Salmos 72:14 - Chuj San Sebastian Bible

¹⁴ 'Oj colxc 'el eb' 'a yol sc'ab' eb' milm cham 'anma', yet' 'a eb' tu snab'en, yujto a eb' meb'a cha, caw niwn yel'ch eb' 'a sat.

Chuj San Mateo Bible

¹⁴ Ol coljoquel eb' d'a yol sc'ab' eb' ixtum anima yed' d'a yol sc'ab' eb' comonn̈ej sb'at d'a yib'an̈ eb' yetanimail, yujto nivan yelc'och sq'uinal eb' meb'a' chi' d'a yichan̈ vin̈.

Salmos 72:14 Referans Kwoze

Salmos 116:15

A yic tzcham junc mach to yic xo Dios yaji, caw wal 'ay yel'ch 'a 'a, yujto man̈ comnoc tzchaj cham eb' yic cha.

Apoc 19:2

Tojln̈ej tzyutj sb'eyc'ojlwi 'a yel. Yujto 'ix sb'eyc'ojlej jun 'ix yajl 'ajmul 'ix. Atn 'ix x'a'n juwc 'el eb' 'anma 'a yolyib'n̈q'uinl yuj yajmulal. A Dios 'ix 'a'n spac 'a jun 'ix cha, yujto 'ix milx cham eb' schecb' Dios yu'uj, xchi eb'.

Salmos 69:18

Cotn̈ 'a in tz'ey, coln 'el 'a eb' 'ajc'ojl yajch 'ayin.

A Ch'an̈ Schab'l Libro Samuel 4:9

'Ix ta'w David chi 'a eb' 'ixtic: —A yic xjaw jun winc 'ayn 'a Siclag, yic tzwul yalnc 'ayin, to a Saúl tox 'ix chami, a snani to tzin tzalj yet'oc, palta xwa'n yamxoc coti, 'ix wa'n milxoc chamoc. Atn jun spac chi xwac' 'a 'a, yuj jun 'ab'x xwul yal 'ayn cha. Yuj cha, tzwac' in ti 'a yojltac Jehová, atn jun in coln 'el 'a smasnil somc'ojlal, chajtlto e moj 'ixta wal 'oj ex wutc pax ax tic. Caw maysch'olnil tas xe b'o'o, xe mil cham jun winc to may jac smul 'a yic waync 'a sat sch'at 'a yol yatut. Yuj cha, an 'oj in pactzoc wal schamlil chi 'ayex, 'oj ex in satl 'a sat lum lum tic, xchi 'a eb'.

Apoc 17:6

Ax xwilni, caw 'u'm 'an̈ 'ix yuj schic'l eb' yic xo Dios, atn eb' milb'il chamoc, yujto xyac' eb' testigoal sb'a yuj Jesús. Xcaw sat in c'ojl wiln jun cha.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

Salmos 130:8

A 'oj qui colnec 'elt an̈ israel on̈c tic 'a yaln̈ qui mul.

Salmos 25:22

Ach qui Diosal on̈, coln̈ 'el an̈ israel on̈ tic 'a yaln̈ smasnil qui yailal.

A Ch'an̈ B'ab'el Libro Samuel 26:21

—David 'icha to wunnal ach, a ticnec tzwojquej 'eli to an 'ix 'och in mul; 'icha xoj junc 'anma may snab'en, 'ixta xwutj in b'a. Caw wal niwn 'aj xwac' sat in c'ojol. Palta meltzjan̈, man̈x 'a junc maysch'olnil 'oj in b'o 'ayach, yujto a 'a jun c'u tic, 'ix a ch'oxli to caw 'ay wel'ch 'ayach, xchi Saúl.

Gn 48:16

A jun ángel in coln 'a tas 'ay smay, yal cab' wach' paxti 'a yib'n̈ ewin quelm 'unn tic. To yujn̈ej ewinac, ax sb'inax cot in b'i b'aq'uin̈, yet' sb'i in mam 'ichm Abraham, yet' pax sb'i in mam Isaac. Niwn cab' 'oj 'aj sb'isl yunnal eb'. 'Oj yac' eb' niwtjoc 'anma 'a sat lum lu'um, xchi winac.

A Ch'an̈ Schab'l Libro Samuel 23:17

'Ix yaln 'ixtic: Mamin Jehová, ¿tom 'oj wuc' jun a tic? Toto tzwuq'uej, 'icha to a schic'l jun tzo'n̈ eb' winc tic tzwuq'uej, yujto a eb' xit' 'i'nc a a tic, 'ix yac' sb'a eb' 'a yol sc'ab' chaml yuj a', xchi. Ma'ix yal xon sc'ojl yu'n jun a a cha. A eb' 'oxwn̈ soldado caw jelan, a eb' 'ix b'on jun cha.