Salmos 74:3 - Chuj San Sebastian Bible

³ Cotan̈, wul 'ilt jun tzo'n̈ xjuw can 'el 'a jun 'ejmn̈ej tic; a eb' 'ajc'ojl 'ix ma'n can juwc smasnil tas 'ay 'a yol a cajnub'.

Chuj San Mateo Bible

³ Cotan̈, tzul ilan tas ix aj yixtaxb'at a chon̈ab' tic d'a juneln̈ej yuj eb' ajc'ool. Ul il tas ix aj yixtaxb'at a cajnub' yuj eb'.

Salmos 74:3 Referans Kwoze

Dn 9:17

Ach qui Diosal, maclj wal ab' in lesal, yic tzin tew 'aych an a checb' in tic. Caw wal b'inab'ilch Mamin, ch'ox a wach'c'ojlal 'a yib'n̈ a cajnub' mac'b'il 'ejm lan̈chjoc.

Lm 1:10

A eb' 'ajc'ojl yajch 'a Jerusalén, tox 'ix yij 'ec' eb' smasnil sricoal jun chon̈b' tic. 'Ix yiln pax eb' 'anma yoch eb' 'ajc'ojl chi 'a yol scajnub' Dios, atn jun tzo'n̈ 'anma yaljnac Dios to matz tac' yochi.

Salmos 79:1

Ach qui Diosal on̈, 'ix wul stoc'c' eb' chuc chon̈b'al lum a lum tic. 'Ix yixtj 'el eb' atut, xlajw cha, sma'n can juwc eb' chon̈b' Jerusalén.

Lc 21:24

Nan̈l eb' 'oj milxc cham yuj owl cha. Nan̈l xo eb' 'oj 'atcn 'a 'icha presoal, ax spojx can 'ec' eb' 'a junjn chon̈ab'. A eb' man̈ israeloc cha, caw 'oj 'ixtxoc can 'el Jerusalén tic yuj eb'. 'Ixta 'oj 'ajoc, masnto 'oj lajwc jun tiempoal 'aj tzyac' eb' yajlil 'icha yaj snan Dios.

Mr 11:17

'Ix cuywj 'a eb', 'ix yaln 'ixtic: —Yaljnac can Dios 'ixtc 'a Ch'an̈ U'un̈: 'Oj alxoc yuj watut to yatutal lesl yaj yuj smasnil chon̈ab', xchi. Palta ax tic, 'icha junc n̈aq'uen 'aj tzc'ub'j 'el sb'a eb' 'elc'um, 'ixta tzeyutej, xchi 'a eb'.

Miqueas 3:12

Smulyujoc eb', ax slajw 'ejm Jerusalén, atn jun chon̈b' yic tzaln Sión, 'icha wal t'ocb'il lum 'oj 'ajcni. Jun b'uln̈ 'oj 'ajcn 'ejmi, ax lum tzaln 'aj 'ay yatut Dios, waymtac 'oj 'ajcni.

Miqueas 1:3

'Oj 'eltoc Jehová 'a yol yet'l 'aj cajn 'eq'ui, ax sb'ey cot 'a sjolm eb' lum witz.

Dn 11:31

Ax eb' soldado cha, caw 'oj yixtc 'el eb' jun scajnub' Dios, yet' jun tzo'n̈ cuartel jun yaj yet'oc. 'Oj yi'ch wan eb' yajx jun tzo'n̈ xajmb'al tz'ajx 'a junjn c'u. Ax tas yajb'il yuj Dios, a 'oj ya'ch eb' 'a yol scajnub' Dios cha, sec tzjuw 'el yu'uj.

Dn 9:27

A jun yajl cha, caw niwnto eb' 'anma 'oj yac' pural ya'n strato yet' 'a junc xo seman, palta yic wal spacl yaj jun seman cha, ax smacn 'och wan yajx xajmb'al yet' jun tzo'n̈ ofrenda tz'ajx xoni. Ax jun yajl tz'ixtn 'el jun tzo'n̈ cha, a jun tzo'n̈ tas yajb'il el yuj Dios 'oj yac' q'ue 'a schon yatut Dios cha, 'ayc'n̈ej ta masnto 'oj ya' cot Dios tas nab'il yuj 'a yib'n̈ jun yajl cha, xchi Gabriel chi 'ayin, xchi Daniel.

