Salmos 71:24 - Chuj San Sebastian Bible

²⁴ 'Oj wal-l pax a tojlal 'a junjn c'u, ax eb' tznib'n b'onc tas tu 'a in patic, somchj cab' 'el eb', q'uixw cab' pax 'el eb'.

Chuj San Mateo Bible

²⁴ Ol valel a tojolal d'a masanil q'uinal. A eb' ix nib'an to ay tas ix in ic'ani, ix telvi eb', ix te q'uixvicanel eb'.

Salmos 71:24 Referans Kwoze

Salmos 71:13

A eb' 'ajc'ojl yajch 'ayin, q'uixw cab' can 'el eb', sat cab' can 'el eb'. May cab' jac yel'ch tz'ajcn eb' tznib'n b'onc tas tu 'a in patic.

1 Co 15:25

Yujto a Cristo, yowlal 'oj can Reyal, masnto 'oj can smasnil jun tzo'n̈ 'eb' 'ajc'ojl yajch 'a Cristo chi 'a yaln̈ yu'uj.

Salmos 92:11

'Oj wil tas wal 'oj 'aj eb' 'ajc'ojl chi slajw 'eli. 'Oj wab' wal yel yaw' eb' xb'on maysch'olnil cha.

Salmos 35:28

Mamin, 'oj wal-l a tojlal 'a smasnil tiempo; 'a junjn c'u 'oj wal wach' paxti 'ayach.

Ef 4:29

Man̈x eyal jun tzo'n̈ comn tu paxti'al. Cojn jun tzo'n̈ paxti wach' tzlaj eyala', sec 'oj laj b'o snab'en eb' tz'ab'xni 'ayex, ax swach' 'och ste'nal eb' eyu'uj.

Mt 12:35

A eb' wach' snab'en, wach' tzyutj sb'a eb', yujto an̈j tas wach' 'ay 'a snab'en eb'. Ax eb' maysch'olnil snab'en, maysch'olnil tzyutj sb'a eb', yujto an̈j maysch'olnil 'ay 'a snab'en eb'.

Salmos 71:15

Smasniln̈ej c'u 'oj wal-l ab'xil, chajtlto ach tic caw tojl ach, ach in a col-li. Wach'xam to matz nachj 'el wuj smasnil, palta 'oj wal-li.

Salmos 71:8

Smasnil c'u tzach in b'itnej, yic tzwi'n chan̈ a b'i.

Salmos 37:30

A eb' tojl snab'en, tzpaxtin eb' yet' jelnal, an̈jtona', tzpaxtin eb' 'a stojlal.

Dt 11:19

'A'c scuy eb' eyunnal jun tzo'n̈ paxti tic 'a yol eyatut, yic tzex b'ey yet' eb', yic tzex waycn 'ejmi yet' 'a yic tzex q'uexwa'an.

Salmos 70:3

A eb' tzin tzetzni, 'at cab' eb' 'elc yuj sq'uixwc'ojlal.