Salmos 78:5 - Chuj San Sebastian Bible

⁵ A Dios 'ix 'a'n can jun ley 'a eb' qui mam quichmec atn eb' yin̈tl Jacob. Xya'n can jun tzo'n̈ checnb'il chi 'ayn̈ an̈ Israel on̈c tic. 'Ix yaln can 'a eb' qui mam quichmec to tzon̈ scuyc can eb'. An̈ec xo 'oj qui cuyc can pax eb' cunnalec,

Chuj San Mateo Bible

⁵ A Dios ix b'oancan jun b'eyb'al d'ayon̈ a on̈ yin̈til on̈ vin̈aj Jacob tic. Ix yac'ancan jun c'ayb'ub'al d'ayon̈ israel on̈ tic. Yalannaccan d'a eb' co mam quicham to sc'ayb'ej yuninal eb', a on̈ ton tic. A on̈xo pax tic ol co c'ayb'ej eb' cuninal

Salmos 78:5 Referans Kwoze

Dt 6:7

'A junjn c'u, tze cuyn eb' eyunnal 'a jun tzo'n̈ paxti tic. Tzeyalb'tan̈j 'a yol eyatut, 'a yol b'e, 'a yic tzex waycn 'ejmi yet' pax 'a yic tzex q'uexwa'an.

Ef 6:4

Ax xo mamb'il ex, man̈ e comn tzuntzc cot yowl sc'ojl eb' eyunnal. A yic tze q'uib'tzan eb', tzeyac' cuenta eb'. Tze cuyn pax eb', sec tzya'ch eb' sc'ojl 'a Cajlil.

Salmos 81:5

atn jun checnb'il tic alb'il 'a eb' qui mam quichmec, yic sc'och Dios yac' owl 'a Egipto. Ata 'ix yab' eb' jun ti', to ma'ix nachj 'el yuj eb'.

Is 38:19

Cojn mach pitzan, atn eb' chi tztac' yaln swach' paxti 'ayach, 'icha tzwutj in b'a 'aych ticnec. Ax eb' mamb'il yet' nunb'il, a eb' tzaln yab' eb' yunnal, to tz'el'ch tas tzala.

Is 8:20

Tze say eyila', tas xchi ley yet' spaxti Dios, xe chi 'a eb'. Toto 'oj yal eb' 'icha jun tzo'n̈ tzwal tic, toto 'ixta', 'icha to scal q'uic'q'uinl to 'ayc' eb', mant 'a sacq'uinl 'a spixn eb'.

Dt 11:19

'A'c scuy eb' eyunnal jun tzo'n̈ paxti tic 'a yol eyatut, yic tzex b'ey yet' eb', yic tzex waycn 'ejmi yet' 'a yic tzex q'uexwa'an.

Gn 18:19

An 'ix in sic' 'elta yic tzyaln smasnil in checnb'il 'a eb' yunnal yet' 'a smasnil eb' yin̈til, sec 'oj syiclc eb'. Ax sb'eylb'an eb' smasnil tas wach' yet' tas tojol, sec wach' tz'el'ch smasnil tas waljnac can yet' in ti 'a eb', xchi Dios 'a snab'en.

Ro 3:2

Ma'ay, 'oj walb't 'ayex tas yaji. A wal 'a eb' 'aj ya'jnac Dios spaxti'.

Salmos 147:19

An̈ israel on̈c tic, yin̈tl on̈c can Jacob, 'ix yac' qui Diosalec cojcoquec 'el spaxti', sley yet' schecnb'il.

Salmos 19:7

A sley Jehová may wal jac spaltail, yujto caw tz'a'tb'i qui nab'enec yu'uj. A schecnb'il caw yel, tzyac' sjelnal eb' may xon jac tas tztac' yu'uj.

Ex 40:3

Tza'n 'ajxoc 'och te scaxail in trato 'a yojol, tzlajw cha, tz'och te cortina yen̈loc.

Ex 25:21

Tzlajw cha, tza'n q'ue smac te caxa cha, palta tza'cn 'ejm eb' q'uen q'uen 'aj 'aych in checnb'il 'a yojl te', atn eb' q'uen 'oj wac' 'aych tic.

Salmos 119:152

Niwn xo tiempo wojcan 'el jun tzo'n̈ a paxti tic, to 'ayc'n̈ej eb' oj 'a smasnil tiempo.

Ex 25:16

Tzlajw cha, tza'n 'ejm eb' q'uen q'uen 'aj tz'ib'b'il 'och in checnb'il 'a yojl te caxa cha, atn eb' q'uen 'oj wac' 'aych tic.

Ex 40:20

Xya'n 'ajxocq'ue junx slan̈l yib'n̈ mantiado cha. Xlajw cha xyi'n cot Moisés chi chapachn̈ q'uen q'uen 'aj tz'ib'b'il 'och lajn̈e checnb'il, xya'n 'ejm 'a yojl te scaxail trato. Xya'n 'och te can̈nub' tzb'achn b'ey jun caxa cha, xya'nq'ue smacl sti yib'an̈. Xlajw cha, xya'n 'ajxoc 'och 'a yojl scajnub' Dios, xya'n locxocq'ue te cortina tz'och yen̈loc te caxa cha, 'icha wal yaj yaln Jehová 'a 'a.

Ex 12:27

Ax eyaln 'ixtc 'a eb': A jun q'uin̈ tic, yic snanb'il cot queltec 'a libre 'a Egipto, atn yic scham no calnelu xajmb'al-l 'a Jehová, yic 'ec' smilnc cham Jehová eb' b'ab'l 'unn 'a Egipto cha. Ax 'a sti catutec, c'ax'e'l x'eq'ui. 'Ixta 'ix yutj Jehová scoln can 'el eb' 'unnab'il 'ayn̈ 'a yic jun tiempoal cha, 'oj e chic 'a eb', xchi Moisés. A yic 'ix lajw yaln jun tzo'n̈ tic, 'ix 'em n̈ojnjoc eb' yit israelal ya'n 'emmquilal 'a Jehová.

Dt 31:13

An̈jtona', 'icha eb' eyunnal ax tic, man̈ yojcoc eb' jun ley tic; yowlal 'oj yab' eb', ax scuyn pax eb', sec wach' 'oj xiw eb' 'a Jehová qui Diosalec 'a smasnil tiempo. Atn 'a yic 'ayx xo 'ec' 'a sat lum lum 'oj eyico'oc cha, yic 'oj e c'axw 'ec' 'a a Jordán cha, xchi Moisés.

Dt 32:46

Xyaln 'a eb' yit chon̈b' chi 'ixtic: Nac wal si'mb'il 'a yib'n̈ smasnil jun tzo'n̈ xwalcn 'ayx tic, cuyc eb' eyunnal, sec tzb'eylb'ej eb' smasnil jun ley tic.