jun in checb' David cha, chajtlto an Jehová in tzta'n̈j wuj smasnil, an tzwal jun tic 'ixtc 'a 'a: An ach wij 'el 'a spatc no calnelu, yic tzach wa'n 'och syajlilc in chon̈b' Israel.

A Ch'an̈ Schab'l Libro Samuel 6:21

'Ix ta'w David 'ixtic: —Yeltoni, in b'atj cha'an̈ palta atn 'a yojltac Jehová, yujto a in si'n 'och syajlilc chon̈b' sjelc a mam, yet' pax sjelc smasnil eb' ecan. Yuj cha, 'oj in b'atjn̈ej chan̈ yuj tzaljc'ojlal 'a yojltac Jehová.

A Ch'an̈ Schab'l Libro Samuel 3:18

A ticnec jun, 'el'ch cab'i', yujto 'ix c'och stiempoal yochi, yujto ya'jnac Jehová sti' 'a David chajtlto yu'uj, ax qui colchj 'el an̈ schon̈b' on̈ tic 'a yol sc'ab' eb' filisteo, yet' pax 'a yol sc'ab' jun tzo'n̈ xo eb' 'ajc'ojl yajch 'ayn̈ec, xchi.

Ex 3:10

Yuj cha, 'ixc ticnec, ach tzach wa'ch 'a sat paxtinc 'a win sreyl Egipto cha, ach 'oj a paxtin 'a winac, ax e'n 'elt eb' in chon̈b' chi 'a jun lugar cha, xchi Dios.

Ex 3:1

'Ix 'och Moisés 'ilj calnelu 'a sn̈i', atn win Jetro cha. 'Ay jun c'ual 'ix 'at Moisés chi 'ilj calnelu 'a lum cusltac lu'um, masnto 'ix c'och 'a yich witz Horeb, atn 'a jun witz chi 'aj sch'ox sb'a Dios 'a 'a.

A Ch'an̈ B'ab'el Libro Yic Yab'ixal Eb' Rey 8:16

Yictax wi'n 'elt eb' e mam eyichm ax israel tic 'a Egipto, mant 'a 'aj in si'jnac 'el junc chon̈b' 'a e cal, yic ata tzb'o junc watut 'aj tzin 'aj cajan. Cojn ach in si'jnac 'elta yic tza'n reyl 'a in chon̈b' Israel tic, xchi.