Salmos 73:6 - Chuj San Sebastian Bible

⁶ A sb'an̈quintacl eb' cha, checl yilx 'a eb' 'icha junc ton̈; ax maysch'olnil tzlaj sb'o eb', checl 'a eb' 'icha junc pichl 'aych yuj eb'.

Chuj San Mateo Bible

⁶ Yuj chi' te vach' syutej eb' sb'oan sb'a yuj sch'oxanel yac'umtaquil yed' pax yixtan anima.

Salmos 73:6 Referans Kwoze

Salmos 109:18

B'ut'j cab' 'och maysch'olnil chi 'a 'a, 'icha cab' spichl tz'ajchi; 'icha xoj cab' a tz'aj yol sc'ojol, 'icha cab' aceite xoj tz'aj yol sb'aquil.

A Sb'ab'el Carta San Pedro 5:5

Ex quelmtac, ex cob'stac, yiclum tzeyutj e b'a 'a eb' anciano. Ax xo e masnil, 'emmquilal tzlaj eyutc pax e b'a 'ayx junjn ex. Yujto tzyal 'ixtc 'a Ch'an̈ U'un̈: A Dios, tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb', xchi.

Dn 4:30

'Ix yaln win 'ixtic: ¡'Iltec wal yilx niwquil chon̈b' Babilonia tic! An xin b'o yet' in jelnal, yet' wip xin b'oni, yic tzwa'n yajlil 'a 'a, sec a tzch'oxn 'eli, chajtlto caw niwn wel'chi, xchi winac.

Pr 1:9

Yuj jun tzo'n̈ nab'en tic, ax sb'o a b'eyb'al, 'icha wal tz'aj sb'o yilx eb' 'ix 'ix yuj q'uen ton̈, mto yuj junc corona.

Jueces 8:26

Ax yic x'echtax q'uen oro xyac' eb' cha, 'ay 38 libra yalil. Chuc yaj pax jun tzo'n̈ xo q'uen q'uen wach' yilxi, yet' jun tzo'n̈ te pichl púrpura yic sreyl eb' madianita cha, yet' jun tzo'n̈ xo tas 'aych yelwnub'loc sjaj no scameyo eb'.

Miqueas 3:5

Ax Jehová 'ix yaln 'ayn 'ixtic: A eb' in chon̈b' tic, caw 'aych eb' 'a yol jun b'e man̈ tojloc. Smulyujoc eb' tzyalch sb'a in checb'oc, tz'ixtx paxti eb' in chon̈ab'. Tzcob' yal eb' 'a eb' in chon̈b' tic, to 'ay junc'ojlal 'a eb' tz'a'n tas wach' tzc'ux eb'. Ax eb' matz 'a'n tas tzc'ux eb' cha, tzyac' eb' owl yet' eb'. Yuj cha, tzwaln yuj jun tzo'n̈ checb' chi 'ixtic:

Ez 16:11

Caw wach' xwutj in b'oni, xwa'ch jun tzo'n̈ q'uen brazalete 'a sc'ab', xwa'n 'och q'uen ton̈ 'a sjaj.

Jeremías 48:29

Wojc wal sb'an̈jb'al eb' 'aj Moab. Caw ch'an eb', niwc winc tzyutj sb'a eb'. Yel xo tzyij chan̈ sb'a eb'.

Jeremías 48:11

Junc'ojlaln̈ej yaj Moab, may 'aj x'ijx 'at 'icha presoal. 'Icha yal uva tz'ajx can 'ejm 'a yol junc yet'ul, matz jelx 'a yet'ul, yuj cha, may tz'aj sb'o sjab', an̈jan̈ej yaji, 'ixta wal yaj Moab.

Cantares 4:9

Ach cob's 'ix 'oj och wistloc, 'ix montchj wal in nab'en o'oj; jun 'ejm wal xa mutz' jun yol a sat 'ayin, xwiln pax 'och jun ch'an̈l a ton̈ locn 'och 'a a jaj, cojn wal cha, in montchj oj muc'uc.

Ec 8:11

Yujto man̈ toc yajn̈ej tz'ajx 'och yailal 'a yib'n̈ eb' maysch'olnil, yuj cha cojxn maysch'olnil chi tzna eb'.

Pr 4:17

Caw tznib'jn̈ej eb' sb'o maysch'olnil 'a yit 'anma'il, 'icha qui nib'n wa qui b'a.

Pr 3:31

Man̈ a nib'c 'och ricoal 'icha tzyutj sb'a eb' matz 'o'ch sc'ojl 'a yit 'anma'il, man̈ ach 'och tza'n 'a sb'eyb'al eb' cha.

Salmos 109:29

A eb' 'ajc'ojl cha, q'uixw cab' 'el eb'. 'Och cab' potn jun q'uixwelal chi 'a eb' 'icha junc nip.

Ester 3:1

'Ix ec' jun tiempoal, 'ix ya'n 'och win rey yopiso win Amán yunnal Hamedata yin̈tl can Agag. A Amán cha, 'ix 'ajx 'och sat yajlil 'a yib'n̈ jun tzo'n̈ xo eb' yajl yaj 'a jun nacion̈ cha.

Dt 32:15

Palta ax yic 'oj e b'a'chb'i ax Jesurún ex tic, 'oj pitb'oc 'el e nab'en 'a Dios, atn jun on̈ b'onec. 'Oj e patquilc can 'el jun qui Colmal cha.

Gn 41:42

Xlajw cha, xyi'n 'el win rey jun scolc'ab' 'aych seyoal 'a sc'ab', xya'n 'och 'a sc'ab' José. Xya'n win 'ajxoc 'och spichl to lino wach' yilxi, xya'n pax 'och win jun cadena nab'a oro 'a sjaj winac.