Salmos 72:3 - Chuj San Sebastian Bible

³ Ya' cab' 'ejm junc'ojlal yet' tojlal 'a scal eb' 'anma'.

Chuj San Mateo Bible

³ Yuj chi', ol aj junc'olal yed' tojolal d'a scal eb' a chon̈ab' cajan d'a jolomtac vitz yed' d'a tzalquixtac.

Salmos 72:3 Referans Kwoze

Is 52:7

Til wal sja'l yilxi yic tzjaw junc win alm 'ab'x 'a eb' lum tzalctac, junc 'et'jnac wach' 'ab'ix, atn yab'xil junc'ojlal, tzyaln 'el yab'xil colnb'il yic tz'el eb' 'anma 'a libre, tzyaln 'ixtc 'a yib'n̈ eb' 'aj Sión: A 'e Diosal x'och reyal, xchi.

Jl 3:18

A 'a yic jun tiempoal cha, caw 'oj b'ut'joc 'el eb' lum jolmctac witz yuj te uva, ax eb' lum tzalctac, 'oj b'ut'joc 'el eb' lum yuj e no wacax. A wal eb' a spac'b'a 'ay 'a Judá, caw 'oj b'ey yoctc eb' a'. Ax 'a yol watut, ata 'oj pac' q'uet jun a a 'oj pucb't 'a span̈nil lum Sitim.

Dn 9:24

'Oj 'ec' 70 seman 'a yib'n eb' et israelal, yet' 'a yib'n̈ jun a chon̈b' to yicn̈ej Dios yaji, masnto 'oj lajwc 'ec' tenmtaquil yet' maysch'olnilal, ax yajx lajwc smasnil mul. Atta 'oj jawc jun tojl b'eyb'al 'a jun 'ejmn̈ej. A yic cha, 'oj 'el'choc tas 'ilb'il yuj eb' schecb' Dios 'a waychil, yet' tas alb'il can yuj eb'. 'Ixta to b'i'an, ax yajx 'och yopiso jun sic'b'il 'el yuj Dios.

Salmos 72:16

Til cab' 'ixm trigo 'ay 'a sat slu'um, 'ay cab' pax 'ixm 'a lum jolmctac witz. Q'uib' cab' 'ixm sat 'icha wal te te 'a lum Líbano, ax eb' 'ay 'a yol chon̈ab', q'uib' cab' sb'isl eb' 'icha wal te c'ultc 'ay 'a sat lum lu'um.

Salmos 65:12

Yuj cha, caw tzyaxb' sc'ultcal lum cusltac lu'um, ax lum tzalctac, caw wach' yilx tz'aj lu'um.

Is 45:8

An 'oj wa' cot tojlal 'a satcha'an̈, 'icha tz'aj scot chicb'cha'an̈, 'icha pax tz'aj scot n̈ab' 'a scal 'asun, ax lum lum tzchan yemli. Niwtj cab' colnb'il 'icha sat te 'awb'ente', ax tojlal, pojl cab' 'icha te snich te', yujto an Jehová in, an 'oj wac' 'el'choc, xchi.

Is 60:17

Yuj cha, a tas 'ay 'ayex, 'oj in jela': a q'uen bronce, a q'uen oro 'oj wac' sjeloc; ax q'uen hierro, a q'uen plata 'oj wac' sjeloc; ax te te', a q'uen bronce 'oj wac' sjeloc; ax q'uen q'ue'en, a q'uen hierro 'oj wac' sjeloc. A eb' eyajlil 'oj wac'a', 'oj yac' eb' yajlil 'a stojlal sec 'ay junc'ojlal 'a yol e chon̈ab'.