Salmos 78:57 - Chuj San Sebastian Bible

⁵⁷ Lajn wal xyutj sb'a eb' 'icha eb' smam yichm eb'. 'Ix yij 'el sb'a eb' 'a stz'ey Dios, man̈x yiclumoc xyutj sb'a eb' 'a 'a. Man̈x wach'c xyutj sb'a eb', lajn xoj eb' 'icha junc jul-lab' to coxo.

Chuj San Mateo Bible

⁵⁷ Icha yutejnac sb'a eb' co mam quicham, icha chi' ix yutej sb'a eb' d'a yichan̈ Dios. Maj sc'anab'ajejlaj eb' d'ay. Ix el eb' d'a yol sb'e icha junoc jul-lab' coxo.

Salmos 78:57 Referans Kwoze

Os 7:16

Tzmeltzj cob' eb', palta man̈xoc 'a 'ayn an Niwn Wel'ch tic. 'Icha junc jul-lab' man̈ tojloc, matz yamchj tas tzjulx yet'oc, 'ixta eb'. A yuj spaxti eb' syajlil eb' tzyal 'a b'an̈quinal, yuj cha, ax scham eb' yuj q'uen espada. Ax eb' 'aj Egipto, toxn̈ej 'oj b'uchwjoc eb' 'a eb'.

Salmos 78:8

Man̈ lajnoc 'oj yutc sb'a eb' 'icha eb' qui mam quichmec, yujto a eb' cha, 'e'nc eb' 'a yib'an̈, tenmtac eb', may pax ste'nal eb'. Man̈ yiclumoc eb' 'a Dios.

Salmos 78:41

Palta an̈j 'ijnoc ya'n prowal eb' Dios, xya'n eb' cus sc'ojl jun qui Diosalec to Cojxni.

Jueces 3:12

'Ix 'ochx smul eb' israel 'a sat Jehová jun 'ejm xo. Yuj cha, ax Jehová x'a'n sjelnal Eglón sreyl Moab, sec tzcan eb' 'a yaln̈ schecnb'il.

Is 1:4

Ex wit chon̈ab', caw wal 'ajmul ex, an̈j maysch'olnil tze b'o 'icha ya'jnac eb' qui mam quichmec, an̈j tu tze b'o'o. Xeyi'n 'el e b'a 'a stz'ey Jehová, xeyactn can qui Diosal To Cojxni.