Salmos 75:8 - Chuj San Sebastian Bible

⁸ Yujto a Jehová caw wal 'ay yowl sc'ojol, lajn 'icha junc vaso b'ut'n yet' yal uva to jawnacx sti'. A wal yic 'oj ya'n cot yowl sc'ojl chi 'a yib'n̈ smasnil eb' maysch'olnil sb'eyb'al 'a sat lum lum tic, c'uxn 'oj jawc 'a yib'n̈ eb' smasnil.

Chuj San Mateo Bible

⁸ A yoval sc'ol Jehová, lajan yed' vino te paj ayem d'a yol junoc vaso. Ayic ol secanemta d'a yib'an̈ masanil eb' sc'ulan chucal d'a sat luum tic, ichato ol yuc'b'at eb' smasanil.

Salmos 75:8 Referans Kwoze

Job 21:20

A eb' maysch'olnil snab'en, smoj wal schan eb' syailal yuj yowl sc'ojl jun Dios tztac' yuj smasnil.

Jeremías 25:15

A Jehová qui Diosalec an̈ israel on̈c tic, a 'ix aln 'ayn 'ixtic: Yaj jun vaso b'ut'n yet' yal uva, tzyal 'el'chi atn yowl in c'ojol. Cha'aj, tzlajw cha, ax a'n yuc' smasnil nacion̈ 'aj 'oj ach in checb'ti.

Salmos 11:6

'Oj ya' cot c'ac' 'a yib'n̈ eb' maysch'olnil cha. 'Oj cot azufre 'a yib'n̈ eb' 'icha wal yem yaxn̈ab', 'ixta wal 'oj 'emoc. Ax ya'n cot pax jun niwquil 'ic' yic tztacj 'el smasnil tas yu'uj. 'Ixta 'oj yutc ya'n spac tas tzb'o eb'.

Apoc 16:19

A jun niwquil chon̈ab', 'oxe x'eli. Ax smasnil chon̈b' 'a yolyib'n̈q'uinal, c'uxn xlaj lan̈chj 'ejmi. Ax Dios, 'ix snan cot stul jun niwquil chon̈b' tzcuch Babilonia. 'Ix ya'n 'at junx niwn yailal 'a yib'n̈ eb' yuj yowl sc'ojol. 'Icha to xyac' yuc' junjn eb' jun yal uva jawnc sti'.

Jeremías 25:17

Yuj cha, xin chan 'ec' jun vaso chi 'a yol sc'ab' Jehová, 'ix wa'n yuc' smasnil eb' nacion̈ tas 'ay 'ejm 'a yojol, atn jun tzo'n̈ nacion̈ 'aj in checx 'at yu'uj.

Is 5:22

'Oltac wal eb' cob' jeln yu'n 'an̈, to caw 'ay snab'en eb' yalni. Yuj cha, tzlaj cob' ya'nc eb' scalc sb'a te 'an̈ cha.

Salmos 60:3

An̈ a chon̈b' on̈ tic on̈, 'ix ac' quil niwc yailal, 'icha to 'ix ac' cuc' jun yal uva tzcot 'a qui jolm yu'uj.

Is 51:22

A Jehová Cajlil qui Diosalec, qui colmalec a tzaln 'ixtic: 'Oj wi'x 'ec' yechl yowl in c'ojl 'a yol e c'ab', atn jun 'icha to tzex 'och 'u'm 'an̈l yu'uj, man̈x b'a'n̈ 'oj eyab' syal yu'uj.

Is 51:17

Pitzc 'el 'a e sat ex 'aj Jerusalén, 'ijec pax chan̈ e b'a. A ticnec, tox 'ix 'ec' yowl sc'ojl Jehová 'a eyib'an̈. A eyailal 'ix 'eq'ui, 'icha tz'aj sat sc'ojl eb' 'u'm 'an̈ yuj yan̈ cha, 'ixta ex 'aj yuj eyailal tic.

Salmos 73:10

Yuj cha, ax yoch tza'n eb' 'anma yuj eb', ax schan eb' 'anma chi yab' tas 'oj laj yal eb'.

A Ch'an̈ B'ab'el Libro Samuel 2:7

Mamin Jehová tzac' meb'a'il, tza'n pax ricoal. 'Ay mach tzej 'ejmi, 'ay pax mach tzej cha'an̈.

Ez 23:34

'Oj oc' smasnil tas 'ay 'a yojl jun vaso cha. A yic 'oj lajwc o'n sb'al cha, ax a ma'n pojoc, ax a c'uchn lajwc em.