Salmos 74:1 - Chuj San Sebastian Bible

¹ Ach qui Diosal on̈, ¿tas yuj on̈ actj can qui ch'ocj 'a jun 'ejmn̈ej? ¿Tas yuj caw tzn̈ilchj chan̈ yowl a c'ojl 'a yib'n̈ jun a chon̈b' tic?

Chuj San Mateo Bible

¹ Ach co Diosal, ¿tas val yuj ix on̈ actejcan d'a juneln̈ej? ¿Tas yuj ix te cot yoval a c'ool d'a quib'an̈ a on̈ a chon̈ab' on̈ tic?

Salmos 74:1 Referans Kwoze

Dt 29:20

A Jehová man̈x 'oj yac' niwnc'ojlal, palta tojl xoj ya'n cot yowl sc'ojl 'a yib'n̈ jun 'anma cha. A smasnil yowl sc'ojl Dios alb'il can 'a yojl ch'an̈ un̈ tic, a 'oj jawc 'a yib'an̈, ax satn 'el yin̈tl jun 'anma chi 'a sat lum lum cha.

Salmos 100:3

Tzcojcanec 'eli to a Jehová Dios toni; a b'ojnacn̈ec, yuj cha, to yic on̈ec; schon̈b' cajec, 'icha to scalnelu on̈ec, yuj cha, tan̈b'iln̈ec yu'uj.

Salmos 79:13

Toto tza b'o 'ixta', an̈ xo a chon̈b' on̈ tic, 'icha to a calnelu caji. 'Oj caln̈j qui wach' paxti 'ayach, ax qui b'itnan b'it 'aych 'a smasnil tiempo.

Salmos 95:7

Qui Diosalec yaji, an̈ec xo tic schon̈b' on̈ec. Yuj cha, 'icha to scalnelu cajec, tan̈b'iln̈ec yu'uj. Tzyal Dios 'ixtic: A ticnec toto tzeyab' tas tzwala,

Salmos 44:9

On̈ a patquilj can 'eli, on̈ 'a'cn 'at 'a scal q'uixwc'ojlal. Man̈x 'ic ach colwj yet' eb' qui soldado on̈.

Lc 12:32

Ax tic, 'icha in calnelu, 'ixta 'ex, man̈ ex xiwoc. Jaywn̈n̈ej ex toni, palta a qui Mam Dios tzex 'i'n 'och 'a yol sc'ab', yujto 'ixta x'el 'a sc'ojol.

Ez 34:31

A eb' in chon̈b' tic, eb' 'icha 'in calnelu yaji, tan̈b'il eb' wu'uj, wach' 'aj tzwac' wa eb', yujto sDiosal in eb'. An Jehová Yajl in, an tzwala, xchi Dios.

Jeremías 31:37

An Jehová in, an tzwala to may b'a'n̈ 'oj 'echtaxc satcha'an̈. May b'a'n̈ 'oj 'ojcaxc 'el yich lum lum tic. An̈jtona chon̈b' Israel tic, may b'a'n̈ 'oj in patquilc can 'el eb' yuj tas tzb'o'o. An Jehová in, an tzwala, 'icha satcha'an̈ may b'a'n̈ tztac' yechtaxi mto 'icha xab'l yich lum lu'um, may b'a'n̈ 'oj 'ojcaxc 'eli, 'ixta waj yet' chon̈b' Israel tic, may b'a'n̈ 'oj in patquilc can 'el eb' yuj tas tzb'o'o.

Jeremías 23:1

A Jehová tzaln 'ixtic: Ex yilmal in chon̈ab', caw lajn ex 'icha eb' 'ilm calnelu to tzmiln cham e no', tzsactzic can 'at pax e no yuj eb', xchi Dios.

Salmos 79:5

Mamin Jehová, ¿b'a'n̈ to wal tz'ec' yowl a c'ojl 'a quib'n̈ on̈? ¿Tom an̈ja caw c'ac' a c'ojl 'a quib'n̈ 'icha te c'ac' an̈ja chac sc'aq'uil?

Salmos 77:7

¿Toc am wal an̈ja 'ayt cot yowl sc'ojl Jehová 'ayn̈ on̈? ¿Tom wal man̈x b'a'n̈ tzon̈ snib'j yet' swach'c'ojlal on̈?

