Salmos 76:12 - Chuj San Sebastian Bible

¹² Yujto a tz'i'n 'ec' sq'uinl eb' yajal, caw tzxiw eb' rey yic yolyib'n̈q'uinl tic 'a 'a.

Chuj San Mateo Bible

¹² Yujto a' tz'ic'anel sq'uinal eb' yajal. A' eb' rey d'a yolyib'an̈q'uinal tic, xivpax eb' d'ay.

Salmos 76:12 Referans Kwoze

Sofonías 3:6

Yuj cha, tzyaln Jehová 'ixtic: Tox xin satl jun tzo'n̈ nacion̈, tox xin mac' 'ejm lan̈chjoc storreal schon̈b' eb' 'a yib'n̈ smuroal. Cusltac xoj xwutj can yol scayeal, man̈x 'a xon 'anma tzb'eyc' ta'. A 'a jun tzo'n̈ chon̈b' cha, man̈x 'a junc 'anma xcan cajn 'a eb'.

Salmos 68:12

A eb' rey caw tz'at eb' 'elc yet' soldado, ax eb' 'ix 'ix xlaj can 'a yatut, wan spojn 'ec' eb' 'ix tas x'at to'xoc can 'ec' 'a eb' 'ajc'ojl cha,

2 Cr 32:21

Yuj cha, 'ix schecn cot Jehová jun ángel yic tzwul satnc 'el smasnil eb' soldado caw tec'an, yet' eb' 'aych yajlil yet'oc, yet' eb' scapitan̈il scamplamento sreyl Asiria. Yuj cha, caw q'uixwc'ojlal xoj x'aj smeltzj jun rey chi 'a schon̈ab'. A yic x'och 'a yol yatut sdiosal, axta xmilx cham yet' espada yuj chawn̈ eb' yunnal.

Is 24:21

A 'a yic jun c'ul cha, a Jehová a 'oj 'a'nc 'och yailal 'a yib'n̈ eb' demonio tz'ec' 'a scal 'ic', yet' 'a yib'n̈ eb' rey 'a sat lum lum tic.

Salmos 47:2

Yujto a Jehová caw niwn yel'chi, 'ay pax smay; Yajl yaj 'a yib'n̈ smasnil lum lum tic.

Salmos 2:10

A ticnec ex rey, yet' ex syajlil junjn chon̈ab', 'ojquejec 'el jun tic, wach' cab' tzeyutj e cuyn jun tzo'n̈ 'oj wal tic.

Salmos 2:5

Tzcotn̈j yowl 'a eb', tzlaj xib'tx eb' yu'uj. Yet' wal yowl sc'ojl cha, ax yaln 'a eb' 'ixtic:

Apoc 6:15

Ax eb' rey 'a yolyib'n̈q'uinal, 'ix laj sc'ub'c 'el sb'a eb' 'a yol niwc n̈aq'ue'en, yet' 'a scal q'uen 'a tzalctac. 'Ixta xyutj pax sb'a jantcn̈ej eb' niwc winac, eb' rico, eb' yajal yet' eb' 'ay yel'chi. Eb' moso man̈ yico'oc sb'a, toxn̈ej eb' mun yic sb'a, c'uxn xlaj 'at eb' 'elc smasnil.

Salmos 68:35

Caw satjub'tac yilx yaj Dios 'a yol scajnub'. A qui Diosalec an̈ israel on̈ec tic, tzyac' qui jelnalec yet' quip. ¡Alx cab' wach' paxti 'a qui Diosalec!

Josué 5:1

Ax smasnil eb' sreyl eb' amorreo cajn 'a junx sc'axpil 'ec' sti a Jordán, 'a stojlal 'aj tz'em c'u, yet' pax eb' sreyl eb' cananeo cajn 'a sla'nil sti a Mar Mediterráneo, 'ix yab' eb' yab'xil, to tacjnac chan̈ a Jordán yuj Jehová yic ye't chon̈b' Israel 'a yojl a'. Yuj cha, caw wal xiw chan̈ eb', may xon junc eb' ste'wtzej sb'a sjaw yac' owl yet' eb' israel.

Lv 23:38

Chuc pax yaj sc'ul 'iljelal 'aj tz'ijx chan̈ in b'i an Jehová in, a pax ta smoj eya'n tas tze siyj 'ayin. Ata tzeyac' pax tas ta'wb'il eyu'uj, mto e xajmb'al ton̈j tz'el 'a e c'ojl eya'n 'ayn an Jehová in.)

Salmos 50:14

A 'e xajmb'al tzin nib'ej, atn alj wach' paxti 'ayin. 'A'c 'el'choc e ti tzeyac' 'ayn an Dios in tic, to caw niwn wel'chi.