Salmos 78:13 - Chuj San Sebastian Bible

¹³ 'Ix poj snan̈l a mar yu'uj, schecn 'ec' eb' 'anma 'a yojol, syamn can 'och wan jun a chi 'icha junc muro.

Chuj San Mateo Bible

¹³ Ix spoj sb'a a' mar yuuj, ix schecanec' eb' d'a snan̈al a' chi'. Ix syamoch vaan jun a' mar chi', icha muro ix ajcan a' yuuj.

Salmos 78:13 Referans Kwoze

Ex 14:21

'Ix ya'n cot Moisés sc'ab' yet' sc'occh 'a yib'n̈ a mar, ax Jehová 'ix 'a'n cot jun niwquil 'ic' caw ow. 'Ix cot jun 'ic' chi 'a stojlal 'aj tzq'uel c'u, jun 'ac'wl xyac' jun 'ic' cha. A x'a'n spoj sb'a a mar, 'ix ya'n checljoc lum tacn̈ lum 'a snan̈l a'.

Ex 15:8

'Ix otz'j 'at ec' 'a yib'n̈ a a', yajn̈j wal cha spojn sb'a a'. 'Icha muro 'ixta 'ix 'ajcn a 'a sti b'e, 'ix 'ochcn yip a'.

Salmos 66:6

'Ix meltzj 'och a mar 'a tacn̈ lumal yu'uj, axta 'ix 'ec' eb' qui mam quichmec yet' yoc 'a yojl a'. Ca'c tzaljoc qui c'ojl yet' qui Diosal.

Josué 3:16

Span̈tzan sb'a a 'a snajtil 'el sti chon̈b' Adam, masnto 'ix c'och a ste'n sb'a 'a 'aj 'aych smuroal chon̈b' Saretán. Ax a xcan 'a yaln̈ 'ejm cha, 'ix b'eyn̈j 'at a', masnto xlajw c'och 'a a Mar Muerto. 'Ix tacj can chan̈ sb'e a cha, ya sb'a x'ec' eb' israel 'a yojl a'.

Habacuc 3:15

'Icha to ach b'ey 'a yib'n̈ a mar yet' a chej, yuj cha, til wal x'ib'x can chan̈ a niwquil mar cha.

Is 63:13

A x'i'n 'ec' eb' chon̈b' 'a yojl a mar, ma'ix n̈elmj xon eb' jac 'a yojl a'. Wach' 'ix b'ey eb' 'a yojl a', 'icha tzyac' no chej 'a lum ya'lical lum cusltac lu'um, xchi eb'.

Salmos 38:7

Til wal schiwj yich in patc yuj c'a'l yab'il, yaxn̈ej yoch 'a smasnil in niwnal.

Ex 14:22

Caw wal tacn̈ jun b'e 'aj 'ix 'e't eb' israel 'a yojl a mar, yujto chab' x'ajcn 'el a', 'icha wal muro 'ix 'aj yochcn wan a 'a sti jun b'e cha.

Ex 14:29

Ax smasnil eb' israel, caw wach' 'ix 'aj eb' yec' 'a jun b'e tacn̈ 'a yojl a mar cha, atn 'a snan̈l chab' a 'icha muro 'ix 'ajcn chan̈ 'a sti b'e cha.

Josué 3:13

Ax eb' ya'mal 'och qui ti 'a Dios 'et'jnac te scaxail strato Jehová, atn jun Dios 'ay yic lum lum tic. Cojn wal yic 'oj ste'nc 'ejm eb' yoc 'a yojl a Jordán, ax spojn sb'a snan̈l a', a a tz'eml tic, 'oj 'och wan a sb'eyi, ax span̈b'tzan sb'a a', xchi 'a eb'.

Is 63:12

Atn Jehová 'aych yipc Moisés yic xb'ey 'a yol b'e, jun x'a'n spoj sb'a a mar 'a yojltac eb' schon̈ab', sec tzb'inax 'a smasnil tiempo yuj eb'.