Salmos 73:17 - Chuj San Sebastian Bible

¹⁷ At 'a yic in c'och 'a a cajnub' ach in Diosal, 'ix nachj 'el wu'uj 'ajtil 'oj lajwc c'och eb' cha.

Chuj San Mateo Bible

¹⁷ Ato val yic ix in och d'a a cajnub', ichato chi' ix nachajel vuuj tas ol cotcan d'a yib'an̈ eb' chuc chi'.

Salmos 73:17 Referans Kwoze

Lc 12:20

Palta xyaln Dios 'ixtc 'a winac: Ach tic, caw may jac a nab'en. A 'a jun 'ac'wl tic ax a chami. Ax jantcn̈ej tas cob' molb'il o'oj, ¿machm 'oj 'ica'anoc? xchi 'a winac.

Salmos 77:13

Ach in Diosal, caw wach'n̈j a b'eyb'al. ¿Toc 'ay junc xo dios niwn yel'ch 'oj slajb'tzoc sb'a et'oc?

Salmos 27:4

Cojn jun tas xin c'an 'a Jehová, atn jun chi tzin nib'j tzin bo'o': tzin nib'j 'aynn̈ej 'ec' 'a yatut 'a smasnil tiempo ya' sb'a pitzn in. Tzwa'n 'emmquilal 'a yatut, sec 'oj in tzalj wiln 'ochi.

Salmos 119:24

Caw tzin tzalj in cuyn tas tzal tic, yujto a tz'a'n in nab'en.

Salmos 63:2

Tzin nib'j tzach wil 'a a cajnub', 'oj cham wal in c'ojl wiln a poder yet' a tzictznial.

Jeremías 5:31

Cojn 'es tzyal-l eb' tzcob' yalch sb'a in checb'oc. Ax eb' ya'mal 'och sti eb' 'anma 'ayin, tzyac' eb' yajlil 'icha tas tznib'ej. Ax jun in chon̈b' tic, wach' tzyab' 'ixta'. Palta ¿tas wal 'oj yutc sb'a eb', yic 'oj jawc jun slajb' tiempoal? xchi Dios.

Salmos 119:130

A yic tzcham wal yalx jun tzo'n̈ a paxti tic, a tz'a'n sacq'uinal, tzya'n jawc snab'en eb' 'anma 'emmquilal yeq'ui.

Job 27:8

¿Tas to junc 'aych yipc sc'ojl eb' maysch'olnil sb'eyb'al yic tzyi'n 'ec' Dios sq'uinl eb'?

Salmos 92:8

Ach xo tic Mamin Jehová, smasnil tiempo caw niwn el'chi.