Salmos 42:11

¿Tas wal yuj tzjaw in chab'c'ojlal? ¿Tas yuj tzsomchj chan̈ in nab'en? Ach in Diosal tzach wa'ch yipc in c'ojol, a 'aych 'oj wal wach' paxti'. In Colmal aji, in Diosal ach paxi.

Ez 34:8

An Jehová Yajl in, an tzwal 'ixtic: Eyu'uj lajn x'aj eb' in chon̈b' 'icha tzya' no calnelu tz'elc'x 'ati, ax no calte'al noc' tzlaj chinc no', yujto man̈x nanoc no yuj yilmal, mun xoj tztan̈wj sb'a eb' yilmal no chi sch'ocoj.

Salmos 78:1

Ex wit chon̈ab', macljec eyab' in cuynb'il, 'a'c wal 'och e chicn 'a tas tzwala.

Salmos 60:10

Ach qui Diosal on̈, 'in to on̈ a patquilj can 'eli; yuj cha, man̈xtoc ach colwj yet' eb' qui soldado on̈.

Salmos 60:1

Ach qui Diosal on̈, yet' wal yowl a c'ojol on̈ actn cani, on̈ a'n 'ajxc ganar. Ax ticnec 'a'x quip jun 'ejm xo on̈.

Salmos 42:9

Tzwaln wal 'ixtc 'ayach: Ach in Diosal, in Colmal ach, ¿tas yuj in 'atcn 'a satc'ojlal o'oj? ¿Tas wal yuj cusc'ojlaln̈ej wec' yuj eb' 'ajc'ojl yajch 'ayin? xin chi 'ayach.

Salmos 18:8

'Icha to 'ix 'elt tab' 'a yol a n̈i', ax 'a yol a ti 'ix 'elt c'ac' yic tza satn 'el smasnil tas. 'Ix 'elt jupljoc stzac'ac' 'a yol a ti cha.

Salmos 10:1

Mamin Jehová, ¿tas wal yuj najt tzej can 'el a b'a? ¿Tas yuj tza c'ub'j 'el a b'a yic stiempoal 'ay yailal?

Ex 32:11

Xlajw cha, syamn 'och Moisés sc'ann niwnc'ojlal 'a Dios yuj eb' chon̈b' cha, xyaln 'a Jehová 'ixtic: —Mamin Jehová, ¿tas wal yuj tzcot yowl a c'ojl 'a yib'n̈ eb' a chon̈b' tic, palta 'in to ach 'ix ej 'elt eb' 'a Egipto yet' 'a poder?

A Ch'an̈ Schab'il Libro Yic Yab'ixal Eb' Rey 21:14

Ax jaywn̈ xo eb' in chon̈b' tic, 'oj wactc can eb', ax wa'n can 'och eb' 'a yol sc'ab' eb' 'ajc'ojl yajch 'a 'a, sec wach' 'oj 'ijxoc can 'ec' smasnil tas 'ay 'a eb'.

Salmos 50:1

A Dios Cojxni, atn Jehová, a xpaxtini yic xyawtn eb' 'anma cajn 'a sat lum lum tic; eb' 'ay 'a stojlal 'aj tzq'uel c'u, yet' eb' 'ay 'a stojlal 'aj tz'em c'u.

Salmos 77:8

¿Tom wal 'ix lajw c'och schamc'ojlal 'ayon̈? ¿Tom 'ix lajw can c'och 'aj ya'jnac sti 'a jun 'ejmn̈ej?

Salmos 80:5

A qui cusc'ojlal on̈ yet' yal qui sat on̈, a 'ix ac' qui b'ut'jub'oc on̈.

Salmos 85:6

¿Man̈x am tzac' jacx qui tzatzl on̈, sec wach' tzon̈ tzalj pax et' on̈?

Is 64:8

Mamin Jehová, ach tic qui Mam aj on̈; an̈ xo tic on̈, lum on̈n̈ej, ach tz'acjnacn̈ yet' lum lu'um, caw ach b'ojnacn̈ on̈.

Lm 5:22

Palta ach tic, jun 'ejmn̈ej on̈ a patquilj 'el on̈, yel xo xcot yowl a c'ojl 'a quib'n̈ on̈.