Salmos 75:7 - Chuj San Sebastian Bible

⁷ palta a Dios atn Juez. 'Ay eb' tzyij 'ejmi, 'ay pax eb' tzyij cha'an̈.

Chuj San Mateo Bible

⁷ Palta aton Dios sch'olb'itan tas caji. Ay mach syiq'uemi. Ay mach syic'chaan̈.

Salmos 75:7 Referans Kwoze

Lc 1:52

Xyi'n can 'el eb' yajl 'a yopiso, ax eb' 'emmquilal yeq'ui, a eb' 'ix yij cha'an̈.

Salmos 147:6

A tz'i'n chan̈ eb' 'anma 'emmquilal yeq'ui, a pax tz'i'n can 'ejm eb' maysch'olnil snab'en.

Salmos 50:6

Ax satcha'an̈ a 'oj ch'oxnoc 'eli, to a Dios atn Juez, caw tojl tzyutj sb'eyc'ojlwi.

Jn 15:16

Ax tic, man̈oc ex in e sic' 'elta. Palta to an ex in sic' 'elta. 'Ix wa'n 'och eyopiso, ex in checn 'at satnoc. Ax jun tzo'n̈ e sat cha, 'oj can 'a jun 'ejmn̈ej. Yuj cha, jantcn̈ej tas tze c'an 'a qui Mam Dios 'a in b'i, 'oj ya'n̈j 'ayex.

A Ch'an̈ Schab'l Libro Samuel 6:21

'Ix ta'w David 'ixtic: —Yeltoni, in b'atj cha'an̈ palta atn 'a yojltac Jehová, yujto a in si'n 'och syajlilc chon̈b' sjelc a mam, yet' pax sjelc smasnil eb' ecan. Yuj cha, 'oj in b'atjn̈ej chan̈ yuj tzaljc'ojlal 'a yojltac Jehová.

A Ch'an̈ B'ab'el Libro Samuel 16:1

'Ix yaln Jehová 'a Samuel 'ixtic: —¿B'a'n̈to 'oj och wan oc' yuj Saúl? Man̈xtzac in nib'j to an̈ja 'aych win reyl 'a chon̈b' Israel. A ticnec 'ac' b'ut'joc no sch'ac calnelu yet' aceite. Tzlajw cha, tzach 'at 'a yatut win Isaí win 'aj Belén, yujto a 'a scal eb' yunnal, ata 'ay jun xin sic' 'elt 'oj 'ochx can reyl sjelc winac, xchi.

Salmos 58:11

'Ixta to b'i'an ax yalx 'ixtic: Caw wal wach' yic eb' te'n xyutj sb'a sb'on tojlal. Caw yel 'ay jun Dios tzb'eyc'ojlan yolyib'n̈q'uinl tic, 'oj schioc.

A Ch'an̈ B'ab'el Libro Samuel 15:28

Yuj cha, xyaln Samuel 'ixtc 'a winac: —'Icha wal 'ix otj a jatn 'el sti in potl tic, 'ixta 'oj yutc Jehová ach yi'n 'el reyl 'a qui chon̈ab'. Ax ya'n can pax opiso chi 'a yol sc'ab' junc xo et chon̈ab', junc yel xo wach' 'a eb'an̈.

A Ch'an̈ B'ab'el Libro Samuel 15:23

A tenmtaquil, lajn smul-l yet' eb' tztac' snan 'el junc paxti'; ax pital, lajn wal smul-l 'icha eb' tz'em n̈ojn 'a junc yechel. Yujto xa patquilj can 'el tas xyal Jehová, yuj cha, ach spatquilncan 'eli, ach yi'n 'el 'a reyal, xchi Samuel.

Gl 1:15

Palta yictax mantzac in 'alji, sic'b'iln xon 'el yuj Dios. Yuj wal swach'c'ojlal, yawtjnacn 'och yico'oc. Ax yic 'ix jaw stiempoal 'icha tznib'ej,

Dn 2:37

Ach tic mamin rey, sat aj 'a smasnil eb' rey, yujto a Dios 'aj satcha'an̈, a ach 'a'n 'och reyal. Xya'n a jelnal, xya'n pax ep, yuj cha, caw niwn el'chi.

A Ch'an̈ Schab'l Libro Samuel 5:2

Wach'xam a Saúl 'ochnc qui reyloc, palta ach wal a'jnac ep on̈ a jucb'tzan 'a yic on̈ 'e'c 'a owal; a pax Jehová aljnac 'ayach, chajtlto ach 'oj on̈ e'c b'eyoc, ax a'n pax yajlil 'a quib'n̈ an̈ israel on̈ tic, xchi eb'.

Ro 11:15

A eb' israel cha, patcab'il can 'el eb' yuj Dios jun tiempoal. Yuj wal cha, smasnil jun tzo'n̈ xo 'anma', tztac' junc'ojlal tz'aj eb' yet' Dios. Ax 'a yic 'oj chaxoc pax 'och eb' israel chi jun 'ejm xo, man̈ jantcoc am wal swach'l 'oj scha eb' 'anma smasnil. 'Icha to 'oj pitzwc pax eb' 'a scal eb' chamnac, yujto caw niwn swach'l 'oj scha eb'.

Dn 5:18

Mamin rey, a jun Dios cojxn niwn yel'chi, a x'a'n 'och yopiso a mam 'ichm Nabucodonosor, sec niwn yel'ch yet' sjelnal, yic tzb'inaxi.