Salmos 72:15 - Chuj San Sebastian Bible

¹⁵ Pitzn cab'n̈ej jun rey tic. 'Ajx cab' q'uen oro yic Sabá 'a 'a. C'anx cab' stzatzl 'a Dios. 'Ajx cab' yaxilal 'a yib'an̈.

Chuj San Mateo Bible

¹⁵ Ayn̈ejocab' sq'uinal vin̈ rey chi'. Ac'jocab' q'uen oro yic Sabá d'a vin̈. C'anjocab' sq'uinal vin̈ d'a Dios. Alchajn̈ejocab' vach' lolonel d'a vin̈.

Salmos 72:15 Referans Kwoze

A Ch'an̈ B'ab'el Libro Yic Yab'ixal Eb' Rey 10:14

A q'uen oro tzchaj Salomón 'a junjn ab'il, 'ay 500 quintal q'ue'en.

Apoc 1:18

Pitzn in. Wach'xam in chami, palta pitzn in 'a jun 'ejmn̈ej ticnec. An tic, yajl waj 'a yib'n̈ chamel, yajl pax waj 'a jun lugar 'aj 'ay spixn eb' chamnac.

1 Jn 1:2

A jun 'aj q'uinl cha, checljnac 'eli. Quiljnac on̈. Yuj cha, tzca'n testigoal qui b'a yuj on̈. Tzcaln pax 'ayx on̈, to a tz'a'n qui q'uinlec 'a jun 'ejmn̈ej. A jun cha, 'ayc' xon yet' qui Mam Dios, palta wulnc 'ec' 'a qui cal on̈.

A Schab'il Carta San Pedro 3:18

Yowlal tze wach' 'ojquej 'el Cajlilec, atn Jesucristo qui Colmalec. An̈jtona', caw tze wach' chaj swach'c'ojlal 'a junjn c'u. Niwn cab' yel'ch Cajlilec ticnec, yet' 'a smasnil tiempo. Ya' cab'i'.

2 Ti 4:22

Tzin nib'j 'aych Cajlil Jesucristo et'oc. Ya' cab' Dios swach'c'ojlal 'ayx e masnil ta'. [Ya' cab'i'.]

1 Ts 3:11

Tzqui nib'j on̈, a qui Mam Dios yet' Cajlil Jesucristo, tz'och quet' on̈, sec 'oj stac' qui 'at 'ayx on̈.

A Scarta San Pablo D'a Eb' Aj Filipos 2:11

Ax yaln eb' smasnil 'ixtic: Atn Jesucristo Cajlilec, 'oj schic eb'. 'Ixta 'oj 'aj scheclj 'eli, chajtlto caw niwn yel'ch qui Mam Dios.

2 Co 13:14

Ya' cab' Cajlil Jesucristo swach'c'ojlal 'ayex, tzya'n pax Dios schamc'ojlal 'ayex. 'Aychn̈ej cab' Yespíritu Dios eyet'oc. [Ya' cab'i'.]

Is 60:6

Ax eyilni to til wal 'oj jawc eb' 'anma 'ayx yet' scameyo: 'Ay eb' 'oj cot 'a Madián. 'Ay eb' 'oj cot 'a chon̈b' Efa, 'oj jawc smasnil eb' 'aj Sabá. Caw 'al yaj eb' yet' yicatz ax sjaw eb', yet' eb' q'uen oro yet' incienso. 'Oj yaln eb' swach' paxti 'ayn an Jehová in, yujto satjub'tac yilx tas tzin b'o yil eb'.

Jn 14:19

Jab'xoj wal tiempo, 'ixta to b'i'an, man̈x b'a'n̈ 'oj in yil eb' 'anma'. Ax xo tic, 'oj in eyila'. Yujto pitzn in 'a jun 'ejmn̈ej, yuj cha, pitzn ex pax 'a jun 'ejmn̈ej jun xo.

Jn 11:25

—An tic, 'a'm in pitzwc pax chamnac, 'aj q'uinl in paxi. Tzann̈j eb' tzin 'a'n 'och 'a sc'ojol, wach'xam 'oj cham eb', palta 'oj pitzwc pax eb'.

Jn 5:23

'Ixta yutjnac in Mam ya'n wopiso an Yunnaln tic, sec wach' lajn wel'ch yet' in Mam chi 'a sat smasnil 'anma'. Toto 'ay eb' may wel'ch 'a sat, an̈jtona', may yel'ch pax in Mam 'a sat eb', yujto a checjnacn coti.

Mt 21:9

Ax eb' b'ab'el yet' eb' tzac'an, 'ix laj yalnc eb' 'ixtic: —Yuj wal dios 'a jun yin̈tl David tic. Calc wach' paxti 'a jun checb'il cot yuj Cajlilec. Ca'c yuj diosal 'a Dios 'aj satcha'an̈, xchi eb'.

Mt 6:10

'Ochn̈ yajlil 'a tic. B'o cab' 'icha tza nib'j 'a yolyib'n̈q'uinl tic, 'icha tzb'o 'a satcha'an̈.

Mt 2:11

Yajn̈j wal cha, 'ix 'och eb' 'a yol jun n̈a cha, 'ix yiln eb' jun 'unn chi yet' snun, atn María. 'Ix 'em cumn eb' 'a jun 'unn cha, 'ix ya'n 'ejm sb'a eb' 'a 'a. Xlajw cha, 'ix sjacn eb' jun tzo'n̈ scaxa 'aj 'ay 'em jun tzo'n̈ siylab'. 'Ix siyn eb' oro 'a jun 'unn cha, 'ix siyn pax eb' jun tzo'n̈ te su'q'ui sjab' tzn̈usxi, atn incienso yet' te mirra.

Salmos 72:19

Alx cab' wach' paxti 'a sb'i 'a smasnil tiempo. B'inax cab' sb'i 'a smasnil yolyib'n̈q'uinl tic. 'Ixta cab' tz'aji.

Salmos 45:4

Q'uen̈ 'a yib'n̈ a chej yet' a poder yic tza'n ganar owal yuj swach'loc paxti caw yel. Yet' wal stojlal tza b'onyaj eb' 'anma 'emmquilal yeq'ui. 'Ay cab' smay tas 'oj a b'o yet' a poder cha.

Salmos 21:4

'Ix sc'an najtxb'oc sq'uinl 'ayach, 'ix a'n jun q'uinl 'ay 'a jun 'ejmn̈ej 'a 'a.

2 Cr 9:1

A 'ix sreinail chon̈b' Sabá, xyab' 'ix yel yab'xil rey Salomón, to caw niwn yel'chi. Yuj cha, 'ix jaw 'ix 'a Jerusalén yic tzwul sc'anb'noc 'ix jun tzo'n̈ paxti caw ya snachj 'a Salomón, yic tzya'n prowal. Caw niwn eb' schecb' 'ix xjaw yet'oc, niwn no cameyo cuchjnac perjuma, niwn q'uen oro yet' eb' q'uen q'uen yel xo wach' yilxi. A yic xjaw 'ix 'a yojltac Salomón, xyaln 'ix smasnil tas nab'ilx yu'uj.

A Ch'an̈ B'ab'el Libro Yic Yab'ixal Eb' Rey 10:10

Xlajw cha, xya'n 'ix 90 quintal q'uen oro 'a win rey cha, caw niwn perjuma xyac' 'ix 'a winac, yet' pax jun tzo'n̈ q'uen q'uen caw wach' yilxi. Man̈x 'a xon jun 'ejmoc xc'och perjuma 'a Israel 'icha wal sb'isl chi siyj 'ix sreinail chon̈b' Sabá chi 'a win rey Salomón.