Salmos 78:19 - Chuj San Sebastian Bible

¹⁹ Xyaln eb' speclal Dios 'ixtic: ¿Tom 'oj stac' ya'n qui c'ux tas wach' 'a cusltac lum tic?

Chuj San Mateo Bible

¹⁹ Ix yalan specal Dios eb' icha tic: ¿Maxto ol yal-laj yac'ji co vael yuj Dios d'a tz'inan luum tic?

Salmos 78:19 Referans Kwoze

Nm 21:5

'Ix cot yowl eb' chon̈b' chi 'a Jehová yet' 'a Moisés, 'ix yaln eb' 'ixtic: —¿Tas wal yuj on̈ eyij 'elt 'a Egipto? ¿Tom tze nib'j to tzon̈ cham 'a lum cusltac lum tic? May tas tzqui c'uxu, may pax tas tzcuq'uej, tzq'ue syoch'l qui c'uxn jab' tas tzqui c'ux tic, xchi eb'.

Nm 11:4

Til wal eb' chuc chon̈b'al toxn ajun 'a scal eb' israel. A jun tzo'n̈ 'anma cha, a wal tas tz'aj eb' swa'i, a chi nan yuj eb'. Locn pax eb' israel tzcham yuj wejl yet' eb', yuj cha, 'ix 'oc' chan̈ eb', xyaln eb' 'ixtic: ¡Mach junc tz'a'n qui chi chib'j 'a tic!

Salmos 23:5

Lajn ach 'icha junc mach tz'a'n 'och sq'uin̈. A tas yel xo wach' a tzyac' sc'ux junc swach'c'ojol. Tzch'oxn 'eli to niwn yel'ch jun swach'c'ojl chi 'a 'a. Tzya'n sobra tas tzyac' yuc'. 'Icha jun swach'c'ojl cha, 'ixta tzin otj 'a yojltac eb 'ajc'ojl yajch 'ayin. Til wal a yaxilal tzac' 'a wib'an̈.

Ex 16:3

Xlaj yalnc eb' 'a 'ixtic: —Comnoc on̈ smilc can Jehová 'a Egipto, 'a 'aj caw wach' qui chinec chib'ej, 'aj caw tzon̈ b'ut'jec wal si'mb'il. Ocxo jun, ax on̈ eyij cot 'a lum cusltac lum tic; 'in a 'a tic 'oj qui chamc yuj wejl qui masnil, xchi eb'.

Nm 20:3

'Ix yaln eb' 'a eb' 'ixtic: —Comnoc wal on̈ chamc can yet' eb' quit chon̈b' 'ix ya'cn cham Jehová.

Nm 11:13

¿'Aj wal til tz'at wic' chib'j tzwac' schi jun tzo'n̈ 'anma tic? Caw tz'oc' eb', tzwul yaln̈c sb'a eb' 'ayin: 'A' cot qui chib'j tzqui chi on̈, xchi eb'.

Job 34:37

A Job tic, man̈ cojnoc to 'ay smul, palta to caw tenmtac xyutj sb'a; q'ueln on̈c wal 'och 'a 'a, 'ix b'uchwj 'a Dios, 'ix sten sb'a yet'oc, 'oj schic eb', xchi Eliú 'a Job.

Apoc 13:6

Caw tu xyal 'a spatc Dios. 'Ix b'uchwj pax 'a sb'i Dios cha, yet' 'a yatut Dios. 'Ix b'uchwj pax 'a eb' 'ay 'a satcha'an̈.

Ro 9:20

Palta caw matz tac' calnec 'ixta'. May junc mach tztac' sten sb'a yet' Dios. A junc lum chen, ¿tom tztac' yaln lum 'ixtc 'a jun tz'acm cha: ¿Tas yuj 'ixtc in otej? tom 'oj schic lu'um?

2 Cr 32:19

Tzlajb'tzej wal eb' sDiosal Jerusalén yet' sdiosal jun tzo'n̈ xo nacion̈, atn jun tzo'n̈ comn dios to 'anma b'ojnac yet' sc'ab'.

A Ch'an̈ Schab'il Libro Yic Yab'ixal Eb' Rey 7:2

'Ix ta'w win tztan̈wni win rey chi 'ixtc 'a win schecb' Dios cha: —Wach'xam tzjac Jehová sventnual satcha'an̈, palta ma'oj 'el'choc 'icha tzal cha, xchi. —'Oj el jun chi yet' a sat, palta man̈x 'oj a wa 'ixim, xchi Eliseo cha.