Salmos 72:2 - Chuj San Sebastian Bible

² sec tojl 'oj yutc ya'n yajlil 'a scal eb' chon̈ab', yet' 'a eb' meb'a'.

Chuj San Mateo Bible

² yic vach' d'a stojolal yed' d'a svach'ilal syac' yajalil vin̈ d'a a chon̈ab' yed' d'a eb' meb'a'.

Salmos 72:2 Referans Kwoze

Is 32:1

'Ay wal jun rey 'oj 'a'nc yajlil 'a stojlal, 'ay pax eb' yajl to caw wach' 'oj yutc ya'n yajlil.

Apoc 19:11

Ax xwilni, jacn satcha'an̈. Ata 'ayc' jun chej caw sac. Ax jun 'ay q'ue 'a yib'an̈, Yiclum sb'i, Yel pax sb'i. Yujto caw tojl tzyutj sb'eyc'ojlwi, xya'n pax owal.

Is 32:17

Yujto tzb'eylb'ax tojlal cha, yuj cha, 'ay junc'ojlal, tzaljc'ojlal, yet' wach' nab'enal 'a smasnil tiempo.

Is 9:7

A 'oj 'och sjelc rey David, 'oj can sjelc 'a yopiso cha. 'Oj yac' yajlil 'a yib'n̈ smasnil 'anma 'a junjn lugar. Yu'uj ax scann̈j yolyib'n̈q'uinl tic 'a junc'ojlal. 'Oj yic' yip yopiso cha, ax sb'eyc'ojlwi 'a stojlal, ticnec yet' 'a b'aq'uin̈. A Jehová tztac' yuj smasnil, 'oj yac' 'el'choc jun tic, yujto nab'ilx yu'uj.

Salmos 12:5

Mamin Jehová, ach tzal 'ixtic: Caw tz'ixtx eb' may jac tas tztac' yu'uj, a eb' meb'a', caw tz'el yaw eb' yab'n syail. Yuj cha, yowlal 'oj in colwj 'a eb' to tznib'n in colwal, xa chi.

Job 34:19

A Dios matz ya'ch sb'a yet' eb' yajal, yet' pax eb' rico, tom ax yet' eb' meb'a' tzya'ch sb'a, palta lajnn̈ej yel'ch eb' 'a sat, yujto a xb'on eb'.

Jeremías 33:15

A wal yic 'oj jawc jun tiempoal cha, 'oj wa'ch junc yin̈tl David reyal, a 'oj 'i'nc chan̈ tojlal yet' wach'ilal 'a jun nacion̈ tic.

A Ch'an̈ Schab'l Libro Samuel 23:3

A Jehová qui Diosalec an̈ israel on̈c tic, atn qui colmalec paxi, tox 'ix yal 'ayn 'ixtic: A mach 'ay wel'ch 'a 'a, tzya'n yajlil 'a scal 'anma 'a stojlal,

A Ch'an̈ B'ab'el Libro Yic Yab'ixal Eb' Rey 3:28

'Ix yab'n smasnil chon̈b' Israel, yuj tas 'ix yutj win rey sb'onyaj jun owl cha, yuj cha, caw wal niwn yel'ch win rey 'a sat eb', yujto 'ix 'ajx sjelnal yuj Dios, yic tzb'onyaj junc mach.

A Ch'an̈ B'ab'el Libro Yic Yab'ixal Eb' Rey 10:9

¡Alx cab' wach' paxti 'a Jehová a Diosal, yujto schaj sc'ojl ach ya'n 'och reyl 'a chon̈b' Israel tic! ¡Yujto caw 'ay schamc'ojlal Jehová 'a Israel, yuj cha, ach ya'ch reyal, yic tza'n yajlil wal 'a caw stojlal yet' 'a swach'il! xchi 'ix.

1 Cr 29:19

An̈jtona', tzac' wach' nab'enal 'a ni wunnal Salomón tic, sec wach' 'oj syiclc ni smasnil a checnb'il, a cuynb'il yet' pax a ley, ax sb'eylb'an ni smasnil, sec wach' 'oj stac' sb'on chan̈ ni jun n̈a man̈x jantcoc swach'l yilx 'ix in yamb'tzej can syamc'ab'il tic, xchi rey David 'a Dios.

Pr 29:14

A junc yajl wach' tzyutj sb'onyaj eb' meb'a', caw wach' yaj 'a yopiso chi 'a smasnil tiempo.

Ez 34:16

'Oj in sayc' eb' satnc can 'ati, ax in molb'tzan eb' sactzicnac yajcn 'at cha, 'oj wan̈tc eb' lajwnac, eb' wecchil, ax wa'n yip eb' may yip, palta 'oj in satl eb' yajl yaj 'a scal eb', atn eb' tzlaj 'ixtn eb' in chon̈ab'. Caw wach' 'oj wutc in tan̈wni eb' in chon̈b' cha.