Salmos 71:22 - Chuj San Sebastian Bible

²² An xo tic, 'oj wal wach' paxti 'ayach. A wal a tojlal, 'oj in b'itnoc yet' arpa yet' pax salterio. Ach tic in Diosal ach, Cojxn ach toni.

Chuj San Mateo Bible

²² A inxo tic, ol ach in b'itej yujto tzaq'uelc'och tas tzala'. Ol vac'an yuj diosal d'ayach yed' te' arpa yed' te' chin̈b'il. Ach in Diosal, co Diosal ach a on̈ aj israel on̈ tic.

Salmos 71:22 Referans Kwoze

A Ch'an̈ Schab'il Libro Yic Yab'ixal Eb' Rey 19:22

¿Mach jun 'aj tu 'ix ala, 'ix a xib'tn paxi?. ¿Mach jun 'aj niwquil 'ix otj yol a jaj, xa jun a sat 'a 'a? Atn 'ayn an Dios in to Cojxni.

Salmos 33:2

¡Alc wach' paxti 'a Jehová yet' arpa! B'itnejec sb'i yet' salterio.

Salmos 89:18

Ach 'ix ac' jun qui Colmal on̈. Ach qui Diosal on̈, Cojxn ach toni, ach 'ix a sic' 'elt jun qui reyl on̈.

Is 60:9

A jun tzo'n̈ 'oj eyil cha, atn te barco tzcot 'a jun tzo'n̈ xo chon̈b' 'ay 'a sti a mar, b'ab'l eb' te yic Tarsis yuj eb' te'. Ata ajun eb' eyit chon̈b' yet' eb' 'anma cha, yet' eb' oro, yet' eb' plata, yuj yi'nb'ilc chan̈ in b'i an Jehová in. An e Diosal in, to Cojxn In Ton Dios In, an 'ixta 'oj wutc ex wa'n b'inaxc paxi.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Is 12:6

Ex 'aj Sión, 'el cab' eyaw yuj tzaljc'ojlal yujto a qui Diosal an̈ israel on̈c tic, atn jun Dios To Cojxni, caw 'ay smay, 'ayc' 'a qui calec, 'oj e chioc.

Is 5:24

Yuj cha, 'icha wal tz'aj stz'a 'ejm te 'ac yuj c'ac', c'uxn tz'a te xil chi smasnil, 'ixta 'oj 'aj slajw 'el eb' tic, 'oj tacjoc 'el eb' 'icha te te c'al xo sch'an̈lyib', munxoj tzpucl snich, 'icha xoj pococ tz'ajcni. Yujto tzpatquiljcan 'el eb' sley Jehová tztac' yuj smasnil, atn qui Diosal to Cojxni.

Salmos 144:9

Ach in Diosal, 'oj in b'itnoc jun 'ac' b'it 'ayach; 'oj in b'itn yet' in salterio.

Salmos 98:3

Caw wal 'ayn̈j 'ec' schamc'ojlal yet' stojlal 'a qui calc an̈ israel on̈c tic. Smasnil 'anma 'a yolyib'n̈q'uinal tic 'ix yil eb' scolwj qui Diosalec quet'oc.

Miqueas 7:20

'Ayn̈j 'ec' a wach'c'ojlal yet' a chamc'ojlal 'ayn̈ on̈ Mamin, 'icha otjnac a'n can a ti 'a eb' qui mam quichm 'a yictax pecti 'on̈, atn 'a Abraham yet' 'a Jacob, xchi Miqueas.

Is 43:3

An Jehová in, e Diosal in, e colmal waji, Cojxn In Ton e Diosal In. An 'ix wa'ch Egipto, Etiopía, yet' chon̈b' Seba e mannb'iloc.

Is 5:19

Tzcob' yal eb' 'ixtic: A qui Diosal an̈ israel on̈ tic, atn jun Dios Cojxni, comnoc yajn̈ej tzb'on tas 'icha tzna 'a quib'n̈ec, xchi cob' eb'.

Is 5:16

A Jehová tztac' yuj smasnil, 'oj sch'ox 'ilxoc to niwn yel'ch sb'eyc'ojlal. A Dios yel xo wal wach', 'oj sch'ox 'ilxoc to tojl snab'en.

Salmos 138:2

'Oj wem cumn 'a yol atut yic 'oj walnc wach' paxti 'aych yuj a chamc'ojlal yet' a wach'il, yujto niwn yel'ch a b'i yet' a paxti 'a yib'n̈ jun tzo'n̈ xo tas.

Salmos 89:1

Mamin Jehová, 'oj wal 'a scal in b'it chajtlto caw wach' a nab'en. A yic 'oj ach in b'itnoc 'a junjn 'ejem, 'oj wala', to yeln̈j tas tzala.

Salmos 78:41

Palta an̈j 'ijnoc ya'n prowal eb' Dios, xya'n eb' cus sc'ojl jun qui Diosalec to Cojxni.

Salmos 56:4

Mamin, caw tzach wa'ch yipc in c'ojol, tzwaln wach' paxti 'a tas aljnac, yuj cha, matz in xiwi. ¿Toc 'ayt wal 'oj in yutc eb' 'anma to chaml b'a yaji?

Salmos 25:10

Yuj a chamc'ojlal yet' yuj yeln̈j tas tzala, yuj cha, tze'n b'ey eb' tzyiclni a trato yet' a checnb'il.

Ro 15:8

Tzwalb't jun tzo'n̈ tic 'ayex, yujto a Cristo wul ya'jnac sb'a ya'malc servil eb' quit israelal. A wul 'a'jnac 'el'choc tas yaljnac can Dios 'a eb' qui mam quichmec, yic ya'n can sti 'a eb'. 'Ixta yutjnac Cristo sch'oxni, to caw yel tzyal Dios.

Salmos 43:4

Ach in Diosal, 'oj in c'och 'a 'aj 'ay yet'l a xajmb'al, ata 'oj ach in b'itnoc yet' arpa, yujto in Diosal ach, 'ac' in tzaljc'ojlal.

Salmos 98:4

B'itn coyc 'a Jehová yet' qui tzaljc'ojlal. Jantc on̈c cajn on̈c 'a sat lum lum tic, ca'c wal tzaljoc qui c'ojl qui b'itnanec jun tzo'n̈ b'it tic.

Salmos 98:5

B'itn coyc 'a Jehová yet' arpa, b'itn coyc yet' jun tzo'n̈ son ch'an̈ 'aych 'a 'a.