Salmos 72:12 - Chuj San Sebastian Bible

¹² Yujto a 'oj colnc 'el eb' meb'a 'oj yal sb'a 'a 'a, atn eb' may mach tzcoln 'a yol sc'ab' eb' tz'ixtn eb'.

Chuj San Mateo Bible

¹² Yujto a vin̈ ol colanel eb' meb'a' syal sb'a d'ay, aton eb' ayoch d'a tzapan majanil malaj mach scolani.

Salmos 72:12 Referans Kwoze

Job 29:12

Yujto an tic, in laj colwj 'a eb' meb'a 'unn chamnc smam, yet' 'a eb' may xon jac tas 'ay 'a 'a, atn eb' may xon mach tzcolni.

Salmos 102:17

'Oj a cha ab' slesl eb' may mach tzcolwj yet'oc, may mach 'oj stac' stenn 'och wan slesl eb' cha.

A Ch'an̈ Carta D'a Eb' Hebreo 7:25

Yuj cha, a mach tz'ijx 'och yico'oc Dios yu'uj, a tztac' ya'n scolnb'il eb' 'a jun 'ejmn̈ej. Yujto pitzn 'a jun 'ejmn̈ej, yic tzc'ann niwnc'ojlal 'a Dios cujec.

Ec 4:1

'Ix wa'n 'at in nab'en 'a jantc tz'aj eb' 'anma yixtx 'a yolyib'n̈q'uinl tic. 'Ix wilni to caw wal tz'oc' eb', palta may mach tz'a'n sniwnal sc'ojl eb', yujto a eb' 'ay yopiso cha, a eb' tz'ixtn eb' yit 'anmal cha.

Salmos 10:17

Ach wal tzab' slesl eb' 'emmquilal yeq'ui, tza'n ste'nal eb', tzab'n pax tas tzyal eb'.

2 Co 8:9

Yujto cojquec, a Cajlil Jesucristo, caw niwn swach'c'ojlal. Til wal sricoal 'a satcha'an̈, palta wul ya'jnac 'och sb'a meb'a'il, yuj schamc'ojlal 'ayn̈ec, 'ixta yutjnac sb'a, sec wach' yuj smeb'a'il cha, ax cochc ricoal 'a sat Dios.

Lc 4:18

A Yespíritu Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a'. Tzwul waln 'el yab'xil colnb'il 'a eb' 'icha preso yaji. Tzwul in jacn pax sat eb' matz uj yilni; ax eb' 'aych junc tas 'a yib'an̈, tzwul wi'cn 'elt eb' 'a libre.

Is 41:17

A eb' 'anma to meb'a', eb' may tas 'ay 'a 'a, tzsayc' eb' cob' a a', palta matz 'ilchj a yuj eb'. Caw tacn̈tzaynac tz'aj yac' eb' yuj tacn̈ti'al. An xo Jehová in tic, 'oj in colwjn̈ej 'a eb', ma'oj wactc can eb'.

Salmos 72:4

Wach' cab' tzyutj win rey tic sb'on yaj eb' meb'a'. A eb' 'ay tas 'ay sc'a'l tz'och yu'uj, colx cab' 'el yunnal eb' yu'uj. Ax pax eb' 'ixtm 'anma', satx cab' 'el eb' yu'uj.

Lc 7:22

Yuj cha, 'ix yaln Jesús 'a eb' schecb' Juan chi 'ixtic: —Paxn̈ec 'a Juan cha. C'uxn tzeyal 'a 'a, tastc xeyab'i, xeyil 'a tic. Tzeyaln 'a 'a, chajtlto 'ay eb' matz uj xon yilni, tzax stac' yiln eb' ticnec. A eb' coxo, tzax stac' sb'ey eb'. Ax eb' tzlaj c'a yuj lepra, tzlaj b'ox can sc'ojl eb'. 'Ay eb' chacan̈, tzax laj yab' pax eb', 'ay pax eb' chamnac, tzlaj 'ajx pitzwc pax eb'. Ax eb' meb'a', wan yalx wach' 'ab'x yic colnb'il 'a eb'.

Salmos 102:20

Ach tza b'oyaj scusc'ojlal eb' 'icha preso yaji. Tzwul a coln 'el eb' 'ayx 'och chaml 'a yib'an̈,

A Ch'an̈ B'ab'el Libro Samuel 22:2

Smasnil eb' caw tz'ixtxi, eb' 'ay sb'oc, yet' eb' 'ay schab'c'ojlal, c'uxn xc'och eb' yet'oc, ax 'ix 'och syajlilc eb'. A sb'isl eb', 'aym chan̈e'oc ciente eb'.

A Ch'an̈ Schab'l Libro Samuel 14:16

Yuj cha, mamin rey, tza na'a tas tzotj in a coln 'el 'a yol sc'ab' eb' tznib'j in satnc 'el yet' wune 'a sat lum lum xyac' Dios qui macloc tic.

Job 36:15

A 'a scal syailal junc mach, a Dios tz'a'n nachjc 'el smul yu'uj sec tzcolchj can 'el 'a syailal.

Salmos 55:17

'A sq'uin̈b'ial, 'a chimc'ual, yet' 'a yemc'ual, 'oj wal in b'a 'a 'a, ax yab'n tas 'oj wala'.

Pr 29:7

A junc yajl tojl snab'en, wach' tzyutj sb'onyaj eb' meb'a', ax pax junc maysch'olnil snab'en, toc 'ay yel'ch junc chi 'a 'a.