Jeremías 52:13

A win xwul n̈usnc yatut Dios yet' sdespacho eb' rey, yet' yatut eb' niwc winc 'a Jerusalén cha.

Is 61:4

'Oj scha b'oc pax chan̈ eb' jun tzo'n̈ schon̈b' satnc can 'ejmi, ax sb'on eb' sjel jun tzo'n̈ n̈a lan̈chjnac can 'ejm 'a yic pecti cha.

Is 25:10

A Jehová, a 'oj tan̈wnoc lum tzaln Sión, ya' sb'a ax chon̈b' Moab, wan ste'x can 'ejm 'icha tz'aj ste'x 'at te 'ac 'a scal stza no noc' 'a yol junc jul.

Is 10:6

A win tzin checb't mu'c 'a junc nacion̈ may wel'ch 'a sat, atn 'a eb' chon̈b' tzuntzj cot wowal, tzya'n owl yet' junc nacion̈ cha, tzyi'n can 'ec' tas 'ay 'a eb' 'anma', tzte'n can 'ejm junc nacion̈ chi 'icha ste'x can 'ejm lum b'i'ch 'a yol caye.

Salmos 44:26

Cotn̈ colwjoc quet' muc'uc. Yuj a niwn chamc'ojlal, cotn̈ colwjoc 'ayn̈ on̈.

Salmos 44:23

Mamin, ¿tas wal yuj 'icha to wayn̈c ach? 'Ilt on̈ coti, man̈ on̈ a patquil can 'el 'a jun 'ejmn̈ej on̈.

Nehemías 2:13

On̈ 'elt 'a spuertail pan̈n 'a'lic, on̈ 'ec' 'a stojlal a pac'b'a tzcuch Dragón, on̈ 'ec' pax 'a spuertail 'aj tz'at can c'alem. X'ec' in maclnoc wil smuroal Jerusalén mac'b'il 'ejm lan̈chjoc, yet' spuertail tz'anac.

Nehemías 2:3

xwaln 'a win 'ixtic: —'Aychn̈ej cab' 'ec' 'a smasnil tiempo mamin rey. Cusltac yilx in sat, yujto tzin cus yuj in chon̈b' 'aj mucn eb' in mam wicham, caw juwnac, tz'anc pax spuertail? xin chi.

Nehemías 1:3

Xyaln eb' 'ayn 'ixtic: A eb' quit chon̈b' cha, 'ayc' eb' ticnec 'a Judá, caw cusltac yaj eb', q'uixweltac yilx 'och eb'. Ax pax yuj Jerusalén, mac'b'il 'ejm lan̈chjoc smuroal, tz'anc pax spuertail, xchi eb' 'ayin.

Josué 10:24

A yic xjaw eb' 'a yojltac Josué, 'ix yawtn cot smasnil eb' soldado cha, 'ix yaln 'a eb' syajlil eb' chi 'ixtic: —Nitzc cot e b'a, tze yetz'tan e te'n sjaj jun tzo'n̈ rey tic, xchi 'a eb'. 'Ix cot eb' muc'uc, 'ix yetz'tan eb' stec' sjaj ewin rey cha.

Apoc 11:2

Ax yamq'uil sti', man̈ echtoc. Yujto a jun cha, 'ac'b'ilx 'a eb' man̈ israeloc. A eb' cha, 42 'ujl 'oj stec' 'ejm eb' jun chon̈b' yic Dios cha.

A Ch'an̈ Schab'il Libro Yic Yab'ixal Eb' Rey 25:9

'Ix ya'n n̈usxoc can yatut Dios yet' sdespacho win rey yet' smasnil yatut eb' 'aj Jerusalén, yet' pax smasnil yatut eb' niwc winac.