Salmos 73:18 - Chuj San Sebastian Bible

¹⁸ 'Ix a'cn 'och lin̈n eb' 'a 'ajtil caw n̈el-li, xa'n can 'at eb' 'a 'ajtil 'oj juwc 'eli.

Chuj San Mateo Bible

¹⁸ Toxo ix aq'uem lin̈an eb' d'a yax n̈elec'tac yic stelvi eb'. Tzecancanb'at eb' b'aj ol ixtaxoc.

Salmos 73:18 Referans Kwoze

Salmos 35:6

Q'uic'q'uinl cab'i', n̈el-li cab' sb'e eb' 'aj tzb'eyi, ax cab' jun sat ángel chi tzpechn b'eyc'oc eb'.

Jeremías 23:12

Yuj cha, an Jehová in, an tzwala to caw q'uic'q'uinl 'oj 'aj sb'e eb', caw n̈elmtac 'oj 'ajoc. 'Oj tenxoc 'at eb', ax stelw eb'. A yic 'oj c'och stiempoal in b'eyc'ojlan eb', 'oj wa' cot yailal yel xo tu 'a yib'n̈ eb'.

Dt 32:35

An 'ay waln wic wa'n 'och syailal eb', an 'oj wac' spac 'a eb', 'icha smoj schan eb'. 'Ay jun c'ual 'oj lajwc 'el eb', caw la'nxo yaj sc'ual yic 'oj lajwc 'el eb'. ¡Caw jab'xoj sc'och yorail schan eb' spac! xchi Dios.

Salmos 94:23

Mamin Jehová, ach wal 'oj 'ac' meltzjoc 'och smul eb' chi 'a 'a, ax slajw 'el eb' o'oj. Ach qui Diosal on̈, ach 'oj a satl eb'.

Salmos 55:23

Ach in Diosal, a eb' milm cham 'anma', yet' eb' 'a'm 'es, caw may sq'uinl eb', ma'oj nan̈lb'oc sq'uinl eb' yilni. Ach 'oj a'cn 'ejm eb' 'a yich sjul-l eb' chamnac, palta an xo tic, ach tzach wa'ch yipc in c'ojol.

2 Ts 1:9

A eb' cha, 'oj 'atcn eb' 'a yailal 'a jun 'ejmn̈ej. 'Oj xutxoc can 'el eb' 'a stz'ey Cajlilec, sec man̈x 'oj yil eb' swach'il yet' spoder.

Salmos 92:7

Wach'xam a eb' 'ajmul 'anma', mto eb' tzb'on maysch'olnil tzq'ue wan tzicnjoc 'icha sq'uib' te c'ultac, yajn̈j cha tz'och yip eb', palta jab' wal tiempo 'ixta tz'aj eb'. Tzlajw cha, tzsatx can 'el eb' 'a jun 'ejmn̈ej.

Salmos 37:20

A eb' maysch'olnil sb'eyb'al, 'oj n̈ilchjoc sc'a'l eb' 'icha wal tacn̈ c'ultac. A eb' 'ajc'ojl yajch 'a Jehová, 'oj 'ulb'xoc 'ejm eb' 'icha tzyac' xepual calnelu, 'oj satcn 'ejm eb' 'icha tab'.

Salmos 37:24

Wach'xam tztelw 'ejm eb', palta man̈ ye'n̈joc stelw 'ejm eb' cha, yujto a Jehová a yamjnac eb'.

Salmos 92:8

Ach xo tic Mamin Jehová, smasnil tiempo caw niwn el'chi.